.
.
مساء الخير...
امس الخميس كنت فالها مع ابن خالتي بصراحه
من العصر لحد الان
وابن خالتي بيدرس في جامعة الملك عبد العزيز
والبيت عندي فاضي انا لحالي
وابن خالتي عنده محاضره الساعه 7:30 المغرب
قالي يانمور تعال معي الجامعه
قلتله بلاشي ياشيخ وانا مني طالب في الجامعه وانا متخرج من التقنيه
قالي عادي يارجال
وقالي البيت فاضي مافي احد ايش تسوي لحالك قلتله اوكي
رحت معاه الجامعه
ودخلت المحاضره الي معاه كانت تحليل احصائي مدري تحليل كمي مادري عنها
الصراحه الماده هدي ماحبيتها معقده
والدكتور رزيل وكلامه كتير وطول الوقت يمسح ويكتب بلعربي غلبااااوي
وطبعا خويكم نمور داخل المحاضره ولامعاه قلم ولادفتر ولاكتاب وشكله مو وجه طالب علم
:d<<...من اساسه هو طالب علم اصلا عاطل ومتخرج من التقنيه
نرجع لمحور القصة
الدكتور وقفني وسئلني ايش تكلمنا في المحاضرة السابقه
انا
فتحت ضروسي زي هدا :d
بكل برائة ايش عرفني ياستاذ
الدكتور قالي انتو كده دنتو عالم زباله ماتفهموش حاقة اجلس
ويقرقر يقرقر
وسئلني اسمك ايه
قلتله
طبعا الفتله اسم من عندي
ةرط واحد من الد اعدائي الي كانو اصحابي زمان"محمد سامي"...
خخخخخخخخخخخخخخخخ
قالي اسمك مش موجود بلكشف قلتله ادري انا بتاع محاضرة العصر
ومشيت معاه وقالي انت باقيلك محضرة وحدى وحرمان من المادة
الصراحه
فيه اشياء عارفها في الماده هدي لنها في الاقتصاد واخدتها انا ايام الكليه
وفي اشياء اول مره اسمع عنها واشوفها
ومني فاهم من شرحه شي
وقفني الدكتور مره ثانيه عشان مسئلة احلها
قلتله بكل بروده ياخي ويش فهمني عن المسئلة هدي انا انسان محاسبي اسئلني في المحاسبه
انا خريج من الكليه التقنيه تخصص محاسبة
قالي الدكتور انت جاي ليه ماتروح البيت تنام
قلتله والله يادكتور هدي الساعه المباركه اني افتك من وجهك النحس وغلبتك
والدكتور صار وجهو كدا...http://vb.6lal.com/images/smilies/005.gif
بتقول ايه بتئول ايه..!!:mad:
والاخوان ماقصرو وولد خالتي كتب الجواب وقلي هدا الجواب وقلته
وبعدها قالي اقلس في مطرحك
وبعدها بنص ساعه جاله اتصال وجالس يتكلم
وانا اتسحبت وفركت وهو انتبهلي وصار يناديلي وانا صافه ونزلت صليت العشاء واستنيت ولد خالتي بره جمب السياره ومولع احلا سيجاره مع صوت طلال في اغنية ياحبيب العمر ونزل ولد خالتي بعدي بشويه وقالي ناوي يرسبك الدكتور
ههههههههههههههههههههههههههه
هو انا اصلا في الجامعه عشان يرسبني مع نفسه
اهم شي عدوي اللدود يرسب
:d
بس بكل صراحه
بعد ماشفت اجواء دكاترة الجامعه والجامعه
قلت في نفسي
الله يرحمك يالكليه التقنيه والله يرحم ايامك ومدرسينك ودكاترتك
لنه بجد المدرسين واللدكاتره الي كانو في الكليه ودرسوني عالم من جد يبذلو مجهود عشان تفهم الماده
عكس الي شفته امس
الدكتور جالس يقرقر زي الببغاء ويكتب في السبورة وشرحه تعبان
و
و
وربي حسيت اني امس خاطرت وسويت حركة غبيه
ومن جد حطيت نفسي في مواقف بايخه انا مدري عنها شي وكنت بورط ولد خالتي بس ربكم ستر
نصيحه مني ليكم
لحد يفكر يسوي الحركة الي سويتها ممكن راح تندمو بعدين
موكل مره تسلم من جره...
هدي هي القصه من طق طق طق علين سلام عليكم...
