استفسار ورشه مظمونه رفع النور الواطي 2011

السلام عليكم

كيف حالكم
عساكم بخير وعلى القوه


شباب انا معاي اكورد 2011

وراعي خطوط

عندي مشكله في النور الواطي احسه مره نازل تحت رغم اني رافعه اعلى شي بالزر الي تحت الدركسون

والنور العالي مشالله ماعليه كلام رووووووووووعه

رحت الوكاله وقالو اوك وعطوه وزن وصار نفس الشي يعني مافرقت نازل انور احسه

السؤال الي يطرح نفسه ...

كيف طريقه رفع النور الواطي هل فيه فك وتركيب وكذا

ابي فقط رفع

وهل فيه ورشه او محل مضمون لرفع النور متخصص في الاكورد

طبعا في ( الرياض )


وبكم اسعارهم تقريبا رفع النوور ويكون مضبوووووووووووووووووووط



ملاظه ( النور وكاله ) مو زنون ..


في انتضاركم شباب

والله ياليت الشباب يفيدوك

ويقولولنا افضل ورشه للاكورد في تبوك ؟!!

انا كنت معاني مثلك ..!

بس اذا تبي نصيحة والله ماتبي لا ورشة ولا شي ..

الاخ King بارك الله فيه علمني طريقة وماقصر ..

شوف النور لما تفتح الكبوت فيه عندك عمود بلاستيكي داخل انبوبة فيها فتحة دائرية

اما انك تدخل مفتاح مصلب (لكن يندر تلقاه ) .. وتحركه

او انك تجيب مفك مقاس 4 على ما اظن او ماسكه او اي شيء وتلف العمود

اذا لفيته بجهة الفك ( يسار) يرتفع والعكس ينخفض ..

وان شاء الله اكون افدتك

اقتباس:

---

المشاركة الأصلية كتبت بواسطة دنيآ الغرور

انا كنت معاني مثلك ..!

بس اذا تبي نصيحة والله ماتبي لا ورشة ولا شي ..

الاخ king بارك الله فيه علمني طريقة وماقصر ..

شوف النور لما تفتح الكبوت فيه عندك عمود بلاستيكي داخل انبوبة فيها فتحة دائرية

اما انك تدخل مفتاح مصلب (لكن يندر تلقاه ) .. وتحركه

او انك تجيب مفك مقاس 4 على ما اظن او ماسكه او اي شيء وتلف العمود

اذا لفيته بجهة الفك ( يسار) يرتفع والعكس ينخفض ..

وان شاء الله اكون افدتك

---

ممكن تصورها لنا الله يعافيك

وبكون شاكر ومقدر لك

والشي الثاني هل يرتفع النورين ولا كل واحد لحاله الي يمين ويسار كل واحد اعمل له وزن

وايش افضل طريقه اوزنه اخلي السياره قدام جدار ؟

up up up
up up up

ابشرر الليلة اصورها لك ان شاء الله

لان حتى انا يوم ركبت الزنون وغيرت الميزان لاحظت اليوم ان اليسار اعلى من اليمين

وبضطر اوزنه

بالنسبة للوزنيه كل سطب له ميزان خاص

يعني لازم يكون الموتر قدام جدار وبعيد عنه حوالي 5 امتار الى 7

مايحتاج ورشه ولا شي اذا تبي اوزنها لك احلى شي ابشر

واذا تبي نصيحتي ركب زينون عند محل كويس ويوزنها لك بالمره .. ارسلي اذا تبي محل كويس يركب زينون

شباب الله لا يهينكم الموضوع هذا مهم وانا احتاجه من زمان فعلا النور الواطي مستواه نازل وابي ارفعه ولا لقيت الطريقه السهله مع اني شايف بالكبوت على الرفارف بالجنب حرف r و l بس مدري وين اشبك مفكي
فالله لا يهينكم كم صور كذا توضح العمليه الجراحيه

ودمتم سالمين

باك ..

اليوم وزنت نور سيارتي بفضل الله ..

وقلت اصور لكم < من زين هالصور

طبعا اول شي لازم يكون عندك مفك مربع (مصلب) علشان تشتغل فيه ..

مثل هذا تقريبا ..
http://store1.up-00.com/Mar11/oqL66026.jpg


بعدها نجي على النور اليمين ..

http://store1.up-00.com/Mar11/guF66026.jpg

موضح لكم الفتحة ..

تدخل المفك بالفتحة الموضحه ..
اذا لفيت المفك يمين بينزل النور .. واذا لفيته يسار بيرتفع .. عاد شوف الي تبيه واوزنه ع كيفك ..

نجي للنور اليسار .. طبعا مكانه غبي شوي ..


http://store1.up-00.com/Mar11/ffE66026.jpg

بتدخل المفك ونفس الطريقة ..


انا عن نفسي كنت اضغط بقوة للنور اليسار والف لحتى حصلت على المستوى المطلوب

لان المفتاح مو مخصص له بالضبط لكن يمشي الحال وتضبط امورك مثل المطلوب ..

وان شاء الله يكون كل شيء واضح ..

بالتوفيق للجميع ~.

الله يجزاك خير ..

فيه كم صوره ماطلعت

ارجو رفعها مره اخرى وشكرا ..

اخوي الصور كلها 3

استنى عليها شوي لاني ماعرفت اصغرها يبي لها وقت تتحمل :d

اللـه يعطيك الف الف عــــآفيه ،،،

والله انهـآ عندي نفس المشكلهـ والصور وإضحه الله ينور عليك يآلغـآلي ،،

طيب السؤال الي يطرح نفسه ..

المسمار هذا حق رفع وتنزيل فقط
او يمين ويسار .؟ لان اخاف افر والديه ويختلف النور يمين ويسار عرفت كيف

في انتضار ردك << قبل لايغامر ابو الشباب لازم يتاكد ههه

وين المسمـآر هذـآ انقلب مخي والله وانا ادور لهـ الاكورد الا معاك من 2008 الى 2011 ..؟

اقتباس:

---

المشاركة الأصلية كتبت بواسطة فتىسدير

طيب السؤال الي يطرح نفسه ..

المسمار هذا حق رفع وتنزيل فقط
او يمين ويسار .؟ لان اخاف افر والديه ويختلف النور يمين ويسار عرفت كيف

في انتضار ردك << قبل لايغامر ابو الشباب لازم يتاكد ههه

---

لالالا ما عليك هذا للرفع والخفض فقط لا غير ...

جربة وازهل امرك وماجاك علي :d

اقتباس:

---

المشاركة الأصلية كتبت بواسطة إْمير

وين المسمـآر هذـآ انقلب مخي والله وانا ادور لهـ الاكورد الا معاك من 2008 الى 2011 ..؟

---

سيارتي 2008 !!

النور اليمين تلاحظه بسهولة بس السيار يبيله تنتبه زين لانه بين الرفرف والبطارية .!!

حلوين يعطيك العـــــــــآفيه ،،

برووووووووووب اشوووووووووف وينهـ،،

بــآك حصلته بس يبغـآلهـ مفك امريكي ،،

يعطيك العــآفيه يآعسـل ،،

اقتباس:

---

المشاركة الأصلية كتبت بواسطة إْمير

بــآك حصلته بس يبغـآلهـ مفك امريكي ،،

يعطيك العــآفيه يآعسـل ،،

---

ياخي انا عجزت احصله الي على يسار يمكن لازم افك البطاريه ؟

والشي الثاني المفك هذا شلون نجيبه ..

تقدر تصوره لنا الله يعافيك..

شكلي بوديها ورشه بس او محل زينون وبخليه يرفعه لي ب 50 ريال وبلاش احوس ولا شي


ماتخبرون لي ورشه او محل مختص في نور الاكورد ؟

عشان الوزن

طبعا في الرياض ؟؟

اقتباس:

---

المشاركة الأصلية كتبت بواسطة فتىسدير

ياخي انا عجزت احصله الي على يسار يمكن لازم افك البطاريه ؟

والشي الثاني المفك هذا شلون نجيبه ..

تقدر تصوره لنا الله يعافيك..

شكلي بوديها ورشه بس او محل زينون وبخليه يرفعه لي ب 50 ريال وبلاش احوس ولا شي


ماتخبرون لي ورشه او محل مختص في نور الاكورد ؟

عشان الوزن

طبعا في الرياض ؟؟

---

المفك مصورة انا اخوي شوفه باحد رددي ..

والله نفسي اجي الرياض علشان ارفع لك النور واوريك وش كثر المسالة سهله :d

الحين 50 ريال تعبي لك بنزين مرتين !

ورا ماتمسك خط القصيم وتوفر ع نفسك 20 ريال :d

وانا ارفعه لك مجاني ... :d

طيب انا معي سيفيك وش لووون اوزن انوووور نفس الطريقةةة ولالا

اقتباس:

---

المشاركة الأصلية كتبت بواسطة عزوز كوول

طيب انا معي سيفيك وش لووون اوزن انوووور نفس الطريقةةة ولالا

---

ودي افيدك اخوي ...

بس خبراتي الصناعية والكيميائية متخصصة للاكورد :d

مشكور اخوي وان شاء الاعضاء يفدوناااا

وديته لمحل في الغرابي وظبطها لي .. لاني حاولت وقلت اخاف اكسر حقت الفرار الي ترفع النور ههههههههه

وديتها وسواها بس ب 30 ريال

المحل اسمه الشاشه في الغرابي قبل العليان يجيك دخله يمين روح مع الشارع تحصله هناك

طيب يا فتسدير ما شفت الطريقه ولا صورت اذا شفت الطريقه علمنا كيف