عرض للطباعة
السلام عليكم
مثل ماتشوفون بالعنوان انا رجال معي اكورد 2012 ماشيه 36 ألف وبصراحه ماني فاضي ل هم الوكالة خصوصا ان شغلتهم مواعيد والسيارة تطول عندهم وانا رجال وراي دوام
المهم ابي منكم الزيوت الزينه سواء للمكينه او القير ..الخ
وابي معلومات متى اغير السيفون وهالامور
ومشكورين مقدماً ..
سؤال اخير: من جاء البرد وانا اسمع طقطقه بالبدي مدري وشي منه! من حصلت معه المشكلة
تفضل هذه الروابط ان شالله راح تفيدك .. ادخل عليها و تعرف كل شي
http://www.hondaarabia.com/club/t57624/
http://www.hondaarabia.com/club/t51559/
بنسبة لـ زيت الماكينة في زيت خاص لـ هوندا اسمه زيت هوندا راح تلقاه في بنجري ابويمن
و راح اطرح لك صورة لـ علبة الزيت ان شالله
وعليكم السلام فيه زيت راح يعجبك ومجرب ومنافس بالسعر واوفر لك من الزيوت الاخرى اسمه زيت كاسترول ماجناتيك 10w40يمشيك 10الاف بالراحه السبب اللي خلاني اختاره اني اشتريه بالجمله 255 وفيه 12 علبه يطلع لي العلبه ب21.25ريال والبناشر يبيعونه 35 الى 40 ريال وزيت هونداب40ريال شوف لوزيت هوندا يباع بالجمله راح اشتريه وانت حر في اختيارك وشوف اللي يناسبك
وعليكم السلام
الزيوت الزينه للمكينه واللي مجربها .. بترومين و فوكس وتجي 10w30 و 20w50 ثقيل جدا .. ولا جربت الزيوت الثانيه
زيت القير لا تستخدم إلا زيت الوكاله
زيت الدركسون لا تستخدم إلا زيت الوكاله المخصص للدركسون
تغيير الزيت كل 5 الاف .. وحاول تعاير الزيت كل فتره وفتره .. وقف السياره على أرض مستويه .. ثم طف السياره وخلها تبرد لساعات طويله وعشان ينزل الزيت .. ثم عاير الزيت
تغيير السيفون كل 10 الآف .. خذه من الوكاله سعره 19.20 ريال
تنظيف فلتر هواء المكينه وتنظيف فلتر المكيف مع كل تغييرة زيت
بدرج سيارتك فيه كتالوج ( دليل المالك ) فيه معلومات كثيره ومهمه عن سيارتك والصيانه وفيه جدول صيانه
اقتباس:
المشاركة الأصلية كتبت بواسطة خذني جيتك
عادي لا تشيل هم .. انا يوم طلعت قبل شوي .. لقيت زي الثلج الخفيف جدا على السياره ( صقيع ) على الكبوت والرفارف والتنده والشنطه والقزاز الأمامي والخلفي .. واذا انقشع الصقيع الخفيف اللي على الكبوت يطلع صوت اذا لمس القزازه الأماميه
ومع السرعه يبدأ يطير .. ومع الحراره يذوب
اتوقع من ماء المساحات .. لأني امسح القزازه الأماميه ورشاش الماء قوي ما شاء الله .. والماء يطير مع كل الجهات أثناء تشغيل المساحات
انا ما أستخدم إلا ماء صحه للمساحات .. لأني ما أشرب إلا ماء صحه
ودائما يبقى بالسياره قوارير ماء .. ولا أشربها اذا ضربتها الشمس لأن البلاستيك حقها يتأثر مع الحرارة والشمس ويأثر على الماء ( يضر )
بدل ما أجدع ( أرمي ) الماء بالشارع .. أعبيها بالمساحات .. أحسن من الماء العادي
الماء العادي يمكن يأثر على رشاشات المساحات .. تتوسخ ويصير رشّها أضعف .. << وسوسه
انا عني انصح بزيت هوندا الاصلي الجديد ابدعو فيه القديم كانت مشكلته ينقص بس الجديد اهلكه الى 9 الاف وماشلله عليه لا ينقص ولا يتغير لونه وصوت المكينة ناعم
بنسبا لزيت القير زي ما فادوك الشباب لا تبعد عن زيت الوكاله
ونفس الشي الدراكسون
واحب اعلق على التربيط انا عانيت جدآ كان عندي كل فتره يرتخي مسمار المقص وكان يطلع صوت طقطقة الين ركبو له ورده وشدوه الحين نوعآ ما تمام بس توني مسويها ما ادري بيرجع يرخي او لا
والله يعطيك خيره ويكفيك شرها
اخوي هاوي .. انا عندي طقطقه اذا مشيت على طريق مو مستوي سرعة 20-40 ...
الصوت يرفع الضغط وله فتره .. وماني عارف من ايش بالضبط
تتوقع من مسمار المقص ؟؟
والله اني ساحب على الوكالة من يوم السياره ممشاها 10 الاف كيلو
وكنت اشتري زيت هوندا واغيره عند البناشر بس اخر مره كان بيروح عليه الكرتيل الصره سنونها الخارجيه اتأكلت من كثر الفك والربط وبالقوه انفكت بدون اثر الحمدلله وغيرت الصره اذا كذا غير زيت بس بالوكالة لا تسوي صيانه
يعطيكم العافية جميعاً كفيتوا ووفيتوا ولي رجعه لقراءة الموضوع بشكل دقيق
الزيوت تنقسم الى ثلاث انواع بشكل عام
- زيوت بتروليه طبيعيه: وهذي الزيوت اللي كلنا نعرفها وتتميز بقلة تكلفتها لكنها اقل جوده
امثله: فوكس سوبر جيتي وكاسترول جيتي اكس والترا 7 . الخ
- زيوت شبه تخليقيه ( شبه صناعيه ): هذي مثل زيت هوندا وكاسترول ماجناتيك وموتر كرافت وهذي تعتبر زيوت مخلوطه اي انها مظاف اليها مواد تصنيعيه لزيادة كفائتها
وهي بلا شك افضل من الزيوت البتروليه العاديه ولكن تكلفتها اعلى قليلا
انصح بشده بزيت موتر كرافت زيت ممتاز جدا وسعره الارخص العلبه بـ16 ريال وهو الوحيد بينهم ذو صناعه امريكيه
اغلب الزيوت اصبحت تصنع بالسعوديه
الزيوت التخليقيه بالكامل: وهي الافضل بلا منازع ولكنها مكلفه
الامثله فوكس تيتان سوبرساين وموبيل ون وكاسترول ايدج
اذا تبي تخليقي بالكامل انصحك بفوكس تيتان واذا تبي نصف تخليقي بجوده عاليه وسعر مقبول مالك غير موتر كرافت وهو الزيت اللي رسيت عليه انا واستخدمه بكل سياراتي واشتريه بالكرتون
اقتباس:
المشاركة الأصلية كتبت بواسطة عزآه
هل هذا الزيت نفس حق الوكالة .. ويصلح للاكورد 6 سلندر .....