كان بيكون أول تجمع لي بالقصيم .! ( يلعن أم التحطيمم )

........؟؟؟؟؟؟

السلام عليكم ورحمة الله وبركاته ..
حياكم الله ياشباب .. كيف حالكم .. ان شا الله بخير ..
ليلة أمس حضر عدد طيب مثل ما ذكر أخوي هـ و ا السعودية 707 ..
وناقشنا عن التجمع الرسمي في يوم الخميس القادم ..
وثبتنا أخيرا مكان ووقت التجمع ..

المكان : ؟؟ ؟؟ ؟؟ ؟؟ ؟؟ ؟؟ - من أراد الحضور يرسل رسالة لي عالخاص ..
الوقت : من الساعة 5:15 م - إلى الفجر.. إذا أعجبنا الجو والمكان ..

مبزرة الدعوة .. إنمحيت المرجله .؟؟
الكلام يتغير بـ ظرف ساعه معدودة دقايقها .؟
ننكب حنا على حاسبَ إيش ,على حساب هوى وإلآ وش ...؟

نتفق على كلام ولا أحد عارض على فترة التجمعّ عدا ( أبو عزوز / اللي شرهـَ عليه ) .. نتعب أعمارنا لعيونهم .. وكذ1 يصير ننصدم بـ الدعوة الفاشله.؟
يبدأ تجمعَ رسميَ بوقته وخلال ساعه [ تفترقون ] ولا ألقى أحد ..؟ الدعوة ماخذينها لعبه وإلآ وش ..؟ [ناس تضرب لكم ألف حاسب وأنتم ماتقدرون هالشيء !]

ناس تتعب علشانكم وعلشان تجميل ورونقة التجمعَ وحبكه .. تسوون فيهم كذ1 .؟
وعضو آخر أعتقد نكه mome جايكم من الريآض ( ينصدم فيكم ) إن كلامكم ماهو كلام يليق بـ رجال ..؟ ويرجع لـ الرياض ويروح لـ تجمع ديرته وهو طول الطريق يلعنَ .؟
شيء يقهر وربي .. هالعضو زين إن مافشلكم وجلس يشتم فيكم بالرياض عند أعضاء المنتدى بالإستراحه ماسك خط كامل علشآنكم وكذ1 يصير .؟
وين التحدي اللي قآيم بين تجمع الرياض وتجمع القصيم .؟ تبخر وإلآ كلام فقط .؟ حتى شوهتوا سمعة الديرة .! مين اللي راح يقول أبحضر تجمع بالقصيم .؟
أنا أقول له من الحين لا تجي لأن ماعندك إحد وربي..
وإلآ أنا اللي جاني التحطيــــــمَمم من دقيت على أبو عزوز ويقول لي ( تفرقوا العيال ) هالكلام الساعه 7 .؟؟؟
مآأقول إلآ أنا الغلطــــــــاان وربي اللي لقيــتَ لكم بال وإهتمامَ ..!

ملاحظة : أرجو من المشرفين الكرام " بعد إذنكم " عدم حذف الموضوع / لأن هذه الحقيقة المُره ويجب أن توضح لكي لا أحد منا يكون الضحية .. ولايتكرر هذا الموقف .!

وهذ1 موتري بيوم التجمع بعد ماأنصدمت ...!!!

http://www.y1y1.com/u/uploads1/578a1e42de.jpg
http://www.y1y1.com/u/uploads1/69aeb75e61.jpg
http://www.y1y1.com/u/uploads1/9472c80fae.jpg
http://www.y1y1.com/u/uploads1/58e20941f8.jpg
http://www.y1y1.com/u/uploads1/cdeb447429.jpg

للأسـف .!

حصل خير
مقدرين ظروفك أخوي
بس إن شاء التجمعات الجاية يكون معدين له بشكل أفضل

هجران ، عشان تريح بالك قل (لاإله إلا الله) والله حاس فيك لأن الطريق بصراحة طويل شوي خاصة انك رحت وجيت في نفس اليوم يعني قرابة 350كم على مااظن ، لكن ماتدري برضه ممكن حصل ظروف ممكن انك اخوي تأخرت شوي ، ممكن جت الشرطة ، ممكن وممكن وممكن إلخ .............. ، هو بصراحة جيتك من الرياض يعتبر جهد كبير واكيد الاعضاء ومن ضمنهم انا نقدر اللي سويته ونحطه على الراس وابشر بالعوض في تجمع الرياض اللي راح يصير قريب ، بس على فكرة دائماً الرياض هي القلب النابض بالتجمعات خاصة انك اول مرة تجي تجمع يعني المفروض انك متعرف على كذا عضو تضبط امورك معاهم وتحط لك الف حساب في بالك يعني وانت تمشي في الطريق تحط في راسك تهيأت ممكن تصير وصارت كثير (لو جت الشرطة وفرقت التجمع وصارت سفرتي هبأ منثوراً ، لو التجمع ماشجع بوجود اثنين إلى ثلاثة فقط وش مقوفي وانا ماسك الخط ومتعب نفسي) ارجع واكرر واقول انت اول مرة تحضر تجمعات يعني المفروض تتعرف على الشباب اكثر واكثر عن طريق تجمعات الرياض اللي تصير بين فترة وفترة لأنها ولايهونون شباب القصيم شبه مضمونة وغالبيتها صارت في استراحة بعيدة عن غثاء الشرطة والمتطفلين .

وانا اقولك ياهجران ماحصل إلا الخير وإن شاء الله الجايات اكثر بكثير ، ومايميز هذا الموقع بصراحة هو إنجاز التجمعات سواء في الرياض او القصيم اوالشرقية أو جدة ، خلاص اللي راح انتهى ماراح يرجع ، لاتحرق نفسك وتقهرها ، وحاول انك تفكر في اللي جاي .

تحياتي لك ،،،

هجران يا حلو انت هدي اعصابك و انا صراحه بالمره مقدر تكون حاط شي في بالك و في النهاية و ما تحصل شي عارف انها تحطيمه حصل خير و انشاء الله ما راح يتعودوها <<==== بينجلد :d
و عشان انسيك الموضوع متى تجمعكم عشان (( احاول اجي ))

عشان اجي اخذك و نروح القصيم اتفاهم معاهم <=== بايع عمره ===> مو مشكله هجران يستاهل

اهم شي انك رحت و رجعت بالسلامة

تحياتي ,,,

للرفع والأخذ بالحسبان .

:d

صح انه انتهى التجمع المغرب وكنت انا اول المغادرين لا كن انا معذور كان عندي موعد بالمستشفى وسأت الشباب قالو ان شاء الله قاعدين ومريت بالليل ماحصلت احد وكنت حاط في بالي اني ممكن مااحصل احد,, وان شاء الله التجمعات الجاية اقوى وترتيبها افضل

أخوي هـ.ج.ـران ... أنا اللي علي سويته .. زينت لكم اجتماع وتناقشنا عن المكان والزمان .. ووضحت للأعضاء عموما ..
وبالنسبة للموقع .. جبت صور ووضحت فيها الموقع .. والوقت كتبته للأعضاء بعد اتفاقنا اللي حصل في الاجتماع ..
((هذا أول تجمع في حياتي , مو بس في القصيم)) والطلبات مافيه الا عضو واحد فقط اللي رد علينا وقال بجيب ..
جبت معاي قهوة وشاي وحلى من البيت .. قسم بالله اني كبيتها جنب الحديقة .. والحلى عطيته عامل محطة ..
ماأبغى يعرفون أهلي انو ماصار تجمع ولا شيء.. ( في أوقات الامتحانات كنت أتابع الموضوع.. وكل رد أرد عليه )

اتصل علي أبوعزوز وقال لي تعال الشباب ينتظرونك .. قلت سم .. المغرب عندكم ..
والله جاني ظرف طارئ من أهلي .. وإذا تبغى تتأكد أرسل لك الظرف عالخاص ..
أرسلت رسالة لأبوعزوز أعتذر (ماأقدر أجي المغرب) يعني بعد العشاء فاضي ..
اتصل علي أبوعزوز وأكوردي 2004 وقالوا لي لاتحضر الشباب تفرقوا .. كيف ؟؟ .. الاتفاق للفجر .. ؟؟
قالوا لي يمكن يبقى أكوردين بس.. وربي الساعة 8:15 أخذت لفتين على المكان أبغى أكورد وحده بس.. مافي أحد..
طبعا الغلط مو على الأكوردين.. الغلط على الكل.. وين الاتفاق نجلس للفجر ولا واحد أعتذر قبل التجمع الا أبوعزوز..
لحد هنا أوقف عن التعليق .. والسلام

من حسن تصرف منظم التجمع ارسال رقم الجوال الى كل (شخص مسجل اسمه في قائمة الحضور ) سواء كان التجمع بعد شهر او اسبوع او اسبوعين .. مهما كان ..
والاهم الشخص الي بيجي للتجمع .. لايسوي مفاجاه من راسه .. يطق مشوار وفي الاخير مايحصل احد ..
اذا لك نيه بالمفاجأه ممكن تكلم منظم التجمع وتاخذ رقمه وتقول له ابجيك ولاتعلم احد
..
الشي الثاني .. اي شخص يرغب بالحضور لاي تجمع يراسل المنظم ع الخاص ويرسل له معلوماته العاديه
الاسم - رقم الجوال- المنطقه(اذا كان خارج منطقة التجمع)
.....
الى كل منظم للتجمعات .. اذا هو قد المسؤوليه لتنظيم التجمع .. يكون قدها ,. مايوهق الشباب .. وانا ماعني احد .. كلكم فيكم الخير والبركه ,,,
والى كل شخص يرد الحضور للتجمع .. يكون عنده خلفيه عن التجمع ومتى بيصير ومتى يكون وين مكانه وعنده ارقام الشباب يجيبها بطريقته ..
وبكذا يكون الطريفين عندهم علم عن الي بيجي وعن المكان وعن العضو الي له نيه بيجي للتجمع ..
لتفادي الاحراج .. ولكسب سمعه طيبه عن اهل المنطقة .. والخروج بابداااااع مميز ..

يارجال انا مثلك كل العصر اغسل سيارتي

والمغرب ضارب مشوار ولا لقيت احــد

لكن وش نسوي خيرها بغيرهـــــا

((الظاهر شايفك بالطريق المغرب))

لا تفهمون غلط .. اللي جاي من الرياض .[ mome ] إعتقد هذا نكه .. والشباب عندهم خبر مليون بالمئة إنه جاي بالطريق ..!

وأنا بالنسبة لي إنحست بتركيب الجنوط 20 إنش وفك صاجات الرفاف وتركيب غيرها ..!!

كلنا تعبنــــاا لأجل التجميع يظهر بصورة حلوة .. لكن للأسف ماأحد قدر هالشيء..!

وبالنسبة لـ أبو عزوز عنده خبر إني أبجي بعد نصف ساعه < مكلمه أنا ..


وأخوي accord2002 : المسألة مافيها مفاجأت .. الكل يعلم بحضورنا .. بس ماحولـك إحد ...!

SAFWAN : طبعاً هو أنا .. ولاحظت شطفتك لي مستعجل تبي تلحق [ مسكين حالك مادريت عن العلم .] .!!!




بيني وبينكم حرمتَ .. أمخمخ وألقي بال لتجمعااات ..دام ذي بدايتها .. الله أعلم عن تاليها .؟؟

دامك كذا حرمت ... اسأل دحووووم عن تجمعات الرياض.. ولاتنسى تسير علينا .. واذا انت متواجد بالرياض ارسل لي رقمك ع الخاص .. وابشر باقرب تكيه مب تجمع .. اي طلعه فيها من قروب هوندا راح يشملك العرض.. بس اهم شي ماتزعل والسبب تجمع >>يحس انك تسبه >مشرف تجمعات خخخخخ

^^^^^
حلوه راح يشملك العرض *_^


كل شي ولا زعلك .. يالغلا :d

يسسسلم لي رأسك يآ accord2002 / إنت الوحيد اللي تفهم الشعور .. لبىا قلبك ياشيخ .. وأوعدك .. لما يجي وقت التجمع .. إن شاء الله إني أجي لـ رياض .. :o

بس ماراح أتعب أبداً أبداُ علشان تجمع .. وبالأخير أتحطم مثل ماتحطمت بتجمع القصيم .! :(


ماقصرت فديتَك ..

دحوم : لبى روحك ياشييخ .. ليتك هنا بالقصيم .. علشان أتجمع أنا وياك بس .. وكيف اللي مايقدرناا .. ونصور على كيفنا :o

MAX177 : عاذرينك ياأبو يحيى إن كان ذا عذرك ( موعدَ ) / لكن ياخوي تصور معي أنت وحط نفسك مكااني .. وشف وش اللي بيجيـــَك ...!!

ناسنــــــــــوس : ياخوي أسمح لي أنت آخر من يتكلم مع خآلص أحترامي لك .. ياخوي دامك أنت اللي ماسك الموضوع بكبره .. ياخي تتأكد من كل نقطة سواءً كانت صغيره أو كبيره ..! ياخوي المفروض تآخذ منهم كلام الصحيح على فترة التجمع والكل يوعدك على إنه ( مايخورها ) .. وإلآ من البداية ياخوي ماتكلمت ولاقلت الوقت من كذا لـ كذا .؟؟! وبالأخير اللي حصل شيء ثاني .؟؟

هـ.ج.ـران :
أخوي تبيني أجيب معي صك شرعي يجبر الشباب إنهم يلتزموا على الموعد ..
والا تبيني أجيب معي المصحف عشان يحلف العضو انه يحضر التجمع إلى نهايته ..
والا حنا في حضانة عشان محد يروح قبل انتهاء موعد التجمع .. اللي بيحضر حياه الله (( ويكون قد كلمته .. ))
وتشوفني في الاجتماع .. أي واحد جاء من الشباب سألته عن رأيه في المكان والوقت .. ولا فيه أحد عارض ..
كنت شاورت الشباب عن الوقت .. وشف موضوعي اللي كنت كاتبه .. كان رأيي إلى صلاة العشاء فقط ..
لكن اقترح أبوعزوز يكون مفتوح إلى صلاة الفجر .. مثل تجمعات الأخرى .. وأرجع وأقول (( أنا لست المسئول )).

نآسنـــــــوس : أولاً كل اللي قلته ماله داعي إنك تسويه .. اللي له داعي إنك تكون متقن بأي تهتم فيه وتمســكه ..!
ثانياً : دامك أنت اللي مستلم الموضوع من بدايته أجل ( تحمل أي لوم يوجه لك إن لزم الأمر )
ياخوي الحين أنت جالس تبرر موقفك قدامي .؟ وأنت أول الشباب اللي ماحضروا ..
ياخوي أستح على وجهك وحط حساب لـ رجال اللي قدامك .. ( علشان اللي حصل لموترك .؟ )
نعذرَك , بس كان على طول شلت يدك من الموضوع دامك ماأنت قدها أول ماحصل لـموترَك , وتركته لأحد بدالك ينضم الموضوع صح .؟!
عموماً أنا ماأوجه كل اللوم عليك .! فقط نسبة 55% والباقي على الشباب اللي مالهم كلمة .!
المفترض لو ماهم مستعدين أنهم يجلسون طول هالفترة .. كان عارضوا من البداية .. ولايزرعون الأمل فينا والعشم فيهم ..!
ماأقول إلآ حسبي الله والنعم الوكيل ..
برضوا أبذكر كلمة وأبيك تحطها ببالك وتفكر فيها زين .. ( إن بَدَرَ منك الخطأ فلا تجادل بالباطل مطالباً الحق وهي ليست بحوزتك ! )

عموماً التجمع راح ... وإنا عفت كل مايتعلق فيه خلاص .. وأتركونا منه ..!

إلآ ماقلتوا لي وش رأيكم بالصور .؟ :o

باك

الصوره رووووعه مره

انا جاي من الرياض علشان شغله لي سنه ودي اسويها ويوم شفتكم ناوين تجمع قلت والله لامشي لعيونهم

ومشيت واول ماوصلت دخلت على الموضوع مافيه اي جديد حطيت رد الساعه 17و5دقيقه وناظرت مكان التجمع وحركت

وجتني رساله 27و5من ناسنوس بس طلعت من المنتدى قبلها للاسف

رحت مكان التجمع مافيه الا اكورد وحده يدور يدور احد استحيت اوقفه واساله يمكن مو معنا وحركت الرياض بس ضاع وقتي شوي

بس مو مشكله الجايات اكثر :)

اقتباس:

---

المشاركة الأصلية كتبت بواسطة هـ.ج.ـرإنُ

عموماً التجمع راح ... وإنا عفت كل مايتعلق فيه خلاص .. وأتركونا منه ..!

---

اقتباس:

---

المشاركة الأصلية كتبت بواسطة هـ.ج.ـرإنُ

إلآ ماقلتوا لي وش رأيكم بالصور .؟ :o

---

الي اشووفه ان الموضوع يتقفل.. ماعاد له لزمه .. والصور ممكن تحطها في موضوع مستقل.. وتحطها في موسوعة السيارات ..

وهالموضوع ماراح يطول.. ;)

اللي تشوفه يآبعدي .. لـك زمام الأمور وأنا أخوَك .. الحين ممكن إنك تقفله .. :)

وعلى حكاية الصور أبشر راح أنقلها موضوع مستقل ..... :o

بإمكانكم اكمال النقاش بينكم عبر الرسائل الخاصه ..

واي شي تبونه راسلوني..;)

يداً بيد.. لرقي المنتدى..:d

حبايب لو تزاعلنا .. حبايب... :cool:

يغـلق..