أفضل شاشة ملاحة للأكورد 2008-2010

شباب أنا حسيت انه في تضارب حول أفضل شاشة ملاحة مناسبة للأكورد 2008 - 2010 وأكثر شاشتين عليهم العين هم :

1 - Time Less
2 - Road Rover

شباب اش تنصحوني أي الشاشتين أفضل وأنسب للأكورد ومواصفات كل شاشة .

تاااااااااااااااااااااااااااااااااااايم ليس بلا منااااااااااااقشة ولا تفكيييييييييييير
مواصفات وجودة فووووق الوصف ما تلقاها في اي شاشة ثانية
انا قعدت 5 شهور احوس السوق ادور وسمعت كلام وحكاوي وقصص ومدح في شاشات والله ما تسوى تركب على ونيت غمارة موديل 76 :d:d

بعدين اكتشف المنتدى هذا وقعدت اشوف الشباب يتكلمو على اي شاشة اروح ادور واشوفها واسأل اي احد مركبها

بس في الاخير مالقيت غير التايم ليس :cool::cool: بشهادة الكل
ركبها وانساها
مافي تعليق زي باقي الشاشات
مافي بطئ
مافي خوف
يعني انشالله انك تركبها ولا عاد تفكر انك تفك الديكور مرة ثانية عشان تصلحها او يحصل فيها شي
طبعا هذا بفضل الله
بس هذي نصحيتي اقدمها لك واريحك من التعب اللي انا شفته

طيب هل صحيح ان شاشة Road Rover معتمدة من شركة هوندا لسياراتها ؟ هل صحيح أن شركة هوندا تنصح بهذه الشاشة؟

كلام ماله اي اساس من الصحة واتحدى فيه اي شخص
ولو تبي انا مستعد اروح معك لشركة هوندا ونقابل مديرها
كله كلام فاضي ودعايات

انا انصحك بتااايم ليس
الكل يمدحهاا

السلام عليكم ..

يا هلا فيك أخوي ..

أنا أشوف أن مسألة شاشات الملاحة كثّرة سالفتها وخاصة على الأكورد 2008-2010

الرود روفر ..

جربتها ، الشاشة بطله ومن أروع ما يكونْ ..

لكن مشكلتها ، ان معلومات المكيف بعض الأحيان تعطيك غلط ،،

سعرها أنا أشوفه أنه غاليْ ، يعني ممكن نقول 2500-2700 ريال مناسب ..

،،

تايم ليس موجودة عند ولد خالتي ..

انا ما أدري ليش الأعضاء طايحين في تايم ليس وهم للحين ما جربوها ؟

الشاشة ما شاء الله تبارك الله من أروع ما يكون ،

لكن فيها مشكلة قد تكون بسيطه عند البعض وكبيرة عند البعض الآخر ..

أن الشاشة بعيده جداً ، يعني اذا بغيت تلمسها لازم تقوم من مكانك ،

أبعد من مكان شاشة الوكالة ، وهالشيء أعدّه عيب فيهاْ ،،

خلال هالأسبوع ان شاء الله راح ينزل تقرير عن شاشة كويسه للأكورد ،، < التقرير يناسب للي يحبون يشتغلون بنفسهم ;)

والله لازم اشوف واحد مركب هذي الشاشات وأجرب وانشالله بروح اشوفها اليوم في الغرابي واذا الشاشتين فيهم عيوب مابيهم الاثنين :d