ارتفاع حرارة هوندا اكورد 2002

السلام عليكم ورحمة الله وبركاتة

اخواني انا عندي هوندا اكورد 2002 قير توماتيك فل كامل

اشتريتها تقريباً قبل شهر من يوم ماخذتها بعد كم يوم الحراره عندي ترتفع وتنزل وترتفع وتنزل

غيرت موية لديتر حطيت لها اصليه شوي يطلع من الغطى بخار اشتريت غطى اصلي وماطلع ضبط كل شي

بعد ساعه صارت تنزل المويا من تحت السياره من الوسط وديتها المهندس قالي هذا قربة المويا حق المكينه واشتريت قربه جديده وركبها ورجعت تمااااام

هذا الكلام قبل ثلاث اسابيع الحين طلعت جده قبل اسبوع وانا راجع ماشي 180 -200 المهم وصلت البيت وقفت السياره الا اشوف الحراره ترتفع طفيت السياره وفتحت الرديتر فاضي مافيه مويا والمشكله مشيك عليها قبل ماطلع جده وعبيتها مويا ورجعت الحراره الربع طبيعي والحين كل ماروح مشوار وارجع تخلص المويا

ومافي اي تهريب ابدا من تحت وديتها عند مهندس قال نخرج البلف حق الحراره وترجع السياره تمام

اي احد عنده خليفه عن المشكله هاذي ؟

وهل اطلع البلف واخليها بدون بلف ولا اركب بلف اصلي ؟

وعليكم السلام البلف خله مكانه افضل بس المشكله احتمال ثلاجة الماكينه منشعره والمويه تتبخرمنها لاجل توضح الفكره شيك على الثلاجه فقط ..

اخوي توني جاي من ثلاث ورش وحده منها اختصاص هوندا قالي انه راس المكينه

واثنين وديتها لهم شيكو على السياره قالولي امكن راس مكينه بس احنا مانشتغل راس المكينه هوندا

انا ابغى اعرف وش دخل راس المكينه باختفى المويا من الريديتر

الحراره عندي ماترتفع الا اذا اختفت المويا وماتختفي المويا الا اذا رحت مشوار ورجعت تختفي

الي عنده اي معلومه لا يبخلاها عليا

اقتباس:

---

المشاركة الأصلية كتبت بواسطة Mr.Hmo0dy

اخوي توني جاي من ثلاث ورش وحده منها اختصاص هوندا قالي انه راس المكينه

واثنين وديتها لهم شيكو على السياره قالولي امكن راس مكينه بس احنا مانشتغل راس المكينه هوندا

انا ابغى اعرف وش دخل راس المكينه باختفى المويا من الريديتر

الحراره عندي ماترتفع الا اذا اختفت المويا وماتختفي المويا الا اذا رحت مشوار ورجعت تختفي

الي عنده اي معلومه لا يبخلاها عليا

---

انا اوضحلك الثلاجه هيا راس الماكينه دورة المويه في الماكينه تبدا من الراديترالبلف يعتبر حساس للحراره لداخل المحرك مع الضغط يفتح وتقوم طرمبة الماء بتمرير الماءالى الثلاجه والثلاجه فيها ممرات لتبريد المحرك اللي يمر فيها الماء وزيت القيروالمحرك حراره توصل ل90 درجه تقريبا بعدكذا الماء يتبخرمن الثلاجه او الراس المنشعر وكل ماترتفع درجة الحراره يفتح البلف والطرمبة تمررالماء كما ذكرت سابقا وبذلك ماراح تشوف ماءبالراديتر

اقتباس:

---

المشاركة الأصلية كتبت بواسطة مبارك عبدالله

انا اوضحلك الثلاجه هيا راس الماكينه دورة المويه في الماكينه تبدا من الراديترالبلف يعتبر حساس للحراره لداخل المحرك مع الضغط يفتح وتقوم طرمبة الماء بتمرير الماءالى الثلاجه والثلاجه فيها ممرات لتبريد المحرك اللي يمر فيها الماء وزيت القيروالمحرك حراره توصل ل90 درجه تقريبا بعدكذا الماء يتبخرمن الثلاجه او الراس المنشعر وكل ماترتفع درجة الحراره يفتح البلف والطرمبة تمررالماء كما ذكرت سابقا وبذلك ماراح تشوف ماءبالراديتر

---

الله يجزآك خير اخوي مبارك

بس الحين وش اسوي !!؟؟

اروح للمهندس وش اقوله!!؟؟

لان محتار ناس تقولي مو راس المكينه وناس تقول راس المكينه

شوف امس والله عبيتها موية لديتر اصليه ومسكت بها خط 180 ماشاء الله مافي ولالا شي

والله مره محتااااااار

تبغى نصيحتي شيك على الرديتر مره ثانية يمكن المكنيكي الاول ماعنده سالفة صار لي في الكابرس زي هالحركة ورحت لكذا مكنيكي كل واحد يفتي وفي الاخير حطيتها عند بنقالي متخصص في الرديتر واكتشف انه الرديتر فيه تنسيم خفيف ماينشاف وقالي اغيره براديتر اصلي ولا الحمه قلت له لحمة والحمد لله ما شاء لا حرارة ولا يحزنون

اقتباس:

---

المشاركة الأصلية كتبت بواسطة اكوردينيk

تبغى نصيحتي شيك على الرديتر مره ثانية يمكن المكنيكي الاول ماعنده سالفة صار لي في الكابرس زي هالحركة ورحت لكذا مكنيكي كل واحد يفتي وفي الاخير حطيتها عند بنقالي متخصص في الرديتر واكتشف انه الرديتر فيه تنسيم خفيف ماينشاف وقالي اغيره براديتر اصلي ولا الحمه قلت له لحمة والحمد لله ما شاء لا حرارة ولا يحزنون

---

الله يسعدك اخوي

حطيت موية رديتر اصليه اسدلكو وضبط كل شي الحمدالله لها الحين ثلاث ايام ولا نقص منها شي

وربي خوفوني حقون الورش

الحمدالله ان مو راس المكينه

يعطيك العافيه يالغالي

نورت