شريت المسجل الامريكي وتوووهقت

السلام عليكم
ياخوان انا نزلت موضوع عن المسجل والشباب بالمنتدى قالولي خذة يركب
ولمى خذيتة طلع مايشتغل يطلب كود ؟؟ والكود من وين اجيبة
واحد من الاعضاء قالي تحصلة بالدرج الراكب او ورى المسجل ولقيت ستكر صغير في رقم من 5 ارقام وتحتة رقم طويل
الرقم هذا دخلتة وطلعلي error والحل ياهل الخبرة تكفون فيدوني
الوكالة مايعطوني الرقم وفي كذا واحد راح وماعطوة
وهذي الصور

http://dc441.4shared.com/img/ruZVqWT...9102011916.JPG

http://dc427.4shared.com/img/rX5Q5H8...9102011919.JPG


http://dc430.4shared.com/img/40j851W...9102011918.JPG


http://dc427.4shared.com/img/9FCsJAw...9102011917.JPG


والله ندمت اني خذيتة
في احد يقدر يجيبلي الكود ؟
وبدعيلة



مسجل الفل اذا فصلت البطارية يطلعلك كود ولا على طول يشتغل؟
لأني ابي اراجع الوكالة واكيد انه بيكون كود المسجل عندهم

المفروض تطلب رقم الكود الخاص بالمسجل من البائع الامريكي

اذا تقدر تتواصل ... معه اطلب منه الرقم.

شكرا لك اخوي على الرد
انا شريت المسجل من التشليح
مافية ردود افا وين اللي قالولي خذة يركب شوفولي حل

اخوي رح لمحلات المسجلات عندهم فك للكود اذا انت من الرياض روح للغرابي

الغرابي يفكونه لك :)

عموما اللي يبي يشترية ولة جية الكويت يستاهله ويفكة بالغرابي سعر البيع 350 ريال ويبيعة انشاء الله ب1000
الجاد يتواصل معاي على الخاص المسجل جديد

ياغالي انت لما شريت المسجل من التشليح ماطلبت منه رقم الكود ؟؟؟؟
ثاني شي ارجع لنفس السياره اللي فكيته منها وتقدر ترجعه دام انه ما شتغل معاك
وكثير اللي ركب هذا المسجل ومنهم انا ركبت حوالي 4 لي ولشباب في المنتدى واثنين جات بدون كود وفكيناها ب100 ريال في ك2
ولما قلت لك يركب انا والمسافر نقصد انها نفس الافياش 100% ومافي اي اختلاف
على العموم ان شاء الله تلاقي حل ولو كنت قريب منك كان حاولت اساعدك لكن بعيد

والله ياخوي انا اتفقت معاه انها ماترجع وعطانياها بسعر معين وقالي مايشتغل وقلتلة اوكي مافية مشكلة وبالنسبة للكود اللي بالدرج هو اول صورة بس اظاهر انه موللمسجل معنة من السيارة اللي انفك منها المسجل

اخوي ارجع لنقس السيارة اللي اخذت منها المسجل وافتح الدرج بتقى كود دخله في المسجل وان شاء الله تظبط :cool:

ياخوان انا صرفت الموضوع عن بيع المسجل والمسجل بعد العيد بيوصل الغرابي والله يكتب اللي فية الخير
وبالنسبة للكود هو هذا بس ماكان مطابق وموجود داخل درج الراكب

هذي صورة الكود وسيريل المسجل

http://dc441.4shared.com/img/ruZVqWT...9102011916.JPG

المسجل كم يطلب منك رقم؟

هلا بالامير 5 ارقام
دخلتها الف مرة مافي فايدة يطلعلي خطأ
المسجل فية حركة تسويها وهي بالضغط على رقم 1 و 6 تكون ضاغط عليهم وتشغل المسجل بيطلعلك سيريل المسجل وبعدها تضغط اي رقم وبيفتح الرادو بس ياخذ 7 دقايق ويرجع يطفى وتعيد نفس الحركة يعني المسجل تمام بس ناقص الكود

طيب جرب دخل الارقام إلي فوق لأني واضح انها تخص المسجل بما انه يطلب 5 ارقام..

45336

إذا مانفع جربها بعكس الارقام

63354

انا اذكر اني مريت على موقع يفك لك كود المسجل عن طريق الاون لاين بدون شخص او فني!, اعتقد ياخذون رقم السيريل نمبر وبعض المعلومات المتعلقة بالمسجل ويفكونه لك بإستخدام برنامج مخصص, حتى سعرهم غالي يعني الغرابي اوفر لك في حال قررت انك تجي الرياض او جده او غيرها..

المسجل كم سيدي, وهل مواصفاته مثل مسجل الفل؟

اخوي انا عندي اكورد 2008 امريكي طلب من الكود , طبعا موجود رقم في الدرج هذا الرقم التسلسلي للمسجل
خليت واحد من الشباب من امريكا يتواصل مع وكالة هوندا في امريكا, عطيته الرقم الا في الدرج ورسله للوكالة , وعلى طول الوكالة رسلت لنا الكود واشتغل زي الحـلاوة (للتأكد من الرقم التسلسلي اولا: اضغط رقم 1 و 6 في نفس الوقت وبعدين اضغظ زر التشغيل ) وراح يطلع لك الرقم التسلسلي للمسجل.

اقتباس:

---

المشاركة الأصلية كتبت بواسطة king

طيب جرب دخل الارقام إلي فوق لأني واضح انها تخص المسجل بما انه يطلب 5 ارقام..

45336

إذا مانفع جربها بعكس الارقام

63354

انا اذكر اني مريت على موقع يفك لك كود المسجل عن طريق الاون لاين بدون شخص او فني!, اعتقد ياخذون رقم السيريل نمبر وبعض المعلومات المتعلقة بالمسجل ويفكونه لك بإستخدام برنامج مخصص, حتى سعرهم غالي يعني الغرابي اوفر لك في حال قررت انك تجي الرياض او جده او غيرها..

المسجل كم سيدي, وهل مواصفاته مثل مسجل الفل؟

---

اخوي معاذ هو يقصد المسجل الامريكي ست سيديهات ومكيف فرار

خلاص بوديها الغرابي والمسجل والله تمام وحلو انصح اصحاب السياحي يركبونة اذا كان سعره معقول فية حركة تمشي على اصحاب الكرجات اللي بالتشليح هو انة يبيعها بسعر رخيص لأنه مافي منها فايدة بدون الكود ومدري يجيبون عندكم الامريكي ولا لا
وبخصوص المسجل فية بالشاشة ماعرفها وفية اختلافات بسيطة من ناحية الشكل تقريبا مثل الفل وايضا يركب عليها تحكم الصوت
والكود دخلته مثل ماقلت من اليمين ومن اليسار مانفع
وحركة 6-1 جربتها وطلعت السيريل وطلع مختلف عن السيريل اللي بدرج السيارة

http://dc431.4shared.com/img/Y1tjUN9...1102011973.JPG

http://dc234.4shared.com/img/7w70ODy...1102011977.JPG


http://dc441.4shared.com/img/vpwAc0X...1102011964.jpg


.

بنجي من الكويت للغرابي !

الاهل بالرياض وعلى قولتهم حج وحاجة
وانا لي نية اجي بعد العيد قبل لااشتري المسجل