كابوس توضيب قير الاكورد

السلام عليكم ورحمه الله وبركاته
الموضوع باين من عنوانه طبعا قير الاكورد وخاصه موديل 2006 و2007 v6
انا عندي اكورد موديل 2007 سته سلندر وخبط قيرها وهيه ما شيه 140 الف مع اني كنت محافظ على تشييكات الوكاله والله يا شباب ولا مره بدلت الاويل برع الوكاله كل تشييكه اوديها الوكاله والحمد الله عدنا ف الامارات ضمان المكينه والقير 3 سنين بدون تحديد الكيلومترات طبعا وضبت القير ع الضمان تقريبا التكلفه وصلت 15 الف على كلام المهندس مال الصيانه والحين ماشيه 180 الف والحمد الله مافي مشاكل بس الخوف من بكره والله يعين
هو في حل لكن يبالها واحد افاهم وطبعا اخص النداء حق اخوي متصفح وباقي الاخوان ما بيقصرون
الحل انك تضيف transsmision oil cooler والطريقه هاي مجربينها ف امريكا والقير ماشي معاهم ميه ميه
الي اقصد فيه انك تضيف مبرد لقير الاكورد بس دورت من النت وما لقيت طريقه شرح وافيه واتمنى من الاخوان الافاده

:confused:

هلا اخوي

هذا موقع يعطيك فكرة عن طريقة تركيب المبرد الخارجي للقير وفوائده

http://www.isd.net/msp07973/Ody/ATF1...oler-Notes.htm

وهذا الملف موجود بموضوعي عن تركيب المبرد للقير


http://www.4shared.com/file/19180659...ooler2005.html

الحين كل سياره قير اوتوماتيك موجود فيها مبرد داخل رديتر السياره مثل الصورة

http://www.hondaarabia.com/club/pict...pictureid=8952



والمطلوب تسويه تضيف مبرد خارجي يكون مثبت امام رديتر المكيف وبالعاده يكون مثبت في جسر الصدام او القاعده

وتستبدل مسار الزيت الخارج من المبرد الاساسي ونغير اتجاهه الى المبرد الخارجي وبعدين يرجع للقير وهذي صورة توضيح للفكرة

http://www.hondaarabia.com/club/pict...pictureid=8951

اي فني فاهم ممكن يضبط الشغله بكل سهوله وممكن تصلحها بنفسك

يمكن تركيب اي مبرد خارجي لسياره اخرى على سبيل المثال مبرد قير الجمس موديل 2000-2006 ممكن تشتريه وتركبه على سيارتك او تشتري اي ماركه اخرى

ماقصر الذيب متصفح ..
بس سؤال لـ اخوي متصفح ..هل فيه فائده من تركيب المبرد الخارجي
لان المبرد الاضافي مانحتاجه الا اذا لاحظنا تغير في اداء القير بعد ارتفاع درجة حرارة الزيت فيه ..
وقير الاكورد مالاحظت عليه تغير بعد مايسخن ..
لان معروف ان زيت القير يعمل بـ بكفائته عندما تصل درجة حرارة الزيت الى 80 درجة
فـ هل تتوقع انه ترتفع الى اكثر من هالدرجه بدون تركيب المبرد الاضافي ..؟

ويعطيك العافيه يامبدع ..

اول ما اركب المبرد بحاول انزل تقرير

شكرا اخواني على الشرح وما قصرتو

المشكلة مو بالقير المشكلة في زيت القير لان لو ارتفعت الحرارة لفترات طويله الزيت يتعرض للاكسده ويفقد لزوجته بعد مسافه قليله

http://www.digi-panel.com/trannyoil.htm

شوف الجدول هذا يوضح العلاقه بين زيت القير والحرارة وهو مقتبس من الرابط

http://www.hondaarabia.com/club/pict...pictureid=8960

تلخيص للجدول

لو سيطرنا على درجة حرارة زيت القير حدود 175 فهرنهايت (80 درجة ) ممكن يحتفظ الزيت

بلزوجته لمسافة 160 الف كيلو ...؟؟؟ طبعا الشي هذا مستحيل مع اجوائنا الصحراوية

لكن لو كانت الحرارة اكثر من 100 درجة الزيت يحافظ على لزوجته لفترة 40 الى 60 الف كيلو

بخصوص سؤالك انا اقولك مراوح التبريد تشتغل عند درجة حرارة 90 يعني اكيد الزيت وهو

طالع من القير تكون حرارته اكثر من 90 يعني حدود الـ 100

اخوي متصفح قصدك انه المبرد ما بيحل المشكله
لنه خايف القير يخبط وانا اخوك والله بديت اكره الاكورد مع انه كان عندي 4 سلندر قبل والله ما اشتكت من القير
تعرف المشكله انه ربعي الي عندهم اكورد سته سلندر موديل 2007 كلهم خبط القير عندهم

ياخوي لا توهم نفسك وتجيب الوسواس الخناس لعمرك توكل على الله وسوق وانا خوك بركاده ثم وانا خوك خلك من المطارح والسرعه الي مالها داعي والقير ما يجيه شيئ بإذن الله

اشكرك اخوي متصفح

اقتباس:

---

بخصوص سؤالك انا اقولك مراوح التبريد تشتغل عند درجة حرارة 90

---

تشتغل المراوح اذا وصلت موية الرديتر لـ 90 درجة وليس الزيت ..هذا الي اعرفه
يعني تشغيل المراوح ماهو مقياس لـ حرارة الزيت ..

بس الحقيقه اشكرك على الجدول ..استفدت منه كثير
والي فهمته من الجدول ..اننا نغير الزيت لـ مسافه اقل ..افضل من ترهيم مبرد اضافي

ولا وش رايكم ...؟

الي اقصده ان حرارة موية الرديتر تكون 90 درجة وتشتغل عندها المراوح ...يعني زيت القير يدخل للمبرد الاساسي على درجة حرارة

حول الـ 100 ويطلع من الرديتر مابين 90 الى 85 ... وبعد مايطلع من الرديتر يروح للمبرد الخارجي وتنزل الحرارة 5 درجات

اضافيه مثلا يعني استفدنا تبريد افضل للزيت ...

اعتذر لو الشرح السابق ماكان واضح ... اتمنى وصلت الفكرة