اكورد مسروقة(خبر صحيفة عاجل)

http://www.burnews.com/newsm/18530.jpg
عاجل ( بريدة )-

تفاجأ أحد المواطنين بمدينة بريدة بسرقة سيارته نوع هوندا اكورد لون أسود موديل 2008 تحمل لوحة رقم ( 7977 أ ص س ) .

وذكر لعاجل أن السرقة تمت في الساعة العاشرة مساء الخميس أثناء تركها أمام أحد المحلات التجارية وطالب قراء عاجل بمساعدته في ابلاغ الجهات الأمنية في حال تم العثور عليها



منقول للمصلحة العامة

شكله تاركها على وضع التشغيل
الله يكون في عونه

اساسا اذا كان تاركها شغاله ماراح يلتفتون له الجهات المختصه الغلط عليه الدنيا مافيها امان الحين

الله يكون بعون صاحبها ويصبره بس احيانا القانون لايحمي المغفلين

الله يعينك ويصبرك ...
ألحين أغسل يدك الجهات الأمنية تساعدك (أقصد إذا كنت تاركها شغالها) إلا إذا جبت لهم المفتاح الأصلي لأنهم رح يطالبونك بالمفتاح وإذا ماجبته ماراح يعطونك وجه ...

اولا يا اخوان لاتسبقون الاحداث الى اذا استجد جديد بالموضوع , ثانيا افرض المفتاح الاصلى مش عندى وجبتلهم المفتاح الاسبير مايدورون او يسلمونى السياره على هاذا السبب الغبي يعمى مافى اوراق تثبت ملكيه المركبه للشخص والله المرور عندنا متخلف واحس انه قديييييييييييييييييييييييييييييييييييييييييييييييي يييييييييييييييييييم ومغبر وهو فعلا كذا .

اخواني لا احد يتهزأ بالرجال تكفون ثم يجيكم ماجاه

الواحد صدق غلط يخلي السيارة تشتغل لكن ماتدري عن الظروف

الله يردها له سالمة غانمة ولا فيها شيء يااارب

الله يكون بعونه

بيغيرون اللوحات هذه عادتهم دائما

لذلك اي سيارة لون اسود مشتبه فيها :)

من عنده سيارة هوندا سودا؟؟؟؟؟؟؟


المفروض راعي البلاغ يذكر رقم الشاص

الله يعينه على ما اصابه

الله يكون بعونها ويعوضه خير

سرقات السيارات كثرت وخصوصا يوم الخميس عشان يقضون الليل تفحيط وهجولة

الله لايبلينا يارب

حسبي الله عليهم

الله لا يوفقهم

يا شباب لا تستهزؤون فيه ويجيكم اللي جاه .. انتبهو

وترى مهما كان كلنا معرضين للخطر والسرقه الله يكفينا شرها ويبعدها عننا وعن المسلمين اجمعين..

يعني ماله داعي الكلام اللي انقال فوق


ربي يعينه ويصبره .. ويعوضه باللي اخير منها ويرجعها له سالمه غانمه ..

ويصبر اهل هالحراميه .. تلقونهم متعذبين معاهم ..

^
^^
^^^
صدقت بس سبحان الله بعض الاحيان الاشخاص ( حتي انا ) انزل البقالة و اقول بسرعة برجع ، و في هذه اللحظة تلاقية جالس عند البقالة بمجرد نزولك طب بالسيارة ، و قابلني لو لقيتة ، و اذا حصلتها لابد تحصل شي مسروق منها
فالمفروض انه كلنا لما ننزل من السيارة حتي لو بتكلم خويك و بتطول معاه وانت جنب السيارة ، الله لا يهينك خل مفتاحك بجيبك حتي لو المكينة حارة و بطق لو طفيتها ... ياشيخ تطق المكينة و ادفع 5000 تبع مكينة من التشليح ولا الاقي سيارتي عبارة عن كومة حديد لو بعتها للمكبس ما ياخذها ب 500 ريال وهي 2010 و و ماخذها 100 الف
شغلة اخيرة
صارو الناس ينسوا التوكل علي الله و صاروا " يتواكلوا علي الله " بمعني انه الواحد يسيب سيارتة شغاله و ينزل منها و يقضي اشغاله وهو عارف انه ممكن تنسرق في هذه اللحظة بنسبة 80٪ بدون ادني شك و يقول لك الكلمة المشهورة " الله الحافظ " نعم ماقلنا شي و نعم بالله بس لابد من الاخذ بالاسباب*

الله يكون في عونه ويصبره

أبششركم شباااب تم الحصول عليهـآ


عاجل ( بريدة )-
عثر المواطن الذي استنجد بقراء عاجل بالبحث عنها , حيث تم الاتصال بالمواطن مساء اليوم السبت من قبل الجهات الأمنية يفيد بوجود السيارة أمام شقق عزاب بمحافظة عنيزة . وتم استلام السيارة بحالة سليمة ولم ينقصها أي شيء وتم عمل الاجرائات اللازمة .

الحمد لله انها رجعت له سالمه وما فيها شي
ياشباب نصيحه هامه :
اذا كنت بتخلي السياره من غير ماتطفيها خلي المفتاح الاسبير في جيبك وقفلها من برا وهي شغاله صحيح ممكن يكسر القزاز بس مايقدر قدام الناس

^
^^
^^^

فكرة مرة حلوة و شفت كم واحد يطبقها ، يخلي السيارة شغالة ، و يطلع و يقفلها بالاسبير

لكن لا تخاف الحرامي مايعوق معاه شي ، صاحبي نسي جوالة بسيارتة ، يحلف لي انه توة قاطع الشارع و تذكر الجوال و رجع و لقي القزاز مكسور و مسروق الجوال ، طبعا قدام الناس و بطريق عام

الحرامي صار معاه قناعة و ماشي بالمثل الي يقول : من امن العقوبة اساء الادب