فرامل الأكورد هي كذا طبيعيه ؟!

السلام عليكم ورحمة الله

أخواني عندي الفرامل بشكل عام ممتازه

ولاكن لمن أكون مسرع وأشوف مطب ( يعني لمن أفرمل فجأه وأنا مسرع )
أحس بأشياء غريبه بتسير في السياره وأصوات ما أدري أيش قصتها
طبعا غير صوت تفحيط الكفر , في صوت واضح أنه ماله دخل بأحتكاك الكفر مع الأرض

أول مره قلت يمكن شي بالغلط << شي بالغلط ! :confused:
بس ثلاث مرات سارتلي ×_×

حتى في مره اكلت مطب وانا مسرع ( يعني بس هديت شويا ) أشان هالأصوات ×_×


وطبعا الأكورد في منتداكم ملكه
فأخاف تقولولي هذا نظام مانع الأنزلاق أحمد ربك أنه شغال ههههه
<<< أمزح طبعا , وياريت الي عنده خلفيه لايبخل علينا بنوره :)

أحس بأشياء غريبه بتسير في السياره وأصوات ما أدري أيش قصتها
طبعا غير صوت الكفر , في صوت واضح أنه ماله دخل بأحتكاك الكفر مع الأرض

وضح اخوي اكثر عشان نفيدك مصدر الصوت هذا من وين وهل هي صوت رجه خفيفه ؟

والله ياقلبووو ... حتي انا صارلي زي كذا لما ادووس فرامل وانا مسرع ... يطلع صووت غريب مررره مدري حق شوو بس طلع لي حق يومين ورااح ... صوت زي صوت البقرر ام م م م م ههههه<< تشبيه :cool:..<< انا طلع زي كذا بس الحمد لله رااااح الحين طالعتلي مشكله بس مادري فيه ايه اصوت قربعه من تحت كل ماروح الوكاله يقول ماسمع شي ولا يقول طبيعي الله ياخذهم بس ورااهم ورااهم

اقتباس:

---

وضح اخوي اكثر عشان نفيدك مصدر الصوت هذا من وين وهل هي صوت رجه خفيفه ؟

---

الصوت صوت بقر ههههه
.
تشبيهك خطير كوكو2009 :cool:
وصحيح هو الصوت زي كذا ×_×
.
وموديل سيارتي 2008

انا اذا كنت امشي 200 او160 وهديت شوي يطلع صوت رررووورههررففوووفو صوت خايس الى ما اترك الفرامل مدري ليش ؟

الصوت زي ماتقول كأنك شاد الشي بزياده ؟

اذا كانت فيه رجه بالطاره فهي من الهوبات

اما اذا كنت تحس بنبض بدواسه الفرافل فهذا صوت اي بي اس

ما اتوقع فيه غير كذا اصوات بالاكورد

الطاره ما أتذكر يسير فيها رجه
والسياره دوبها ماشيه 5 آلاف

الصوت أتوقع انو بين الهوبات والأقمشه , أو بين الأقمشه والحديده الي ماسكتها

وعلى فكره
أذكر مكتوب أنك لاتستخدم الفرامل بشكل قوي في أول ألف كيلو
وأنا كم مره أستخدمتها في هذي الفتره بشكل قوي ( ولا كان سرلي حادث ×_× )

حبيب قلبي الادميرال ..

هذي المشكله بسببها غيرت طقم الهوبات 3 مرات .. مرتين امامي ومره طقم كامل ..

هذي الرجه اللي تصير وتحس كان الفحمات مافيها شي نهائيا كانه صوت حديد يمسك في حديد ..

رجهـ تخليك تمسك راسك من قوتها ..

بسبب هالمشكله غيرت الهوبات ..

ومازالت تروح وترجع ..

نصيحتي لك شخصيا اذا كانت تطلع لك وانت مهدي .. بالعربي تحت 120 رح للوكاله وانشب لهم ..

لكن اذا هي فوق لا تروح لان ممكن نتغاضى عن هالشي ونقول انه مايتكرر كثير هالصوت ..

بس ابيك تكون دقيق اخوي ..

هل الصوت يكون من اول ماتلمس الدعسهـ ؟ ولا لما تقرب السياره توقف ؟

طبعا بكل الحالتين الحل تغير الهوب مع الفحمات او خرط الهوب مع تغيير الفحمات ..

اذا هي من اول ماتلمس الدعسه هذي طلعت لي من اول مامشت سيارتي 20 الف والحمد لله الحين وصلت 64 ومافيه مشكله الوضع

بس هوبات على الضمان وفحمات يعني عادي << ايه طيب اشوا انها مقفلهـ الاخلاق ..

لكن وش تقول هذا شي موب بالبيد ..

يمكن يكون عندي وعندك لكن عند فلان وفلان لا .. لكن الاغلب موجود هالشي عندهم لكن ممكن مع اختلاف قوه الدعس على

الفرامل يفرق الصوت .. لاني والله رجلي حاره على الفرامل ..

زبدهـ الكلام ..

اذا هو صوت يطلع وانت تهدي من فوق 120 لاتروح الوكاله لانها بتنحاس اكثر عليك ..

واذا هي تطلع لكـ وانت تمشي اقل فرح لهم وخلهم يغيرون لك هوبات وفحمات لانها بتكمل بعض ..

وريح بالكـ شي صار تقريبا باكثر اللي اعرفهم ..

بالتوفيق

A C C O R D 0 8
يعطيك العافيه , وشكرا حبيب ألبي :)

أنا الفرامل ممتازه عندي , بس مشكلتها لمن أوقف بشكل مفاجئ
وبالمثال يتضح المقال
شوف أول 12 ثانيه من المقطع
http://www.youtube.com/watch?v=4p6NufNRAQI
<<< يعني بس لمن أسوي فيها كذا أسمع صوت البقر :p
قولتك يعني حطينلي في السياره
http://www.unleashed.org.au/blog/smileys/2/cow.gif http://www.unleashed.org.au/blog/smileys/2/cow.gif http://www.unleashed.org.au/blog/smileys/2/cow.gif
؟!؟!؟!
:confused:

اخوي أذا الصوت الي تقول عنه يطلع وأنت مهدي بعد سرعه عاليه فهذا طبيعي لأن

هوبات الأكورد بسرعه تسخن فصوت هذا حق الفحمات وهي تمسك في الهب الساخن

ارجو اني افدتك واكيد باقي الأعضاء يفيدونك اكثر مني

الحين بالتوقف المفاجئ وبعد فتره ممكن بتكون مع كل مره تمسك فرامل ..

هالصوت مافيه اي مشكلهـ وهو زي ماقال العضو ااح 2024 بسبب احتكاك الهوب بالفحمات ..

يعني نصيحهـ اخ . لاتروح للوكاله تقول لهم يحلونها لكـ ..

دا الصوت ماافتك جاني الا لما كنت ماشي حدود الـ 200 وفرملت بقوووه صارت في رجه وطلع الصوت !!
--------------
ياساتر يارب مغير الهوبات يابوحميد 3 مراااات :eek:

لايكون قصدك مغير الفحمات مو الهوبات ؟؟

وبكم قيمة الهوب عن الوكاله ؟؟

لا ياغالي ..

الهوبات ..

تخيل هوبات تتغير 3 مرات !!

أذا سيارتك 2008 وتوك شاريها أكيد أنها مخزنه مبطي
وتوقع فيه شي صدى مع الوقت


وبالتوفيق

اخي Admiral ،

سيارات الاكورد كوبيه مجهزه بنظام التوزيع الالكتروني للفرمله (Electronic Brake Distribution EBD) و نظام مساعده الفرمله (Brake Assist) غير نظام منع انغلاق الفرامل ABS (صوته مرتفع ايضا في الهوندا) . طبعا EBD واضحه و ظيفته من اسمه و الـ ABS معروف و نظام مساعده الفرمله هو يزيد و يساعد السائق على الضغط على دعسه الفرامل في حاله الفرمله المفاجئه للتقليل من زمن الوقوف . طبعا عند الفرمله المفاجئه و الشديده كل هذه الانظمه تعمل معا زائد الجير زائد الضغط الزائد على المساعدات و يايات الاماميه فمن الطبيعي جدا ان تسمع خليط من الاصوات اوضحها كما يبدو صوت البقره الذي اتوقع انه صوت الـ brake Assist!

تحياتي ،

كفيت ووفيت اخي كرويزر

وفي حاجه كمان بالنسبه للكوبيه 2008 عشانها مخزنه

ممكن تسمع صوت صفير لسسبب العوالق عالهوبات ولكن مع الزمن يروح الصوت

شكرا لك

زبـده الكلام .. لا يوجد حل ! الى الآن ؟؟

تغيّر .. تفك .. تركب .. تروح الوكاله .. الخ ( وبدون نتائج طويلة الأمد ) نقدر نقول !
لكن تصدقون ! انا فكرت أغير الهوبات واشوف لي نوع رياضي يتحمّل حرارة جونا خاصه إن الصيف قرّب ..!

- هوبات وفحمات ذات جودة عاليه ولو من برى السعوديه نطلبها !! عطونا آرائكم ؟

يعطيكم العافيه شباب على توضيحكم لمشكلة الصوت بس انا عندي مشكله ثانيه غير الصوت

المشكله الثانيه اني لما امسك فرامل احس السياره ترج رجا مبرحا ههههههههه قصدي رجه غريبه والفرامل ماتمسك معي بسرعه واحس انها قاسيه مره يعني كأني جالس اضغط فرامل وفيه حاجه قاسيه تمنع اني امسك معها الفرامل بسرعه لدرجه اني شكيت بالشارع ورجعت له مره ثانيه عشان اشوف وش السالفه لان اللي صار لي من مسكة الفرامل حسستني اني كنت ماشي على ارض مليانه حجر من الطقطقه والحفله اللي صارت تحت السياره :eek:

اسف على اطالتي بالموضوع بس هذا اللي صار معي وياليت تفيدوني بما ان الموضوع يصب في نفس المشكله :cool:


تحياتي :d

حاليآ انا أفكر في عرض على فحمات سيراميك بتكلفني حوالي 1600 ريال واصلة الى باب البيت للأمامي والخلفي وتركب على طول بعد خرط الهوبات المركبة والأصلية حاليآ على الأكورد يعني بدون هوبات رياضية

ويقولون ان عيب الأكورد هو الفحمات وليس الهوبات

طبعآ كنت بطلب هوبات dba 4000 الأسترالية اللي بالخطوط فقط حيث انها أفضل من المخرمة وبحسب تجربة على الأكورد من شباب أمريكان لكن أجمالي التكلفة كاملة راح تطلع حوالي 2300 أو أكثر أو أقل للأمامي فقط والمشكلة في أرامكس الوزن بيطلع كثير وراح ياخذون 1200 بالراحة

قلبتها في راسي وأشوف الفحمات السيراميكية أفضل حل وكتجربة راح أطلبها قريبآ اذا تعدلت الميزانية أو ممكن اخربها وأطلب الهوبات الأسترالية ونشوف وش الأفضل

^^^^^
أتوقع أن الاقمشة السيراميكية تكفي أنت جرب وشوف وياليت توافينا بالاخبااار <<<< الأخ شغال مذيع في العربية :d

اقتباس:

---

المشاركة الأصلية كتبت بواسطة المباشر

حاليآ انا أفكر في عرض على فحمات سيراميك بتكلفني حوالي 1600 ريال واصلة الى باب البيت للأمامي والخلفي وتركب على طول بعد خرط الهوبات المركبة والأصلية حاليآ على الأكورد يعني بدون هوبات رياضية

ويقولون ان عيب الأكورد هو الفحمات وليس الهوبات

طبعآ كنت بطلب هوبات dba 4000 الأسترالية اللي بالخطوط فقط حيث انها أفضل من المخرمة وبحسب تجربة على الأكورد من شباب أمريكان لكن أجمالي التكلفة كاملة راح تطلع حوالي 2300 أو أكثر أو أقل للأمامي فقط والمشكلة في أرامكس الوزن بيطلع كثير وراح ياخذون 1200 بالراحة

قلبتها في راسي وأشوف الفحمات السيراميكية أفضل حل وكتجربة راح أطلبها قريبآ اذا تعدلت الميزانية أو ممكن اخربها وأطلب الهوبات الأسترالية ونشوف وش الأفضل

---

انصحك بقرائه استطلاعات الرأي عن هذه الفحمات و الهوبات قبل الشراء حيث ان بعض الانواع تصدر صوت عالي .

تحياتي ،

الصفير عادي عندما تنتهي الاقمشة ..خاصة في الكفرات الخلفيه ...( الهوبات )
و أي بي إس عندما يشتغل تشعر بهزات سريعه و متتالية في رجلك ....
و الله اعلم .,..

اقتباس:

---

المشاركة الأصلية كتبت بواسطة ::: كـاكـا :::

^^^^^


أتوقع أن الاقمشة السيراميكية تكفي أنت جرب وشوف وياليت توافينا بالاخبااار <<<< الأخ شغال مذيع في العربية :d

---

والله هذا اللي صار صارت مراسلات كثيرة بخصوص الفحمات السيراميكية وأقنعوني انها تكفي وبدون الهوبات الرياضية :)

وعاد نشوف قريبآ راح أكون أول ضحية في النادي يجربها ويعطيكم الخبر << ترى بيطول الموضوع لاتفكرون هالشهرين :d

أنا صوت البقره يطلع معي أول ما أشغل السياره .. يعني لما أقوم الصبح وأروح للجامعه .. إذا قابلتني إشاره وجيت أهدي يطلع الصوت
حتى لو كانت سرعتي ماهي عاليه .. لكن لا طولت المشوار يروح الصوت !!