نبغى تجمع للهوندا في جده..عاااجل..

السلام عليكم ورحمه الله وبركاته..

طبعا يا شبااب
زي مالاحظنا في الفتره الاخيره..

مافيه اي مواضيع عن سيارات او تجمعات الهوندا...

وعلشان نحرك الجو شويتين..

اقترحت الآتي..::

نسوي تجمع لاغلب سيارات الهوندا في جده..

لاحظو معاي (( اغلب سيارات الهوندا))

يعني سيفك-اكوورد-انتيجرا-s2000-cr-v-سيتي-crx-برليود-جاز-اوديسي-mr-v-del sol ....

قديم ولا جديد..معدل ولا ستوك..

اهم شي نبغى نسوي تجمع ..ويكون منظم ومزبط وشغل متعووب عليه..
...........................

اما اذا جينا من ناحيه المكان والزمان..

الزمان..

يفضل انو يكون يوم الخميس الموافق 3-ابريل-2008\\\\\ 20-3-1429 هـ
يعني مو الخميس اللي جاي هاذا..الخميس اللي بعده..

طيب تقولو لي ليش الخميس اللي بعد اسبووع .ليه ما يكون الخميس هذا.؟؟

انا اقولكم..
لانه نبغاه يكون تجمع كبير وممتاز ..

اصحاب الهوندات ياخذون وقتهم في تزبيط سياراتهم يعني معاهم فتره اسبوع واكثر..

نبغى اغلب اصحاب السيارات المعدله يحضرون..>> لانه انا شايف هوندات كثيره معدله في جده ولا قد عمري شفتها في موقع او تجمع..

نبغى اخواننا من مكه والمدينه وينبع والمدن القريبه من جده يحضرون..
ونكون ان شاء الله قرووب هوندا قوي.

وابغى سيارتي تخلص من الورشه....>>> يبغى ينضرب..خخ
.................................................. .................................
وبصراحه الوقت المناسب انه يكون من بعد الساعه 9:00 الليل..
علشان اللي عنده اشغال يخلصها قبل الوقت هذا ..ويكون ماله عذر..خخ
.................................................. ..........
اما بالنسبه للمكان..
ياشبااب هذا عاد بينكم..
لكن ارمي باقتراحي ..ونشوف اذا فيه مكان افضل منه ولا لا..

""جده ريس واي""
.................................
ف الله الله ياشبااب
الحاضر يبلغ الغايب..
وزي ماقلت فيه فتره كافيه للتجمع..يعني اللي مايحضر ماله عذر..خخ
وغير كذا ..نحتاج مصوور محترف ..علشان يزبط سياراتنا بالصور الخطافيه..خخ

""والحـــــــــــــــــــــــاضر يبلغ الغايــــــــــــــــــــــــــــــــــــــــب."""
ومانبغى بصراحه احد يتيغب عن التجمع بدون عذر..

والسلام عليكم ورحمه الله وبركاته

هههههههههههههه تجمع في جده مو كأنها صعبه انو يسير تجمع في جده او انو تجمع اكبر عدد لسيارات هوندا على العموم الله يوفقكم في تجمعاتكم

صعبه؟؟

يعني فيه فتره اسبووع كامل يقدر الواحد يستعد..

و كنت امس فس شباب سبيد..وقالي فيه تجمع يوم الخميس هذا في طريق الملك او مخطط البساتين ..ما حدد لكن احنا ننتظر ونشوف

يعني فيه تجمعين..
الخميس هذا..
والخميس الثاني..

وبالتوفيق للجميع..

اانا راح اكون صريح معاك واقولك ليش صعبه
في التجمعات الي سارت في جده انا تقريبا كلها حضرتها وكل تجمع مايزيد عدد السيارات عن سبعه سيارات اذا ضربت الحمى والي يتعذر والي مايبغا يجي التجمع عشان كدا من البدايه ليش نسوي تجمع اذا اصلن محد يبغا يجي او يتجمع وفي نهايه التجمع نصفى على سبعه او ثمنيه سيارات شوف التجمعات الي تسير في الشرقيه والرياض شوف عدد السياات الي تحضر وانشالله تتغير نظرتي للتجمعات في التجمعات الجايه

جالياً في تجمع بجدة عندم الأوتو مول في طريق الملك يوم الخميس، والمفترض أن نادي محبي هوندا جزء منه، لكنني مضطر للسفر إلى الرياض في عمل فلم أنسق له، توجد لاحقاً تجمعات في كل يوم خميس بإذن الله، التجمع اللي في الأوتو مول حيكون كبير ولعدة نوادي على الإنترنت ونادينا عضو معهم، لكن لظروف سنحضر بإذن الله في تجمعهم القادم، لكن بإمكان أي واحد من أعضاء نادينا أن يذهب..

شوف يا حبوب

انا ممكن اجي انا و honda boy و لولي بس بشرط

لو بدات المسيرة و كانت السيارات المتواجده اقل من 5 سيارات ( غيرنا احنا الـ 3 ) راح امشي ولا راح استنى دقيقة وحدة لانه بعد الكلام الي صار واحنا متجمعين عند " نادي جدة لسباق السيارات " هذا مره ما يرضي احد .. القائمة الي عندي كان فيها اكثر من 10 اشخاص ما جاء منهم غير 3 ؟

اتفقنا ؟!

اذا اوكي بس اسل لي سالة على الخاص وحدد لي الوقت و المكان و ان شاء الله راح نكون متواجدين

و انا ارشح فكرة نتجمع عند الـ " اوتو مول " تراه محل مره محترم وفيه كفى ممكن نجلس فيه

سلام

وانا اضم صوتي لملك جدتنا

\/\/\/\/\/\/\/\/\/\/\/\/
حاس اي في شاعر المليون :)

هذا الاسبوع راح نكون 4 اكوردات + 2 سيفيك و راح اجي التجمع بإذن الله

التجمعات تتم عن طريق منسقي النادي المعتمدين، وبالنسبة لتجمع جدة يتم عن طريق جدة قروبز في الأوتو مول كل خميس عن طريق مراسلتي عبر الخاص وللتفاصيل يوجد موضوع مثبت، أم أي تجمع آخر يعتبر شخصي فقط..