صدمني واحد من الخلف وتوي ما تهنيت فيهآ ,, المشوره فديتكمـ ..!؟

بسم الله الرحمن الرحيم

السلام عليكم ورحمة الله وبركاته

قدر الله عليه وأنا واقف بأحد الإشارات بجده بإنه يجيني واحد معاه عائلته ودق صدامي من الخلف وتحديدا بالزاوية اليمنى وأنخفست ودخلت على جوا + شق مقدارة تقريبا 10 سنتمتر رحت لأقرب ورشة وطلعلي الخفسه بحديده معاه ورجعت زي الحلاوة بدون فقدان للبويه بعد ماكان فيها بعض المخوش ولكنها راحت بالتلميعه ولله الحمد ..

ولكن المشكله الحين بالشق ,, سالت فيها أغلب الورش كلهم يقولوا نرسل صدامك عند محلات الفيبر جلاس ويسوولها تلحم وما تبان أبدا مثل الوكاله < إلى الآن مره حلو

بس المشكله يقول لابد بعدها نرش الصدام كامل ..!؟

السياره جديده ما كملت الشهر الله يعطيني خيرها ويكفيني شرها وأرش صدامها بذي السرعه ,, قلتلهم رشوا مكان الضرر بس قالوا لابد الصدام كامل وأخاف إن وافقت على رأيهم ما يزبطولي البويه حقت الوكالة ..!؟


وشرايكم يا أخواني ,, محتار يعلم الله ..

أنتظر رأيكمـ
:(:(:confused:

أكيد لازم يرشحوا الصدام كله وانا أخوك عشان لا تختلف الألوان ....

نصيحتي توكل على الله وخلهم يرشونه لك بس قلهم على الضمانه لو طلع في اختلاف في اللون ولا تغيرت البويه بعد فتره ترجعوا ترشونه لي من اول مجانا اذا رفضوا اسحب عليهم الورش ماليه الدنيا

وفالغالب ترا يضبطوها لك يعني لا تخاف توكل على الله :o

هذاك اللي صدمك كان ما سبته دفعه فلوس الصدام عشان ثاني مره يحترم نفسه ويشوف الناس الواقفة عند الاشارة ويهدي :mad:

والحمدلله على السلامه :)

انت حاول وشوف اذا لقيت احد يرش لك مكان الصدمة لحاله ( احيانا هم يسوون كذا عشان يستفيدون ماديا )

اهم شيء انتبه لا يكون صدامك الخلفي فيه حساسات ثم يعدمونها عليك بالرش

والحمد لله على كل حال ولا تزعل ع الصدمة دفعة بلاء ان شاء الله


انا محدثك انصدمت مرتين مره بالصدام الخلفي وانخفس خفسة بسيطة و حكه بالرفرف اليمين الامامي مع حكه بالجنط

وسع صدرك داام الصدمة كلها في الفايبر وما وصلت للحديد الحمد لله

اهم شيء زي ما قالوا الاخوان ( تأخذ ضمان على عدم تأثر او تقشر البوية من الغسيل او عوامل الجو المختلفة وحاول يجيبون لك بوية مطابقة لبوية البودي )

بالتوفيق

انا شايف عرض في الوكاله رش الصدامات مدري الواجهه ب500 ريال

بارك الله فيكمـ يآ أخوان

بندور لورش ترش مكان الضرر فقط وإن يئسنا مره رشيتها بالكامل ,, والحمدلله على كل حال

وبروح أشوف بالوكالة عن أسعارهم لرش الصدام الخلفي ياليت لو يكون عندهم عروض

شكرا لمروركم الجميل