عـلـبـهـ الـبـاور ذبـحـتـنـي ...

السلام عليكم

كيف الحال شباب عساكم بخير

حبايب قلبي ابغى تشوفون لي حل والله كرهت السياره بسبت هالشي

بالبدايه زيت الباور قام يسرب عندي من اكثر من جهه وجطلت حق هالشي وكل ما فضت العلبه من الزيت عبيتها من جديد
وبعد فتره طفشت كل يومين اشتري علبه زيت باور ب 36 ورحت وديتها الورشه وقالوا لي غسلها وجبها لنا
حق نشوف من وين تسرب ووديتها المغسله وغسلوها ورجعتها لهم
ووغيروا الاهواز وضلت تسرب من العلبة الفوقيه والتحتيه وقالوا اشتر اصلاحات للفوقيه والتحتيه

وضلت فتره معاي اوكي بعد اسبوعين رجعت نفس المشكله الدركسون يعك عندي ويطلع اصوات

ووديتها الورشه وقالوا يمكن تسرب وطلع مافيه تسريب وقالوا لي يبغالك العلبه الفوقيه تغيرها

ويوم رحت الوكاله قالي سعرها ب 2400 غاليه مره :eek: وقلت مالي الا التشاليح وحست تشاليح الحسا وماحصلت القطعه

ورجعتها حق راعي الوكاله وقالي انا اعرف محل زين يمكن يساعدك ورحت الصناعيه وفكوا العلبه وطلعت المشكله بسبت راعي الورشه اللي ركب الاصلاحات والسبه انه ركب الشفرات حقين العلبه عكس وتأكلت الشفرات وقامت ما تسحب الزيت وطلع الشفرات وصنفرهم وركبهم عدل وضبطت العلبه لمده ثلاث ايام بس ورجعت مثل اول بس اخف بشوي

الموووهم ابغى اشوف حل والله طفشت لي يمكن 3 شهور وانا على هالحال والله طلعت لي عضلات بسبت هالدركسون
والوكاله غاليه مره واللي يقدر يساعدني لا يبخل

انتظر مساعداتكم

اخوكم بو نواف

17 مشاهده ولا رد واحد :eek:

ياشباب ساعدوني :(

الله يعينك ..

بس ما قلت لنا الموديل عشان الشباب يفيدوك اكثر ..

وكمان لا تضيع حقك مع راعي الورشة اللي ركبها عكس ..

السلام عليكم ...

ما اعطيتنا المديل لانه في مديلات من 2003 الى 2006 في مشكلة في السترينغ باور ( عيب مصنعي ) يتغير على حساب الوكالة

اما اذا عندك مشكلة ثانية ياريت توضحها اكثر عشان افهم واقدر اساعدك

انا صارت لي نفس المشكلة في البداية كانت المشكلة صوت في العلبة فوق غيرت لها اصلاح وضبطت معاي لمدة شهرين بعدين بدأت الطارة تصيره ثقيله بعض الاحيان في المنعطفات شيكت عليها وحصلت تنديه خفيفه تحت من عند الدوده
طلب مني الميكانيكي اصلاح للدوده وجبته له وغيره والحمد لله ضبطت ما عاد صار فيه تهريب او تنديه غسلتها بستم وبعد اسبوع شيكت ما فيه شي بس خلال الاسبوع كانت تجييها اوقات الطاره تصير ثقيله تعبت وانا ادور على الورش ناس تقول لي ارجع لنفس الورشة لإنه اكيد السبب فيه شي غلط وكل مره ارجع له يشيك على الدودة نحصلها مضبوطه ما فيه اي تهريب في الاخير سألني اذا انا صلحت فيها شي من قبل فــ علمته اني قد ركبت لها اصلاح في العلبة تبع الباور ( طرمبة زيت الدريكسون ) فقال لي انها هي السبب في المشكلة كلها لو اني من البداية غيرتها اول ما بدأت تطلع صوت كان افضل لأنها خلاص بدأت تتأااكل من الداخل فــ ما تشتغل زين وكمان تحداني اذا كلامه غلط مع انه الوحيد اللي يقول كذا واكثر من ورشة رحت لها يقولون ان السبب في الدودة وتحداني انه اذا كان كلامه غلط مستعد يتحمل المصاريف كلها
رحت وجبت له طرمبة زيت الدريكسون من محل قطع الغيار في الصناعية القديمه يقول لي صاحب المحل انها جديدة وعليها ضمان شهر وكمان انها اخت الاصلية بـ 700 ريال وفيه نوع تجاري بــ 400 ريال تقريبا
توكلت على الله واخذت النوع الاول اللي بـ 700 ريال وركبتها وما كملت يوم واحد نفس المشكلة صارت الطارة مررره ثقيله اكثر من اول
رجعت له الطرمبة ورحت للوكالة واخذت الاصليه بــ 2150 تقريبا بعد الخصم وركبتها والحمد لله من وقتها والسيارة من احسن ما يكون لا صوت ولا ثقل ولا اي مشكلة
ملاحظة : الطرمبة الجديدة حصلت فيها اختلاف الفتحة حقة لي الدريكسون تكون على اليمين بإتجاه البطارية بعكس شد البلد تكون الفتحة على اليسار بجانب البكرة
سيارتي اكورد 2005

في الشغلات الميكانيكية المهمة والمعقدة مافي أحس من الأصلي تركبه من أول مرة وتنساه كم سنة :)

واذا بتاخذ تجاري أعرف انك راح تصرف كثير بعدها أكثر من سعر الأصلية وأكثر من سعر التركيب

عزيزي hu1981ss

قصة جميلة وتبين ان الأصلي مافي أحسن منه ويفضل تركيبه وترك التجاري . وذكرتني بسالفة من زمان شريت فورد مستورد من امريكا وكان نازل من الخلف ومحذوف منه الهيدروليك ومركب له يايات

في البداية جبت له يايات تجارية وطلع كأنة تاكسي مرتفع بشكل رهيب وبعدها شريت يايات امريكية وطلع نازل شوي

وآخرتها اخذت اصلية من الوكالة وطلع الموتر مثل العسل بوقفته وكل هالخساير وماضبط الا الأصلي .:)