الاكورد مضلومه من الشركه الصانعه اليابان !!!

يأخوان والله قهر الاكورد سيارة حلوه مثاليه وقويه وتعيش جوده واداء وتتحمل خطوط طويله بس مضلومه من شركة هوندا اليابان من ناحية المواصفات والكماليات والاكسسورات والاضافات يعني الاكورد لغاية الان وحتى الموديلات الجديدة مافيها أي تعديلات نفسي شركة هوندا تضيف على موديلات الفل أوبشن v6 شاشة ملاحه مثلا وتضيف مساج للمقاعدللراكب والسائق وحرارة وبروده في المقاعد وستارة كهرباء خلفيه وفتحة منفذ usb وبلوتوث ورادار يتحكم بالسرعه بالمسافه بينك وبين السيارة اللي قدامك ومرايات جانبيه قابله للطي أوتامتيك ياخي والله قهر الاكورد مضلومه في حقها لو كانت في كل هذي المواصفات اللي ذكرتها بتطلع الاكورد جنان تكسر الدنيا بس قهر ماني عارف كيف تفكير اليابانين مقصرين بحق الاكورد أرجو التعليق على موضوعي شباب وأضافة ردود شاكرا لكم ويعطيكم العافيه ..... :):):)

السلام عليكم ورحمة الله وبركاته

عيدكم مبارك وكل عام وانتم بالف خير

هو صحيح ان الاكورد تفتقر للمواصفات ( خلنا نقول عنها مواصفات ترفيه اكثر منها مواصفات وانظمه اساسيه ) وهذا الشي يقهر بالفعل .

لكن صدقني لو المواصفات اللي ذكرتها موجوده بالاكورد فاحس ان سعرها ما راح يقل عن 150 الف ريال ياخي اذا على شاشه صارت ال6سيلندر ب137 الف وانا سيارتي 2010 وشاريها برمضان اللي طاف ب 117000 يعني تقريبا 20 الف على شاشه صحيح اانها وكاله بس مو لذي الدرجه
فاقول خلك على مقررودك لا يجيك اللي اقرد منه .
والله الموفق...

المشكله ان هوندا مو شركه فقيره فالمواصفات بالعكس

بس في سيارات في هوندا اقل من الاكورد وفيها مواصفات اعلى

خذ على سبيل المثال ((الجاز)) فيها سقف بانوراما وفيها تعشيق

خلف الدركسون وعندك السفيك تيب ار فيها زر تشغيل وغيرها

من المواصفات فالسيارات الاخرى اللي ماتحضرني حالياً يعني

لو كانت هالموصفات موجوده بالاكورد كان الاكورد بتكون توب

وتكملت الموصفات تكون في جنط الكوبيه 18 بتكون الاكورد كذا :cool:

بس بتوقعاتك لوكانت هالموصفات اللي ذكرتها موجوده بالفعل

كم بيكون سعر الاكورد ؟؟؟:d

من جد يعني إذا كانت هذي المواصفات إلى ذكرتها موجوده في الأكورد
يعني كم تتوقع حتكون سعرها أكييييد مو أقل من 150 ألف ريال
صحيح المواصفات إلى ذكرتها صارت دحين في معظم السيارات بس عاد إيش تسوي يا الغالي

ومضه :d

ترا الوكيل الي يتحكم ويطلب المواصفات وشي طبيعي ان الوكلاء عندنا وعلى راسهم ابو هاشم يطلبون اقل المواصفات عشان يلعبون بالاسعار

وكل عام وانتم بخير يا الغاليين

وسع صدرك يا خوك ..

أغلب الوكلاء عندنا كذا ... حسبي الله عليهم ...

* الماكسيما في الخارج : بانوراما - تهوية مراتب للسائق والراكب - وهاردسك ... وغيرها .

* الليجاسي في الخارج : مكينة 6 سلندر - شاشة - تخشيبة - ... وغيرها .

* الأوريون في الخارج : تهوية مراتب - ومرايات كهرباء - وتخشيب دركسون وقير ... وغيرها .

والقائمة تطوووول ...

أن شاء الله يتحسن الوضع عندنا وتنزل الأسعار أولاً ... وتجينا المواصفات الزينة ( في كل الوكالات مو بس هوندا ) << خل الشعب يفلها :d

تحياتي .

لالا يا حبيبي حبه حبه تجي المحبه كذا سياسه الزميل والصديق عبدالله هاشم .. اول شي مكيف ورى وحساسات ودبل في السعر مادري كم ...
وبعده شاشه وحط لك فيها عشر الاف ..

وشوف 2013 بيغير الشكل ويمكن مايغير شي بالمواصفات بس بيدبل السعر شي اكيد ... واذا غير مواصفات وحط تدفأة او بصمه او تشغيل بزر هنا بتكون الطامه وخذ يا تدبيل سعر اليوم نقارن الاكورد بالكامري ... وقتها بنقارنها بالكزس .. طبعاً هذا مايبي لها كلام تعرفون من بنختار ... وسلموني على الاكورد بعدها بتخيس عند عبدالله هاشم هو وسياسته الحلوه :d

ونهايته بتصير تجميع عشان يقدر ينزل في سعرها :d

شكلك ماشفت 2011

تقول مافيها شاشه
ولا فيها تسفيط مرايات
ولا فيها بلوتوث .. اتصال عن طريق ازرار الدركسون
ومنفذ usb

كل عام وانتم بخير وعيدكم مبارك انشالله
انا من ناحيتى ماتهمنى المواصفات بقدر مايهمنى موضوع الجوده بالسياره , اول شي خليهم يحلون موضوع البريكات الغبيه الى انواع التصفير والرجه الى اكثر من واحد بغت تجيب فيه العيد وتخون فيه الله يستر علينا وعليكم بس
اما بخصوص شاشات الملاحه والدخول الذكى والسقف البانورامى هاذى كماليات او اكسسوارات ماتهمنى

بسمه تعالى :

الأكورد صنعت لفئة خاصة للشباب و رجال الأعمال ...أي من الممكن أن لاتكون تلك المواصفات ضرورية و لن يكترث بها العملاء و الأهم لدى معظمهم أن تكون السيارة عملية و تتحمل تلك المشاوير مع الحفاظ على شخصية المركبة .....لدى هوندا سيارات بالمواصفات تلك و هي أكيورا بأمريكا للمجتمع الأمريكي المتطلب و بها مواصفات رفاهية قوية تنافس بعض السيارات الأمريكية الفخمة ....إذا كنت تريد سيارة بتلك المواصفات فعلى عبد الله هاشم أن لا يتردد بالإتيان بها عدا خوفه من البديل لكزس و الذي إنتشر إنتشار السيل و بأسعارها المقاربة لأكيورا و لكن كل شي له وقت... و كل عام و محبي هوندا بخير و صحة و سلامة .

انا اول مرة اشتري سيارة هوندا من اي فئه طبعآ ماشريتها الا بعد ماسمعت عن جودتها وبعد ماسألت من استخدمها
طبعآ سقت النيسان أغلب انواعه والتايوتا والبي ام دبليو والسوباروا والمستوبيشي وغيرها
لكن الشهادة لله الأكورد في الوقت الحالي تعتبر من افضل السيارات الموجودة في السوق السعودي
طبعآ على مستوى فئتها
خاصة الخامات الداخلية مثل الطبلون والمقاعد رغم قساوتها ولكن هذا المفروض لأنك تقود سيارة مو جالس في مجلس زميلي في العمل معه اكورد 2002 مقاعدها جلد بس ماشاء الله لازالت بألف خير مو مثل بعض السيارات الجلد مايكمل سنتين الا شفت فيه العجب
كانت عندي سيارة مكسيما من الوكالة وربي ماكملت سنه الا تكسرت وتشطبت اغلب الأدراج وحتى درج النظارة انكسر وذلك لسوء الخامات المستخدمه
رغم ان المكسيما فيها من الكماليات الشي الكثير من موديل 2000
فالكماليات ليست كل شي في السيارة
ولو الواحد يبي كماليات كان اخذ سوناتا ولاكيا صراحه منظر وكماليات وسعر حلو بس جودة انسى

طبعآ هذه وجهة نظري لاغير قدلاتعجب البعض

هلا فيك يالغالي

من ناحية الشاشة + نظام الملاحة + البلوتوث + كاميرا هذي موجودة بالاكورد 2011

ولكن من ناحية الاشياء يلي ذكرتها فأنا اشوف إنها ما تكون موجودة لسبب وهو
إنه اذا زادة التقنية في السيارة زادت المشاكل واذا صار في الموتر المواصفات يلي انت ذكرتها تجينا بكرة وتنزل موضوع وش الحل مع المقاعد أو افيدوني بخصوص المرايات الكهربائية :d

فهذا شيء معروف إذا زادت التقنية زادت المشاكل وفعلا هذا هو يلي صاير مع السيارات الفخمة ولكن الضمان يحل لهم كل شيء

وسلامتك ،،،