افكـآر جميلة وجنونية لمحبين التعديل ...
السلآمـ عليكم ورحمة الله وبركـآآتـه ...
كيفكم شبـآآب ... جايب لكمـ بعض الأفكـآر البعض منهـآ مجنون والبعض عادي ... وانشالله تكون حلوة .. لأني احب العب في السيااارة كثيير وطلعت بأفكـر بس ما طبقتهـآ ... وحاب اعطيكم رؤوس اقلآمـ وومكن تعدلو على الفكرة وتطلعو بنتيجة خطييييرة ....
كلآمي رآح يكون على الاكورد من 2003 ... 2005
نبدأ بالصدآمـ الامـآآمـي ونشوف الافكـآر الى تتنـآسب عليه ...
اولا ..: ممكن ان احنـآ نسوي عليه تجليدة تكون صغيرة في الشبكـ السفلي ... وتوصل الى الشبك العلوي .. بس تكون ماخذته كله ... بحيث يكون شكل التجليدة مثلث .. انا عن نفسي جربتهـآ وكانت حلوة ... وحطيت علآمة الهوندآ الحمرآء ... وطلعت جميل ومن تقيمي لهـآ اعطيهـآ 8/10 ...
ثانيـآ ..: ممكن نشتري صدآمـ .. 2007 ونركبه ومع الكشافات .. بس انصحكم بالمربع ... شكله اجمل ... ونحط زنون ... 4300 .. في الاصطاب وفي الكشافات ... راح تطلع جميلة .. افضل من ما يكون الاصطاب بلون والكشافات بلون .. >> قبييح المنظر .. والتكلفة 1100 تقريبـآ ..
نجي الآن للتعديلآت القوية نوعا مـآ ...
ممكن نفصل شبكـ في محلات الفيبر ... وعندي لكمـ فكرة جنونية جدآ ...
تاخذ الصدآمـ .. وتوديه محل فيبر ... وتخليه يفصل لكـ شبكـ دآئري .. او مربع على حسب رغبتكـ يعني ... وتخليه يسكر الشبك العلوي والسفلي بالفيبر ... بصير صدآمـ فاضي بدون اي شبكـ .. هنـآ يجي دور ذوقكـ ... تفصل لكـ شبكـ ... على ذوقكـ ... افضل من ما تاخذ شبك جاهزة من دوج .. ولا اودي .. او مرسيدس مثل الى عملو الفكرة ...
طبعا خلصتو من الشبكـ ... عن نفسي انا اقترحت على صاحبي شبك التشارجر 2012 الجديد ...
جـآ دور الكشافات ..! احنـآ طمسنـآ الصدآمـ كاامل بالفيبر ... يحتاج كشاف يجي هنـآ ذوقكـ ... انا اخترت كشاف ليد .. مثل كيا اوبتيمـآ 2011 تماما .. مع تغيير بسيط جدا لآ يذكر .. طلعت بنتيجة جميلة ...
شبكـ من اختراعكـ ... وكشـآفـآت من اختراعكـ .. هنـآ يظهر المعنى الحقيقي لكمة تعديل ...
طبعا الكشافات .. تقدرو تعملو فيهم حركة .. تضيفو لهم ليد .. او تغيرو من شكلهمـ ... واذا عجبتكـ كشافات لآ ينشغل بـآلكـ ... خذهم وروح محل فيبر خله يضبط مكان الكشاف على شكل الى انت تبيه ... وروح الى كهربااائي محترف .. يشبكه لك في البطارية .. ويكون زر هو الى يشغل ويطفي الكشاف الى انت اخترته من اي نوع واي شركة ....
.....................
خلصنـآ ... من الصدآمـ ... نجي للكبووت ...
طبعا الى بعدل الكبوت .. تقريبا ما لهـآ تعديلآت خفيفة .. غير التجليد ... او الرسمـ او الكتابة عليه ... وانا اشوف ان مو مرة مناااسب ....
ننتقل للتعديلآت الجنونية نوعـآ مـآ ...
عندي فكرة جميلة ... تاخذ الكبوت حقكـ ... وتوديه محل فيبر ... ويفصل لك كبووت فيبر نفس مقاس الكبوت حقكـ ... هنـآ يجي دوركـ وذوقكـ في التعديل ... تبي تسويه على اي نوع من راسك او مثل سيارة فلآنية ... الموضوع محير لأن اكثر من نوع تقدر تسوي ... وانا افضل تعطيه النكهة الرياضية ...
طبعا السقف .. نادر ان احنـآ نشوف شخص معدل على السقف .. اكثر ما نشوف التجليد ... وفي فكرة عادية هي طبعا .. الا وهي ... مثل الجناح الى يصير بآخر السقف ... وهذا يفضل انت تفصله وعلى ذوقكـ تضبطه ...
>> خلاص طفشت وانا اغير الالوان بكمل بالاسود :p
نجي للصدآمـ الخلفي ....
من الافكـر الجميلة والقديمة قليلآ ... حركة شكمان اللكزس الى تصير في نفس الصدآمـ ...! بس ليش احنـآ نقلد تقليد اعمى ... ممكن نسوي فكرة شفتو حركة البورش كايين .. راس الشكمان دائري في نفس الصدآمـ .. ممكن نسوي حركة اللكزس .. ونخلي فوق الفتحة صطاب ليد .. عادي .. مثل السوناتا 2011 ..
ممكن نعطي الصدآمـ نكهة رياضية .. ونفصل له شبكـ ...
وايضا ممكن نعطيه نكهة فخمة ... شفتو صدآمـ البي ام 750 ... تلآحظو ان راس الشكمان مختفي ... وفي مثل الشبكـ .. خط مستقيم على مدار الصدآمـ ... فكرة جميييلة جدآ ..! ممكن ايضا نشتري دبة لهـآ راسين ... ونعمل مثل حركة المرسيدس cls .. طبعا الافكـآر كثيرة ... بس انا اقول لكم لا تسوون كوبي .. بيست ... عدل على الفكرة ولو تغيير 1% عن الاصل ... عشان توصل للمعنى الحقيقي للتعديل ... واخذو الفكرة من الامبورجيني جلاردو بالنسبة للشبكـ ;)
انا عن نفسي مسوي حركة اللكزس ... وموصل بين الفتحتين ... بتجليدة لونهـآ احمر لمـآآع ... وكاتب تحت .. honda ...طبعا الافكـآر كثيرة وانتو وذوقكمـ ...
بالنسبة للاصطابات ... لأصحـآب الـ 2003 ... 2005
وش رايكمـ باصطاباتـ .. الاوبتيمـآ ...!؟ الاودي ...!؟ الازيرا 2012 ..!؟ التشارجر 2012 ...!؟
انا عن نفسي عندي فكرة بس مكلفة نوعـآ مـآ ...
ناخذ صطاب الازيرا 2012 ... ونرهمه طبعا هو مستطيل ناقص ضلع صح ..!؟ نفصل سطاب ليد .. ونوصل بين الاسطابين ... واااو ..! تخيلو شكل السيارة ..! وبكذا تكونو جمعتو بين فكرة الازيرا والتشارجر ... نكهة الفخامة والرياضية ...! << ما تحسو انكم تقرو وصفة كيكة .! :d
نجي للأبوآب ...
من الحركـآت الجميلة مقابض النيكل ... وانا احب اضيف عليهـآ ... النصف العلوي من المقبض تجليدة سودآء ... وتحت نيكل ...! الشكل طلع جمييل صرآحة ... وتقدرو تسوو المقبض مثل المرسيدس ... تجلدوه تقريبـآ كـآمل .. وتخلي في المنتصف النيكل ... جمييل ايضا ... وهاذي جميل على 2008 وفوق ...
وبالنسبة للأزيـآق ... تقدر تختار مـآ يحلو لكـ .. الافالون ازياقهـآ جميلة ... واذا ما ضبطت معاكـ .. محل الفير يضبطهـآ لكـ ... واذا انت تحب الافكار المجنوووونة جدآ ...!
ما بقول لك فصل مفاصل واقلبهـآ لآمبورجيني .. لآلآ ...
وش رايك بـأبوآب اللآمبورجيني جلآردو ...!! شفت كيف صايرة ..! لو تسويهـآ ... بتكون حققت انجااز ضخمـ .. وتقدر بالفيبر ايضا .. بالمعجوون وكذا تضبط اوومـ الدعوة .. وتقدر تفصل ابوآب ...!
اذا كانت الامبورجيني .. رآح تقول كيف تجيب فكرة سيارة رياضية بحتة .. الى سيارة سيدآن .. خطوة جريئة .. انا اقول لكـ خذ العبرة من التشارجر 2012 .. عملت حركة جميلة .. وشوفه انت واوزر الفكرة برااسكـ وبتطلع بنتيجة جميلة ...
نجي الآن لدآخلية السيارة ... وهي محيرة جدآ ...
نبدأ بالطبلون الامـآمي ... التخشيب ...! طبعا الفكرة قديمة انا من رايي تعمل خط عرضة مو اكثر من 5 ... 8 سمـ ... على امتداد الطبلون .. في المكان الى انت تشوفه مناسب وتكتب في طرفه .. accod بالحفر طبعا ... ويكون لون الحفر اسود او بني غااامي مثل الفكتوريا ... وبالنسبة للدركسون اختر الزوايا الى تناسبكـ من التخشيب ... وشوف داخلية المرسيدس .. s-class اللون جميل
شباب ما استمينـآ من ملمس الخشب ...!! وش رايكمـ بدركسون اللآمبورجيني .. شفتو نوعية الخـآمة الى منجد بهـآ الدركسون ..! انا الصرآحة اجهل اسمهـآ ... بس منظر الدرسكون مغررري جدآ ..! يحمسك تاخذ خط القصيم الرياض .. الرياض القصيمـ .. وانت مبتسم في عز الظهر ..!!
المهمـ ...
بالنسبة للأبواب على ذوقكـ وتعتمد نوعية التعديل عن نوعية التنجيد ...
بالنسبة للسقف اختر لون للأنوآر يكون رااايق وهادئ ... داخلية السيارة ما في حاجة اسمهـآ تعديلات قوية تقلب لونهـآ احمر ولا اصفر ...!! يبي لها اشياء هااادئة جدآ ... وانا افضل الى بسوي تخشيب .. يخشب اطار التاكية الخلفية او يعمل فيهـآ حركة مع التخشيب ...
بالنسبة للأرضية انا حاط فرو .. مرة نايس ... بس مسوي لي نعال اكرمكم الله البسه اذا دخلت السيارة عشان لا اعفسه بالتراب والوصخ ... بس متعبة .. خصوصا اذا معكـ اطفال .. ما يرتاح الى مشقق امـ الريش ... وانصحكمـ بالعطورات الجميلة ... من نكتار ولا ذا بودي شوب ... بدل التعليقة 2 بـ 5 ريال ..!!
والله ولي التوفيق .. اي استفسار .. والى عنده فكرة لا يحرمنـآ ....
اخوكمـ بـآسل ..^^
