المخالفات المرورية...والظلم وتجديد الرخصه

السلام عليكم ورحمة الله وبركاته

بدخل بالموضوع على طوول

انا قبل فتره بسيطه انتقلت الى مدينة الرياض الحبيبه
لاكن تفاجأت من التعامل من قبل رجال الأمن او الدوريات يعني مافي عنده تفاهم على طوول مخالفه :eek::eek:
والله ظلم شوفو لو انا غلطان انا استاهل لاكن ظلم عيني عينك تقول بس يبي يعبي الدفتر شوفو انا مع الي يعطون مخالفات لأني ما احب الواسطات لأن الواسطات هي الي تثير الغيره والظلم وتدمر النظام لاكن المشكله ان النظام غلط انا احب ان يطبق النظام بس لييييييييييييييييييييييييش المخالفة تتدبل اذا ما سددت والله ياناس حرااام هذا فوق ان الرخصه الي مافي اي دوله بالعالم حاطه هالسعر الخيالي 400 ريال لييييييييييش
وهذا احنا بلد البترول يعني تخيلو طالع من شقتي ورايح للبقاله تبعد تقريبا 10 امتار يعني خمس ثواني الا انت واصل وكنت بشتري اغراض فلازم اخذ السيارة طلعت وشغلت السياره ما امداني اعشق القير الا دورية وراي تقولي الرخصه والأستماره واقوله ليش يقولي عدم اضاءة المصابيح شنوووووو:eek: اقوله يارجل توني طالع ما عنده تفاهم ومره في طريق الدمام امشي 130 كم وصادني الرادار وعطاني مخالفه ولا عندهم تفاهم على طوول ومكتوب على الورقه اذا ما سددت سوف يطبق الحد الأعلى يمه تقول ذابح واحد
المهم كنت رايح اجدد الرخصه ولا اكتشف ان مخالفاتي وصلت 2000 ريال +400 ريال تجديد = 2400 ريال على بطاقه رخصه والله وقلت معصي
والله حرااام الي احنا عايشين فيه هذي ربا وهذا بلد يطبق فيه شرع الله سبحانه وتعالى

لاكن يا شباب في حل اني اجدد الرخصه بدون هالمبلغ الخيالي والله مو داعيني قلبي ادفع على شي انظلمت فيه 2000 ريال

تتوقعون في حل :confused::confused:
عذرا على الاطاله لاكن فرغت الي في قلبي حق اعز منتدى عندي
الي عنده حل لا يبخل علينا
وشكرا لكم
:rolleyes::rolleyes:

الله لا يوفق من حط نظام المرور الجديد دنيا وآخره يارب :mad:
نظام المرور الجديد غير أنه ربا في ربا يعني حررررررررام في حررررررررام

وهو إستنزاف للمواطن وكيف وافق مجلس الشورى على هذا النظام الظالم بحق المواطن .
وأنا أتكلم بالذات عن رفع الرخصة من 75 ريال إلى 400 ريال حسبنا الله ونعم الوكيل .

400 ريال = ١٠ سنوات ياعزيزي .. شكلك ما انتبهت لهالنقطة //

هين بخصوص التعامل عاااادي بتتعود علية الين ما تنضبط، اصلاً الشخص يكون عادي لة عقل يفكر فية الين ما يصير عسكري ويجرون لة عملية تغيير ( عقل ) يشون عقلة السليم ويحطون فية عقل بلا اي خاصية غير العبوس في الوجة وعدم التفاهم واعطاء المخالفة وانتظار الراتب ، وتطليع قرض وشراء هايلوكس او كامري سياحي ..

بيجـي يوم بنصيـر نطلع قروض علشان نسدد مخـآلفــآت

:p

أنا معك في انو حرااام شغلة (الحد الأعلى )

لكن مخالفاتك انت يا الغالي ذكرت السبب في لأخذك لها

يعني لو ما ستحقيتها وعملت شروطها ما كان اخذ المخالفه


ومن ناحية ان العسكري ما فهم انك توك طالع من البيت للبقاله

اذكرك ان العسكري ما يعلم الغيب تراه بشر مثلي ومثلك

وطبق النظام عليك

مثل ما تمنيت انت ان النظام يجب أن يطبق



~ اتمنى ان تتقبل ردي بصدر رحب }

اقتباس:

---

المشاركة الأصلية كتبت بواسطة b useful

400 ريال = ١٠ سنوات ياعزيزي .. شكلك ما انتبهت لهالنقطة //

---

الرخصه كانت قيمتها 75 لمدة 5 سنوات

يعني لو 10 سنين المفروض تكون 150 ريال

وبعدين ايش ذنب الأجنبي يدفع رخصه لعشره سنوات وهوا ممكن مايجلس اكثر من سنتين في البلد

المفروض يكون فيه مرونه في النظام لجميع فئات السائقين

وحكاية التدبيل هذي مفروغ منها

الله المستعان

:)

وعليكم السلام
صح كلامك في عساكر نذلين
اذكر مره
سيف
مجنون اكورد 07
قالي
كان بلحسا وموقف موقف والسياره طالعه صدامها بس من الموقف
<< المرور يطيك مخالفه اذا نص السياره طالع<كلا من المرور
العسكري كتب المخالفه بسرعه ونحاش
واحد قاله نازله يشتر له اكل وبيرجع قال مالي شغل
طلع سيف يناديه سحب عليهه ومشى
:d
هذا منو الغلطاان؟؟؟؟
..
وحبيبي حلـ التدبيل ماافي حلـ انسى يعني
الحكومه ناقها فلوس تاخذ من الشعب
الحلـ انك تسدد
:d
ولاتقوول دوله نفط
مادري البتروول يي لمخباااك:p

الله يعين

احلى شيء سعر البانزين عندنا :cool:

^^^^^^

قول الحمدلله ولا يسمعوك

ترى يردوه زي زمان

زي ما عملوا مع الغاز خخخ

الله يستر بس

:)

ياخي ماشي 130 وما تبغى مخالفة .؟!
بس المشكلة مو في المخالفة ولا التدبيل .. المشكلة انهي ما تنزل الا مدبلة وهنا الحرام بعينه

اذكر مرة خذيت تضليل وقيمتها 150 ومانزلت الا 300 فاضطريت اني ادفعها قبل ما تصير الف

الشمـــالي : اي والله الله لا يوفقهم وانا معك والله حرام رخصه 400 ريال... شاكر لك مرورك عزيزي.
B useful :اخوي حتى لو كانت عشر سنوات يعني المفروض 150 يعني نخيل الرخصه بالأمارت بـ 20 ريال .. شاكر لك مرورك عزيزي.
Acoord08:اي والله الله يستر بس ..شكرا لك عزيزي
Hamam2008 :بالعكس صحيح كلامك لاكن المفروض ياخذ الأسباب وشكرا لك عزيزي.
memories: اي والله صح لسانك .. شاكر لك
abady:يووه والله عدل شغلكم هذول ما ينفع معاهم الا كذا وزي ما قلت مافي حل الا اني ادفع..شاكر لك
ذكريات عاشق:اي والله احسن شي البنزين بس ما قالك الله يستر لا يرفعوه لاحد يسمعك..شاكر لك
aziz93:اخوي 130 هذي سرعه عاديه مقارنة بالي يمشون 200 وكلهم سيارات قواطي الله يعين بس .. شاكر لك عزيزي..

(من شاف مصيبة غيرة تهون عليه مصيبتة) ولو قلتلك القسايم وصلة عندي 14350 ريال اليوم مشيك عليها والرخصة مطلعها قبل سنتين وعمري الحين 20 سنة والله صرت مجرم بي القسايم هاذي.
هههههههههههههههههههههههههههههههه<<<<<<تجنن

ترى بسيطة القيمة اللي عليك

انا 5 مخالفات 3900

سددتها وقت تجديد الرخصة :)

اذا مادفعتها اليوم غصبن عليك راح تدفعها بكره :d

حسبي اللهـــ بسس ..

أحسن حل وكسررر عين الحكايمـــ

فك التضليلهــ والزنونــــ وأي شئ مخالفــــــــ حتى لو كان بسيط

وأذا وقفكـ مرور تكلم معهـ من طرف خشمكـــ ينغبن ما يقدر يسوي شئ

بقول وين طفاية الحريقــــ بدور أي شئ ما راح يلقاء عليك أي زلهــ

وكذأإ ترفع السكر عندهـــ وتستانس أإنت :d

اقتباس:

---

المشاركة الأصلية كتبت بواسطة aziz93

ياخي ماشي 130 وما تبغى مخالفة .؟!
بس المشكلة مو في المخالفة ولا التدبيل .. المشكلة انهي ما تنزل الا مدبلة وهنا الحرام بعينه

اذكر مرة خذيت تضليل وقيمتها 150 ومانزلت الا 300 فاضطريت اني ادفعها قبل ما تصير الف

---

اول كان التضليل بـ 150 اللحين 300 وشهر وتتدبل الى 500 (ياكثر ما اخذتها ) وتدخل تحت مسمى مخالفة تعديل في هيكل المركبة :mad:

حسبي الله ونعم الوكيل والاهم من هذا كله انه حرام !! ربـــــــــــا !! وهذا حنا دولة الحرمين والاسلام

والمخالفات على ناس وناس بعد يعنى معاكـ اكورد احلى واغلى مخالفة تجيكـ اما لو بنوراما ولا ميزراتي ولاكلمة !!؟ ((مو الكل للامانة ))

كل الي اقوله الله لايوفق من وافق على ها النظام لا دنيا ولا اخره بدون تتدبيل ويالله بحملنا نقوم كيف بتدبل وقله حياء :mad:
كل ما اتذكر مخالفاتي ((اغلبها دون وجه حق)) يمين بالله اشيل هم وخصوصا لابد من تسديدها لني بعد فترة بجدد الاستمارة وغيرها اشياء كثيرة

الشكوى الله

الله يكون بعوننا بس

وراك و راك المخالفات لازم تتسدد يا الغالي
سواء اليوم أو بكرة وراك وراك الله يعينكم

ابشركم تم دفع المخالفه بس والله مو طالعه من قلب :mad:
لاكن شنقول الشكوى لله الله يعيننا بس
والله اشكركم شباب على تفاعلكم معي ريحتوني شوي الله لا يخليني منكم
وبيجي يوم على الظلام

الحمد لله ان البنزين أرخص من الماء

يحوووول الله هذولا اقلقونا كل ماسوينا شئ نشبوا لنا :d

يعني بكرى تمشي ع رجولك عكس الشارع يصكونك مخالفة عكس سير :p

صح ان النظام عندنا عقيم في السعوديه والعسكر مزاجيه
لاكن أنا أضع نسبة 60 % على المواطن
وانتوا شوفو أخلاق الناس في الشارع والله العظيم الكثير من الشعب ماينعطي وجه الا من رحم ربي
انت خلي الحين يجي واحد ويسبك قدام الناس ولا يرفع صوته بالله عليك ايش بتكون ردة فعلك ؟؟؟؟
وما بالك في رجل الأمن تمر عليه كثير من هاذه الحالات


والمخالفات ماوضعت الا للحد من المخالفات ومخالفة اي شخص يخالف انظمة المرور
أنا أنسان أنظريت كثير من المخالفات

لحد الان أخذت مايقارب 23 مخالفه أو أكثر خلال سنتين كلها سرعه

ولا تذمرت ولا زعلت لاني بالفعل مخالف

صح ان الدعوه مزاجيه في أمن الطرق بعض الاحيان لو مافي رادار لو تجي تمشي من جنبه 200 كم ماقال لك شي

ترى في معلومة حبيت أقولها للكثير وتحديداُ بموضوع أمن الطرق
كل نقطة لها ميزانيه لوحدها وبعض الاحيان تجيهم اوامر من فوق بوضع رادار ونبيكم تخلصون العدد الفلاني من القسايم

اما من ناحية التدبيل أحب أقول ان النظام مو أحنا اللي نحكم انه حلال أو حرام !!!!!

مااادري من وين جايبين كلمة تدبيل بالأصل هي حد أعلى وحد أدنى للمخالفة

ورجل الأمن على حسب المخالفه عنده يقرر يسجلها بالحد الاعلى أو الادنى

طبعا أنا ضد النظام وليس معه

لاكن في كلام حبيت أقوله واوضحه بعض ماشفت السب واللعن من بعض الأعضاء

وحبيت أنبه انه مايجوز تدعي على أخيك المسلم

أسئلة اتمنى الكثير التفكير فيها لتعرفون كم مدى التخلف عندنا في السياقه
شاحنه في الخط السريع ماسك الوسط ولا ماشيه أكثر من 110 كم
الكثير منا لايهتم في المسار اللي ماشي فيه
طريق 3 مسارات يصير 5 بالغصب
التهور في السياقه
دق اشاره يمين ولا يسار وشوف كم نسبة اللي بيسمحون لك بالمرور للمسار الآخر ؟؟
عدم احترام الطريق االعام يجي واحد من طريق فرعي ويدخل في وجهك والاولية لك !!! وبالأصل لازم توقف وقوف كلي قبل ماتدخل من طريق فرعي الى طريق عام
كم منا أنتظر من الوقت عند الاشاره عشان يدخل يمين والمفروض ان المسار يكون سالك لاكن تخلف بعض السائقين تلقاه ماسك يمين عشان يمشي قدام ولا يلف يسار

قطع أشارات - تفحيط - عكس سير - وقف عند الاشاره وخليها تولع أخضر اتحداك اذا ماسمعت صوت بوري

وبخصوص مخالفات الحد الادنى والاعلى كم منا كانت عليه مخالفات لها سنين ولم يسددها ويقول ماني مسددها
أسأل نفسك مو هذا حق ولازم تدفعه ؟؟؟

مهما أقول واتكلم صدقوني انا نعاني من المرور والسواقه عندنا واحنا كلنا 24 مليون نسمه
اذهب الى الدول الاخرى وعدد سكانها يفوق عدد سكاننا باضعاف وتلقى التزام باداب المرور

تقبلو تحياتي
هاذي وجهة نظري في هذا الموضوع

ايه والله انك صادق يا accord 2007

بمناسبة موضوع المخالفات
ابغا اعرف وشلون تطلع مخالفاتك على النت ؟؟
اذا كانت على بطاقتك الخاصه او على الرخصه
يعني بشكل عام كيف تطلع جميع مخالفاتك ؟؟
وشاكر لكم
انا اشوف انه الظلم الوحيد انه التجديد بـ 400
اما الباقي لو التزمت بالنظام ما بتاخذ ولا شي
وشكرا