استفسار هل اقدر اركب فتحه ؟؟

هاي قايز ...

كيف الحال و اخباركم و علومك

فيه عندي اكورد بدون فتحه اقدر اركب لها فتحه ؟؟

وين و كم السعر ؟؟ تنفع او ما تنفع يعني مثل شغل الوكاله ؟؟ و هل الوكاله يركبونها ؟؟

انتظر ردكم

ايه تقدر ..

بس السعر الووكاله وشغل برى الوكاله نفس الوكاله ماعندي خلفية عنها ..

طيب كم سعر تركيبها بالوكاله ؟؟

شي طبيعي تكون غالية ..

لكن مالك الا تتصل ع الوكاله وتستفسر او تروح بنفسك ..

لا تقول كم رقمهم مدري :d

وفيه محلات بالغرابي تسوي الشغل هذا ..

مر على كذا محل واستفسر ..

وان شاءالله الاعضاء يفيدونك ..

تحياتي

هلا فيك اخوي

الوكاله ما تركب فتحه سقف

فيه شركات الان تركب الفتحه مع ضمان من 5 سنوات الى 10

تكلفك بشكل عام من 3000 الى 4000

طبعا و الاغلب ينصح انك تشتري الفتحه بعدتها من اي تشليح و توديها للشركة و يفصلوها لك

فيه احد يخبر لى محل بالرياض شغله مضبوط ؟؟

مركز الاقصى بالرياض بشارع الغرابي بس سعرة يمكن 5000 ريال وضمان 5 سنوات
وفيه محل بالشرقية بالدمام طريق الملك سعود والله ناسي اسمه بس متخصص في الفتحات يركبها ب 4000 وضمان 10 سنوات

رد على كلام الاخ اللي فوق aa100100
المحل اللي بالشرقيه بالدمام اسمه السلام يسويها بـ٣٧٠٠ ريال
وفيه محل ولا احلى عندنا بالحساء يسويها ٢٠٠٠ ريال وضمان ٥ سنوات
والرجال يسويها عنده بالبيت والشخص هذا كان يشتغل بمحل السلام وشغله توب توب واحسن من السلام والشباب مسوين عنده

وبالتوفيق

طيب يا عاشق سيفك الرجال يسويها عنده بالبيت عنده الاغراض و الا لازم اجيب له الاغراض ؟؟

ممكن رقمه ؟؟؟

هلا وغلا

يا الحبيب اللي اعرفه بتقدر تركب فتحة سقف من السليماني


بــ3000 الاف ريال وتجي زي الحلاوة زي الوكاله وضمان 5 سنين

اقتباس:

---

المشاركة الأصلية كتبت بواسطة ღღ 3eo0oney...ღღ

هلا وغلا

يا الحبيب اللي اعرفه بتقدر تركب فتحة سقف من السليماني

بــ3000 الاف ريال وتجي زي الحلاوة زي الوكاله وضمان 5 سنين

---

طيب وين محلهم ؟؟ ممكن تدلني عليه ؟؟

اقتباس:

---

المشاركة الأصلية كتبت بواسطة تايقا

طيب وين محلهم ؟؟ ممكن تدلني عليه ؟؟

---

يا طويل العمر مكانه بالغرابي بس وين فيه بالضبط ماعندي خبر

انا ان شاء الله بروح للغرابي اليوم وبسالك وين مكانه واذا انت مستعجل يبيلك تروح وتدوره هناك تسال عنه

محل السلااام بلدمام
نفس ماقالو الشبااب اشهر محل بلشرقيه
وانصحك فيه من سمعته

تجربتي الشخصية //

- تم شراء جهاز فتحة السقف بدون قزازة من احد الاعضاء ( الموضوع موجود بقسم البيع والشراء ) بـ ٣٧٠ ريال حق موديل ٢٠٠٦

- تم شراء قزازة فتحة السقف بـ ٣٢٧ ريال من امريكا ( بس الشحن ٦٠٠ ريال من امريكا للسعودية ) - ارخص من التشليح اللي بـ ١٧٠٠ ريال وارخص من الوكالة اللي بـ ٢٥٠٠ ريال تقريباً -

رحت الاقصى قال شغل يد ١٥٠٠ ريال وتجيب لي اطار فتحة السقف من التشليح ( يعني كنك يازيد ما غزيت، وعلى قولة المصارية:d مافيش فايدة ! ) قلت لة الـ ١٥٠٠ تبيها ريالات ولا عشرات ؟ :pوطلعت وخليتة .

^^ كلامة صح لازم اطار من التشليح ، لأنة اذا قصها مافية جلدة بتنحط ولا شي ( يعرفون هالجلدة اللي قاصين فتحة سقف )^^

رحت التشليح ادور اكورد مصدمة مافيها الا السقف ويكون معفط عشان آخذ اطار فتحة السقف .. محلات النصب تلاقي الفتحة معدومة كنها علكة مرمية بـ ٨٠٠ الاطار لحالة يقصة موب السف كلة بعد ..

واروح عند صديقي الصدوق بالتشليح والاقي عندة اطار كويس من اكورد مابقى فيها الا السق شبة مصاب من الخلف .. وآخذة بـ ٣٠٠ ريال .. والظفيرة حقت السقف بـ ١٠٠ << الاخيرة غالية بس مستعجل وغيرة قال بـ ٢٥٠ ريال ..


الحين عن اذنكم ( الاحد ٣-١-٢٠١٠ ) ،، بروح اودي السيارة لصديقي الصدوق ( محمد دولال ) عشان يمخمخ على قصة السقف وتركيب الاطار ثم تركيب باقي اجزاء فتحة السقف وبتخلص ان شاء الله السبت القادم ..
( سعر التركيب .. ببلاش - احسن الى الناس تستعبد قلوبهم ، فلطالما استعبد الاحسان انسان - )

واذ كنت رايق بصور وبنزل تقرير عن هالشغلة //


واحد يقول ليش وجع الراس ذا كلة ؟؟

ارد علية ( اذا لم تزد على الحياة شيئاً فأنت زائدُ عليها ) .

B Useful

يعطيكم العافيه و ما قصرتوا

السليماني ياطويل العمر والسلامه

إذا جيت من أول شارع الغرابي أمش سييييييييييييييده إلى أن تجيك الإشاره



اللي في زاويتها محطه خش يمين مع الإشاره وسيييييييييييييييييييييييده




بتشوف السليماني في ثالث عماره أو رابع عماره على يسارك





إحترامي

يعطيك العافيه يا فتى زهران و ما قصرت