غيــرت البريكــات وليتني ماغيرتهاا
السسـلآإمـ علــيكم ورحمـه الله وبركــأته
أخواني واحبابي بخش في الموضوغ دغري .,’
انا وااحد معاي سيفيك 2001 .,’ وكارفها كرف الويـل .., والموتر الحمدلله ماشي معاي تمام
والمـوتر له 6 شهـور والبريكات تصيـح .,’ تبدأ بصوت تنسيم عندما اسحب فرامـل
طبعا الغلط مني ,’ امشي 180 وأهدي على بريك شوي شوي
والأصوات كانت تطلـع على خفيف ونااادر تطلـع
الا اذا كنت ماشي 80 وسحبت بريك خفيف تطلع صووت
والأسبوع اللي راح يوم الأربعاء وديت السياره الورشـه عشان اغير البريكات . مدري الفحمات
ومن زود حرص الوالـد الله يحفظـه ., قال للعامـل شيك على كل السيارهـ من اولها إلى آخرهـا
وشيك عليها جيناهـ الظهـر .,’ لقينا العامـل كاتب لنا قائمـه بكل القطع اللي يبيها
ابوي شاف القائمـه ..’ 8 قطـع .؟
قال وتبي أكـوورد جديد ..؟ منااك انت سيكـل ماتستااهـل .,’ < -أحسسب الدعـوه مـزح مو مصدق
لأن الموتر معاي مايشتكي الا من الفحمات .. وبسس
ورحنا واشترينا القطـع . وكلفتنـا 900 ريال .. وشغل يـد بـ 700 ريال
والقطـع هي .,’ المقصات .., الأذرعـه .., العكـس الأيسر الأمامي ..,
الهوبــأت .., الفحمات ..’ الأقمشـه ..’ كراسي مكينـه .., كراسي القيـر .,’
هذي القطـع .., انا استغربت المكينه معاي تمام ولله الحمـد . حتى كل اللي جربوا سيارتي
قالوا موترك يصلح حق مباحث .. حتى بالقومـأت يجي معاي .. ويبيض الوجـه ( ماشاء الله )
المهـم .. بعد ماطلعت الموتر من الورشـه ..
خلال يومـين بس .. الفحمات طلعـت أصوات . قلت هوب جديد وفحمات جداد لازم وقت عشان
تنخرط .. ورحت للعامـل \قال عادي . يومين وينخرط الهوب معاك .,’ ويصير تمام
انا قلت حلـوو
ولكـن المصيبـه .. المكيـنه ..اذا شغلتها تسمـع صوت منها كأني ملغم المكينـه
ولكن اذا مشيت يروح الصوت واا وقفت عند اشارهـ وحطيت المـوتر على ( N ) تسمع المكينه
تطلــع صووت غـريــب .,’ تسمع صوت غير طبيعي .. والله كأني ملغـم المكينـه
مع أني ماركبت قطع تزويد ولا شي ..,
والمصيبـه الأكبر .,’ الفحمات الى يومنا هذا وتطلع صوت كل ماسحبت بريــك
وامس المغرب رحت الورشه مستعـجل عندي اختبار .. هاوشت العامل وبغيت أطقـه
قلت شغلك تعبااان مثلـك .. خربت موتري
انا جيتك تغير البريكات خربت المكينـه
قال كل القطع اللي انت مركبــها تجاريــه .؟
والمششكلـة المحل اللي ماخذ من عنده القطـع .. مكتوب على الفاتورهـ قطع غيار اصليـه
وابوي يوم سأل راعي المحـل قال القطـع .. مو تجاريه ولا أصليـه .. يعني بين الإثنيـن
والمششكلـة الأعظم .. وانا خاش جو مع المسسجل وماسك خـط وبالليل
واذا كبست العالي للي قدامي . يطفي المسسجـل .؟! وبعدها بت 10 ثواني يشتغل
تكفووون .. ابي الــ ح ــل .. الوالد ماكلمتـه .. لأني عارف أنـه بيدوس في بطني .. وبيهون عن
الأكــوورد .,’
قلــت استشيركـم .. والمحل اللي شريت منه القطع في الدمام شارع الملك سعود .,’
اللي استفدتــه من التصليــح بس شي واحـد ,’ المـوتر تسارعه صار أقوى من الأول
ولكن بفارق صغير ..,
وششكــرأ ..,
