مشكله بعد تنظيف الثروتل

اولا مساكم الله بالخير

وثانيا انا ليس عضو جديد عندي عضويه قبل باسم toty لاكن ماتبي تسجل دخول لي مده احاول :mad:

واخيرا سجلت من جديد ورجعت لكم :o

ونخش بمشكلتي < ياكثر بربرتك بس

اول موتري كان ااذا شغلت المكيف ترتج المكينه وكانه بيطفى ونفس الكلام مع التعشيق من البي للدي او الار او اي نمره
واذا انا واقف واشتغلت المراوح قد يرج بعد !

المهم مدحولي ناس ورشة الجنوب بالصناعيه اللي جانب مركز الوفاء من ورا

المهم رحت لهم وحط ابوك وشل ابوك وغيرو بواجي ونظفو الثروتل فيه بنقالي دب عندهم ماغير يمشي ويحط تمباك من يوم شفته كذا حسيت انه ناوي لي على زرفه خصوصا اني مافهم كثير يعني نظامي خذ قروش وزبطني :(
المهم مالكم بالطويله جبت بخاخ اسي ديلكو ونظف به وكلش ويوم خلصو غسله ببنزين ماكنت ادري انا !
قدحت عليه ليش يبو ؟! قالي عشان يروح منه المنظف ونرجعه عادي عادي المهم صلخني حق تنظيف 150 ! :(
المهم ويركبه ويشغل وراحت الرجه والموتر طلع ذيبان :cool:
والعزم يطلب حرش :cool:
بس بقى مشكله قهرت اهلي اللي هي ان عداد الـ rpm حق الظغط على 2 وينزل بعد ماشغل الموتر بشوي على 1 ونص كذا وشويات يقدح يروح على 2 ونص !!
المهم لحس مخي ذا البنقالي قالي انه خلاص خرب اشتر جديد قلت جديد بكم قال مدري بس يمكن ب 2800 حولها ؟!
زبدت هرجتي جاب لي من عنده مستعمل وقالي ضمان اسبوع اذا خرب رده وخذ قروشك قلت اوك وركبه وطلع اوك الظغط ثابت على 1 وماينزل زي الوكاله ومني ومنه وعطانياه ب 650 ريال ويوم رجعت البيت اطالع فالبتاع حق الظغط الا هو على نص زي حقي اول ونفس الرجه رجعت :(
انا ابيه يكون ثابت اذا شغلت المكيف او عطيته نمره وماينزل عشان مايرج الموتر
عاد برجع له ياخذ بتاعه واخذ قروشي ويرجع حقي الاول مكانه نوصل للمفيد بعد مافهمتو اللي صار
اذا ركب حقي بيرجع الظغط على 2 وش الحل فيه ؟!
وحسب مااقريت بالنت انه كم يوم ويرجع لوضعه مثل ماكان ويثبت على 1
تكفون شباب افيدوني بالهرجه هذي خصوصا ان الشباب ماكتبو بالمنتدى حول هالمشكله خلوني استفيد انا وغيري من خبرتكم وممن جربو تنظيف الثروتل وماهي المشاكل اللي واجهتهم بعد التنظيف واتمنى من الكل ان لايفتح الصفحه ويروح !!
اتمنى منكم الادلاء بدلوكم جميعا ..
بانتظاركم لتعم الفائده ..

وانا بتصل على كم محل قطع غيار وبحاول اذا قدرت امر ع الوكاله اشوف كم سعره جديد وافيدكم فيها بعد

لاتبخلون علينا ياشباب

تحياتي

هلابك اخوي ......
اول شي بالنسبه للرجه شيك على كراسي المكينه وكرسي القير .
وبالنسبه للrpm شيك على فلتر الهواء يمكن يبي له تنظيف .
وانصحك اخوي لاتستعجل ولاتاخذبكلام واحد روح اسأل اكثر من محل
والله يوفقك وييسر امورك.

هلا فيك اخوي احمد

الله يعطيك العافيه انا مشكلتي عجل شوي عرفت لاني ماقول لا خل اسوي كذا واشوف ذا :(

انا الان برجع له ياخذ الثروتل حقه ويرجع لي الثروتل حقي نفس ماكان

والكراسي شيكتها قبل شهرين قالي راعي الورشه انو في كرسي من كراسي القير شوي وينكسر

ونسيت موضوعه وامس هم نفس الورشه شيكو على الكراسي وقالو مافيها شيء كلها سليمه المكينه والقير كراسيها كويسه
وطلعت ورشه ثانيه وقالو نفس الكلام كل الكراسي سليمه .. فما ادري يمكن يكون صاحب الورشه قبل مده كذاب !
ومن ناحية الفلتر انا مبدله بجديد قبل تقريبا 3 اشهر مع الزيت والزيت اللي يمشي 10 الاف وانا لسى مشيت عليه يمكن 6 الاف ولاشيكت عليه !! صح كلامك بشيك عليه واشوف

اللهم امين وياك يارب

بانتظار الشباب

:confused: UP

شباب انا بطلت اروح له لانه قالي معك اسبوع بعد ماكلمته فما ادري ياليت تفيدوني هل ارجع للرجال يرجع ثروتل حقي وياخذ حقه وبتظبط اموري اذا هي كانت عادي وترجع بعد فتره نفس ماكانت او كيف بالظبط ؟!!

:( والله ماحد عطاني وجه

عموما الامور كلها تمام وانا بشرح اللي صار معي بالتفصيل لكي تعم الفائده المرجوه من وراء هذا الطرح ,,

رجعت للرجال وقلت له خذ الثروتل حقك واخذه ورجع الثروتل حقي بس فيه نقطه اكتشفتها من خلال بحثي بالمنتدى اللي هي انو المهندس يوم المره الاولى جلس يفكك ويركب مافصل اصبع البطاريه كان الاصبع مشبوك ولمى جاء يبدلها قبل شوي قلت له افصل اصبع السالب وفصله
وفك الثروتل اللي هو حقه وركب الثروتل حقي اللي كنت احسب انه خربان !!
ولمى ركبه وكل شيء وشبك البطاريه سميت بالله وادق سلف الا هو من احلى مايكون وتمام التمام ماشاءالله
واخذ الثروتل حقه وقالي تعال بكره خذ فلوسك لان المحاسب راح :(
قلت له اوك ومشيت
وبقولكم اسم الورشه اسمها ورشة الجنوب ونظفوه بالبخاخ حق اسي ديلكو ابو غطاء ابيض وغسله ببنزين ونشفه ورجع ركبه واهم حاجه عندكم قبل الفك والتركيب والتنظيف وقبل ان يمد يده ع الشغله يفصل اصبع البطاريه ولو صار فيه ارتفاع بال rpm عادي بعد التنظيف كم يوم ويرجع لوضعه الطبيعي ومن احلى مايكون والورشه اخذو حق التنظيف مع الفك والتركيب وكلوو 150 ريال ..
انا عارف انو اغلبكم بيقول ليه !!
لاني انا عربجي والشغله فيها حساسات وش كثر فـ 150 احسن من 10 الاف خخخ
والله يعطيكم العافيه لو انكم ماعطيتوني وجه بس يالله
والله يعطيه العافيه احمد والله رفع معنوياتي فووق
وتحياتي لكم وتمنياتي لكم بقضاء اسعد الاوقات في هذا الصرح الشامخ ,,,

مبرووووووووووووووووووووووووووووووووووووك وبالبركه

نفس المشكله بالظبط

ولكن ما لقيت لها حل
ولا ادري وش اسوي
أحس اني كرهت سيارتي من بعد هالمشكله

:A6rb.Com_48: ياهلا يامرحباا

الله يبارك فيك ويعطيك الف عافيه ابو غيوض ع المرور


اخوي باسم انت جرب زي ماقلت لك افصل اصبع البطاريه السالب واتركها شوي وارجع اشبكه عشان الكمبيوتر يقرا الحساسات من جديد ..
تلقاه نفس موتري يوم ركبوه لي مافصلو البطاريه وصار الظغط يستنزل :eek:

جربها ان شاءالله وتزين امورك
وانا سمعت انو في برمجه اذا ماظبط بعد فصل البطاريه واعادة تشغيلها
والبرمجه ياتكون في اي ورشه يمكن ب 100 كذا او فالوكاله
وان شاءالله تتيسر امورك

الحمد لله

----------
الثروتل بدي بصراحة لحسة مخ :d ومن متى ودي أنظفه وانظف الحساسات لكن اتعوذ من الشيطان وأقول لنفسي أركد
وش لك بوجع الراس والأشياء اللي تحصل بعد التنظيف :mad:
مع أن الـ RPM قاهرني " ينزل " وتهز السيارة خفيف

وشيكت على الثروتل حصلته وسخ :mad:


طبعا التنظيف يحتاج حنان :d
ولا بتخرب عليك القطع خصوصا الحساسات
وحتى الثروتل لازم تنظفه شوي شوي

وانا سمعت ان :
الألكتروني >> لا تفتح لسانه وانت تنظف ( افتح السويتش " لا تشغل " وخل واحد يدعس بنزين ) :confused: وانت نظف

والثروتل العادي >> افتح اللسان بواسطة اللي مثل السير " نسيت اسمه " يكون موجود بجانب الثروتل بدي العادي


أهم شي

أنك تنتبه للحساسات وتنظفها >> بمنظف القطع الكهربائية " له مواصفات خاصة " وممكن تحصله بساكو

http://image.gmhightechperformance.c...or_cleaner.jpg
هذا لتنظيف حساس الهواء



وهذا للثروتل بدي
http://image.gmhightechperformance.c...ke_cleaner.jpg

وعليكم بالتشييك على علبة فلتر الهواء والانتيك باستمرار ,, لأن اي شرخ ولو بسيط ممكن يدخل غبار على الثروتل بدي ويسبب لك هالمشاكل الي مالها لزم .. خصوصا في الجيل السابع لأن مكان الفلتر غبي غبي غبي غبي < صدا :d ودايما يتعبون معه حقين الصيانه السريعه عشان كذا دايم ينكسر ولا أحد يلاحظ ,,

هلا بكم والله اسعدني وجودكم >> حسيت بالروح الاخويه اللي يقولونها < فلها خخخ

اكورد فضيه >> مشوار اكتب نكك بالانقليزي خخ سلك لي لاتدقق
ياطويل العمر الرجال والله ماشاورني وقفت الموتر وطلعت امارس رياضة التدخين لبعض الوقت ويوم رجعت الا الرجال فاك ام الثروتل برا والبطاريه مشبوكه وجلس يبخبخ فيه لين قام يكح ويوم خلص عنده سطل فيه بانزين قام يغطسه فيه يوم خلص نشفه بهوا وركبه والبطاريه مشبوكه ولذع من بعدها !! بس اشوى ظبط واخذت قروشي ورجعت له حقه :)
وعلى فكره بس هو نظف الثروتل نفسه السنسر اللي بالخرطوش مانظفه قلت نظفه يبو قالي لا مايحتاج سديق انا سوي تنظيف بعدين انته دز حديد وماعندك مشكله :d
:( كنت بنظفه بس بعد اللي صار رجلك والجبل والله ماعاد اسوي به شيء بطلنا

اكورداوي

ياحبي لك بقولك شغله ترا مشكلتي معي هوندا بس ماعرف اختار ورشه زي الناس ومشكلتي عجل
ومن ناحية العلبه مانتبهت لها الا قبل انظف الثروتل لانها طلعت منكسره من تحت ومن فوق والخرطوش حقها فيه كسر بعد :(
ولي شهر وزياده اتمشى عليها ومدري :(
لين قام الموتر مكينته تهز وسط فالكبوت :)
ورحت لورشة الجنوب وقالولي جب علبه جديده وخرابيط ويوم رحت لابو هاشم لقيتها بحول الـ 800 من غير الفلتر !
قلت معليش واخبر لك راعي فيابر فصناعية الموسى زبطها لي وصارت اخت الجديده والخرطوش شريته من ابو هاشم بـ 145 ريال ورحت لورشة الجنوب نظفو وغيرو البواجي وزانت الامور والله يا اول موتري مااش ولد خالي معه 2003 ماشيه 400 الف وعليها يغبر بي :(
انا طرطعت موتري لسى توه قبل يومين مكمل 46 الف !! << (( قولو ماشاءالله العين حق ))
بس بعد مازبطوه كنسته فالقومه :)

>>>>>> ياشباب اللي بينظف الثروتل زي ماقال اخونا THE SILVER ACCORD خلوووكم حنييييينين وشغلكم ابو بخاخات ودلع مو تروحون ورشه ياخذ منكم 150 ويحوسكم ويغسل ثروتلاتكم ببانزين :(

:cool: والله يعطيكم العافيه وان شاءالله يستفيدون الشباب