خبراء الهوندا >>>> ضروررررري ؟

السلام عليكم ورحمة الله وبركاته


أول شئ أنا أموت في شئ اسمه تويوتا لاكن تويوتا مدري وشفيهم في الاونة الاخيرة الجودة مش ولابد

بس لو خيروني بين نيسان وتويوتا أخترت تويوتا نيسان مدري وش يبي ! ماعجبني !!

المهم هوندا صراحة أبدعت من عام 2003 وهي توب التوب ......................الخ ,,, وعندي بعض الاسئلة,,,


س1/ وين الاكورد موديلات 2002وناااازل اقصد ماكانت مشهورة ومرغوبة ,,,,السبب؟؟؟؟

س2/لاحظت على الاكورد انها تبطي ماتشتغل واصطباتها بعضها عوراء وفيها تصفير قوووي مدري
وشو ؟ طبعا بعد كرفها 4او5سنوات ؟؟؟

س3/الاكورد تعيش 10سنوات اواكثر كرف وسفريات او لا ؟؟بدون مجاملة؟؟

س4/عندكم مقارنة بين قطع الاكورد وسيارة يابانية اخرى ابي اشوف الفرررق ؟؟

س5/هل السيارة حساسة يعني لو شلت مطب قوي تتأثر او مثلها مثل السيارات الاخرى؟؟

س6/المحلات يبيعون قطع غيار ؟ او وكالة بس ؟ والورش يسمكرون الهوندا ؟؟؟

س7/القير الاتوماتيك للاكورد حساس؟؟؟واذا ماشتغلت علي في البر وش السوات ما قدر انتعها ؟؟ او اقعد اتورط ؟؟

س8/ الاكورد ياباني 100% ؟

اقتباس:

---

س1/ وين الاكورد موديلات 2002وناااازل اقصد ماكانت مشهورة ومرغوبة ,,,,السبب؟؟؟؟

---

موجودة .. لكن الاجيال تتغير ,, والافكار تتغير ..

اقتباس:

---

س2/لاحظت على الاكورد انها تبطي ماتشتغل واصطباتها بعضها عوراء وفيها تصفير قوووي مدري
وشو ؟ طبعا بعد كرفها 4او5سنوات ؟؟؟

---

ملاحظتك قد تكون على 4 سيارات .. هذا لا يعني انة الـ 40.000 سيارة الباقية فيها مشكلة !!
الاصطبات ما تكون مصفرة او لونها متغير الا اذا كانت تجارية ..
الاصوات !! يمكن الشخص مو مهتم بسيارتة .. هذا لا يعني ان كل السيارت فيها اصوات ..
بالنسبة للتشغيل .. الهوندا اسرع سيارة تشتغل وتحمي خلال 3 دقائق ونصف في عز البرد !!!

اقتباس:

---

س3/الاكورد تعيش 10سنوات اواكثر كرف وسفريات او لا ؟؟بدون مجاملة؟؟

---

واكثر بعد .. واحد من اخوياي معة للحيل موديلين 1995 و 1889 وكلهم ماشيات فوق النصف مليون كيلو متر .. وخل الاعضاءيجون ويفيديونك باللي عندهم ..

اقتباس:

---

س4/عندكم مقارنة بين قطع الاكورد وسيارة يابانية اخرى ابي اشوف الفرررق ؟؟

---

قطع الاكورد تجي يايانية من اليايان .. هذا اللي متأكد منة ..مالي خبرة بالسيارات الثانية .. لكن من سأل ما يتهش ..

اقتباس:

---

س5/هل السيارة حساسة يعني لو شلت مطب قوي تتأثر او مثلها مثل السيارات الاخرى؟؟

---

وش دعوا !!

الله يذكر سياراتي بالخير .. بر بحر جو مطبات ارصفة .. وبعد كل غلطة اوديها صيانية عادية وكأن شيءاً لم يكن ( كل 10.000 اقصد)

اقتباس:

---

س6/المحلات يبيعون قطع غيار ؟ او وكالة بس ؟ والورش يسمكرون الهوندا ؟؟؟

---

حسستني انها مايباخ .. اية .. تلاقي محلات قطع الغيار في كل مكان .. لكن انصحك بالوكالة وفروعها للقطع الاصلية .. لأنك زي ما انت عارف .. الذمة هاليومين اي خدمة !! :)

اقتباس:

---

س7/القير الاتوماتيك للاكورد حساس؟؟؟واذا ماشتغلت علي في البر وش السوات ما قدر انتعها ؟؟ او اقعد اتورط ؟؟

---

قد طعست بموتري في البر ,,, لكن بحياتي ما قد سمعت انهم ينتعون الاوتو !!
ولو ان القير خساس .. ما كانت دول الخيلج تعطي ضمان مدى الحياة ع المكينة والقير !!!

اقتباس:

---

س8/ الاكورد ياباني 100% ؟

---

100% لكن اعتقد انها 95% التفصيل من الاعضاء اللي خبرتهم اكثر ..

دمت بود عزيزي ومرحباً بك بيننا .. ومبروك عليك الشهر مقدماً

ولله السيارات الهوندا قويه مثلها مثل التيوتا والنيسان لا بعد الهوندا احسن من النيسان بس مشكلتها وعدم شهرتها انها ما تصنع سيارات للبران(جيوب) بس انا متاكد انه لو تصنع سياره للبران
كان مثلها مثل التيوتا
لان سياراتها الصغيره قويه
ومكيفها بارد
وابد ما ترتفع الحراره
والله
واقولك
انه انا صارلي سنتين استعمل سيفك ومرتاح وزي الفل
وجه يوم سيارت الوالد خربانه (فورد اكسبتشون2007)
قلت للوالد قلتلك يايبه خذ يباني احسن بس ما تطاوع
ويوم ماخربت سيارته اخذ سيارتي وراح العمل فيها
والله انه جاني وقالي السياره خربانه
قلت وشفيه الوالد اي شي يطيح في يده
يخترب
والله رحنالها بعدين وقرناها
لان الوالد الله يسلمه يدق سلف والمكيف شغال
والله اقولك قرناها وهي للحين شغاله من اسبوعين والبطريه بعدها
و سيارت الوالد نفس الشي قرناها
بس رجعت طفت عليه
وشالها على سطحه تخيل سياره 2007 على سطحه
والله فشيله

يعني هذا دليل على ان السياره تضل على حسب استخدام السائق
لا ودليل على انه الياباني(الهوند) افضل من الامريكي(الفورد)

بسمه تعالى :

كوكو كورد

فعلأ تستحق الأفضل فالأفضل و مرحى لقلب المنتدى النابض ^_________^

كتجربة شخصية :


الكامري : سرعة .. هدوء .. نعومة تعليق .. تصميم مدمج ذكي .. من أفضل أجيال الكامري من حيث تحقيق الراحة القصوى لقائد المركبة و تفعيل مبدأ قد و تفاعل مع الطريق >>>> و لكن لم يحقق مبدأ الجودة القصوى بالنسبة لصلابة الهيكل و التعليق الخفيف نسبيآ مقارنة بالسيارات المنافسة .


الأكورد: فخامة.. قوة هيكلية متناسقة مع الوزن.. سرعة رهيبة خاطفة و بخاصة مع المحرك V6 .. تعليق رياضي مرن ..رساوة و ثبات خطي تتفوق به عن باقي السيارات المنافسة ..تصميم جريء مشتق من أفكار مهندسي هوندا المعاصرين للعصور القديمة و الحديثة .. جودة تحدث عن نفسها و لا حاجة لنا لقول المزيد.

كامري : حققت إنتشارآ لكن لم أحقق تميزآ تتحدث عنه الأجيال

http://static.howstuffworks.com/gif/...2081990003.jpg

الأكورد: من يريد المنازلة فله الطريق و لي البريق

http://farm3.static.flickr.com/2156/...463b40a412.jpg

اقتباس:

---

بس لو خيروني بين نيسان وتويوتا أخترت تويوتا نيسان مدري وش يبي ! ماعجبني !!

---

اخوي انا العكس لو خيروني بين الثنين نيسان وانا مغمض والسبب المحرك+ المواصفات+السعر المعقول+ الجودة في تطور وعلى سبيل المثال (التيما 2005و2008) الإنتشار السريع لصالح 2008 .

اقتباس:

---

س1/ وين الاكورد موديلات 2002وناااازل اقصد ماكانت مشهورة ومرغوبة ,,,,السبب؟؟؟؟

---

ماكانت مشهورة ومرغوبة لكن كان انتشارها معقول نوعاً ما لكن مايقارن بالموديلات من 2003 -2007 وبخاصة 2006-2007 بصراحة الاحظ ادمان عليه واتوقع السبب الشكل المريح .

اقتباس:

---

س2/لاحظت على الاكورد انها تبطي ماتشتغل واصطباتها بعضها عوراء وفيها تصفير قوووي مدري
وشو ؟ طبعا بعد كرفها 4او5سنوات ؟؟؟

---

انا لحد الآن لم الاحظ هذا الشيء نهائياً .

اقتباس:

---

س3/الاكورد تعيش 10سنوات اواكثر كرف وسفريات او لا ؟؟بدون مجاملة؟؟

---

اكيد ولو تبغها تعيش اكثر حافظ عليها بالصيانة الدورية وراح تعيش لك وللزمن

اقتباس:

---

س4/عندكم مقارنة بين قطع الاكورد وسيارة يابانية اخرى ابي اشوف الفرررق ؟؟

---

القطع الإستهلاكية للاكورد رخصية ، البودي ممكن يكون غالي هذا اتفق معاك فيه .

اقتباس:

---

س5/هل السيارة حساسة يعني لو شلت مطب قوي تتأثر او مثلها مثل السيارات الاخرى؟؟

---

اكيد هناك مفأجآت في الطريق مهما كانت المحافظة والحمدلله لم احس بأي حركة بالديكور او خرابات مفأجاة .

اقتباس:

---

س6/المحلات يبيعون قطع غيار ؟ او وكالة بس ؟ والورش يسمكرون الهوندا ؟؟؟

---

الورش يسمكرون الهوندا ، ولست متأكداً من المحلات لكن كأنه مر علي محل لكن الوكالة اكيد تبيع .

اقتباس:

---

س7/القير الاتوماتيك للاكورد حساس؟؟؟واذا ماشتغلت علي في البر وش السوات ما قدر انتعها ؟؟ او اقعد اتورط ؟؟

---

اخوي القير تماااااااااااااام وانا العب به لعب ، وفيه 1 و 2 تستخدمها في المواقف الحرجة لكن السيارة صنعت للتغني بجمالها مو للبر .

اقتباس:

---

س8/ الاكورد ياباني 100% ؟

---

هذا شيء اكيد مادام انها بأيدي يابانية .

تحياتي لك اخوك دحــــــــــــــــــــــــــــــــــوم ;)

س1/ وين الاكورد موديلات 2002وناااازل اقصد ماكانت مشهورة ومرغوبة ,,,,السبب؟؟؟؟
بالعكس كانت مشهوره والكل يعرفها وكانت جودتها بصراحه مو معقوله وصرفيتها مو معقوله ...
س2/لاحظت على الاكورد انها تبطي ماتشتغل واصطباتها بعضها عوراء وفيها تصفير قوووي مدري
وشو ؟ طبعا بعد كرفها 4او5سنوات ؟؟؟
الاكورد تشتغل بس مع الزمن تبطي شوي بس ما يضر شي والتصفير هدا في الموديلات القديمه ...
س3/الاكورد تعيش 10سنوات اواكثر كرف وسفريات او لا ؟؟بدون مجاملة؟؟
بصراحه الاكورد ملك الياباني بدون مجامله في الجوده انا صاحبي معه 98 جديده وشغال عليها مشاوير بس لا تبخل عليها في القطع
س4/عندكم مقارنة بين قطع الاكورد وسيارة يابانية اخرى ابي اشوف الفرررق ؟؟
الاكورد قطعها الاستهلاكيه مثل اي سياره لكن قطعها في المحركات والعضلات فيها غلاء ولكن ما تخترب بسهوله او بالاحرى ما تخترب الا بالموت ...
س5/هل السيارة حساسة يعني لو شلت مطب قوي تتأثر او مثلها مثل السيارات الاخرى؟؟
لا والله عضلاتها حلوه بس طبعا ما نقدر نقارنها بتويوتا في العضلات تويوتا ملك الياباني في العضلات وبكل صراحه مع اني من محبي هوندا
س6/المحلات يبيعون قطع غيار ؟ او وكالة بس ؟ والورش يسمكرون الهوندا ؟؟؟
المحلات عندنا بالقطيف محل شعبان . يبيع قطع غيار اصليه وتجاريه والورش يسمكروها
س7/القير الاتوماتيك للاكورد حساس؟؟؟واذا ماشتغلت علي في البر وش السوات ما قدر انتعها ؟؟ او اقعد اتورط ؟؟
القير الاوتوماتيك للاكورد قوي لا تلعب فيه واعطيك ضمان طول العمر عليه وانشالله ما تنحط في موقف كدا ..
س8/ الاكورد ياباني 100% ؟
الاكورد ياباني كامل واحيانا تجي قطع ياباني وتجميع امريكي

:)
اتمنى اكون وفيت معاك

اقتباس:

---

س1/ وين الاكورد موديلات 2002وناااازل اقصد ماكانت مشهورة ومرغوبة ,,,,السبب؟؟؟؟

---

السبب كله في تفكير الشعب السعودي ومبدأ (مع الخيل يا شقرا) !!

فيه واحد قبل 100 سنة نشر اشاعة ان هوندا قطعها غالية وخراباتها واجد ومن ذاك الوقت والناس مصدقين هالاشاعة ويشوفون انه من الارخص لهم انهم يشترون مرسيدس وبي ام ولا يتوهقون مع سيارات هوندا

اتمنى وصلتك الفكرة .. ولا السيارة من قبل ذاك الوقت وهي محافظه على جودتها
ولو تلاحظ في ذاك الوقت بعد ما كان يا خذها الا قلة من الناس ومن ندرتها في الشوارع الصراحة كنت اشوفها مثل البي ام

^^^

وجهة نظري الشخصية
يعني لحد يجي يعلّق واللي مو عاجبه كلامي يضرب راسه في الحيطه !!

اقتباس:

---

س2/لاحظت على الاكورد انها تبطي ماتشتغل واصطباتها بعضها عوراء وفيها تصفير قوووي مدري وشو ؟ طبعا بعد كرفها 4او5سنوات ؟؟؟

---

ولو اني اشوفه شي ما يذكر لكن من ناحية التأخر في التشغيل معك حق
بس مثل ما قالك كوكو كورد .. في التسخين ما شاء الله ما تاخذ وقت

وسالفة الاصطبات والانوار هذي ترجع لاهتمام راعي السيارة

س3/الاكورد تعيش 10سنوات اواكثر كرف وسفريات او لا ؟؟بدون مجاملة؟؟

بدون مجاملة وعن تجربة ..

كان معي اكورد 2004 ستة سلندر مشيت بها 200 الف كيلو كلها مطامرة وكرف وسفريات

صحيح عانيت منها في بعض المشاكل والعيوب المصنعية لكن بعد ما صلحتها ولله الحمد ارتحت مع السيارة وخدمتني حول 3 سنوات ونص حتى قدر الله علي بحادث وراحت تشليح

بصراحة رغم المشاكل اللي مرت علي فيها لكن اقدر اقول لك انها سيارة تستحق الاقتناء ، سيارة لك وللزمن ووين ما تروح بها ما شاء الله ما تخذلك . واحب اقول لك ان كل تفكيري بعد الحادث كان في اكورد ثانية ..

اقتباس:

---

س4/عندكم مقارنة بين قطع الاكورد وسيارة يابانية اخرى ابي اشوف الفرررق ؟؟

---

من ناحية الاسعار ممكن اقارنها لك بقطع الميتسوبيشي والسوبارو
ومن ناحية الجودة فأحب اقول لك بإذن الله (تركب وتنسى) الا فحمات الفرامل الاحظها سريعة الاستهلاك

اقتباس:

---

س5/هل السيارة حساسة يعني لو شلت مطب قوي تتأثر او مثلها مثل السيارات الاخرى؟؟

---

بالعكس ما شاء الله اشوفها اكثر سيارة متماسكة وكأنها قطعة وحدة
مع الاكورد ان شاء الله ما تحتاج لشي اسمه (تربيط)

اقتباس:

---

س6/المحلات يبيعون قطع غيار ؟ او وكالة بس ؟ والورش يسمكرون الهوندا ؟؟؟

---

القطع الاستهلاكية واللي عليها طلب تنباع في المحلات بس في اغلب القطع الكهربائية مالك الا الوكالة
ومن ناحية الورش خذها لاي ورشة الدعوة كلها شاكوش ومعجون ما فيه جديد !!

اقتباس:

---

س7/القير الاتوماتيك للاكورد حساس؟؟؟واذا ماشتغلت علي في البر وش السوات ما قدر انتعها ؟؟ او اقعد اتورط ؟؟

---

قير الهوندا من اقوى القيور بس لاحظت موديلات 2002 ونازل فيها مشاكل اما الموديلات التالية ما شاء الله ما عليها خلاف
واذا شايل هم النتعه والبر خذ لك قير عادي بس لا تتحمس واجد لان الاكورد ماهي من فصيلة الجيوب !!

اقتباس:

---

س8/ الاكورد ياباني 100% ؟

---

ما فيه اي سيارة تقدر تقول انها يابانية 100% لا الهوندا ولا غيرها

شركات السيارات غالباً صارت تتخصص في تصنيع المكينة والقير وبعض القطع والانظمة في السيارة
والباقي تجميع من شركات ثانية لها مصانع حول العالم يعني ممكن تلقى في السيارة 100 صناعة

في الاكورد مثلاً المسجل من شركة ألباين او باناسونيك
نظام التكييف والتبريد من شركة دينسو
فلتر الزيت من شركة هوندا لكن صناعته كانت امريكية واللحين صارت يابانية

وغيرها الكثير

لكن في الاخير تبقى الجودة في اليد العاملة اللي تجمع القطع هذي مع بعضها
والاكورد سيدان بكل فخر ما زالت تجمع في اليابان

مشكووووووووووووورين تعبتكم معي بس الاكورد فيها شئ عاجبني تجلس 5 سنوات والسيارة نفسها مع بعض التغيير البسيط

بس ليش الاكورد 2005تغيرت وش السبب >>>>>>> ضاق صدري على الي شارين 2005 !!

اخاف يسووون نفس الحركة في 2010 او 2011 تتوقعون يسونها ؟؟؟؟

وبالنسبة للطبلون ليش صار اخضر وشكله عايدي يعني وشلون الزينون مافيش !!!

الأكوووورد والكامري

تتغير في الشكل مع بعض التعديلات في المواصفات كل موديلين

أما

ألتيما

تتغير كل 4 موديلات

بس أنا أقلك

:cool:أكورد 2004 و2006

لا زالت مرغوبه:)

الاكورد الي اعرفه 5سنوات بس ليش غيرو موديل 2005

ياخوفتي يغيرونها في 2010

الاكورد تتغير كل خمس سنوات اما التغييرات الي تجي فيها في الجنوط و حاجات بسيطه اكسسوارات اما عن شكلية 2006 تغيرت خلفيتها بسبب الانتقادات الواضحه لخلفية المديل الي قبلها بس هدا الشكل ما اتوقع يتغير لانه بصراحه رهيب وانت لو تلاحظ هوندا هي الشركه اليابانيه الوحيده الي تنزل كل موديل افضل من الثاني واحلى من الي قبله .. مثلا تويوتا كامري من 98 الى 2002 كان حلو لكن من 2003 الى 206 كان ميح كليش والكورلا الجديده ولا شي عند الي قبلها اتمنى وصلت لك المعلومه واسف على الاطاله :)

اقتباس:

---

المشاركة الأصلية كتبت بواسطة د. تعليمات

الاكورد الي اعرفه 5سنوات بس ليش غيرو موديل 2005

ياخوفتي يغيرونها في 2010

---

نجاوب السؤال بسؤال اخر ..

ليش الكامري 2003 نفس 2004 ؟؟
ليش 2005 تغيرت الاصطبات والشمعات واظن اضافو درج عند القير ؟؟
ليش 2006 حطو اشارة (تلفيق من ابو جميل ) على المراية ؟؟

سياسة هوندا دائماً ومن فترة طويلة:
- التغيير اكللي كل خمسة سنوات
- التغيير الجزئي بعد مضي ثلاثة سنوات على الشكل

أكبر مثال الفرق بين أكورد 2001 و2002
وسيفيك 98 و 99

تغيير الأكورد بناءً على ذلك في 2011

اقتباس:

---

المشاركة الأصلية كتبت بواسطة B Unique

فلتر الزيت من شركة هوندا لكن صناعته كانت امريكية واللحين صارت يابانية

---

طـيب فيه عند البناشر فلاتر ميد ان جابان.. يابانيه وفلتر الوكاله ميد ان usa

وش رآيكـم ..

^^ اشتر حق الوكالة Usa واشتر درزن بعد ..

من يوم ماعرفت الوكالة وهم يبيعون Usa
قبل فترة شي كذا 4 شهور !! قلبو ياياني مثل ( التجاري اللي عند البناشر بالضبط !!! ) انا صراحة انصدمت ... الحين الوكالة يحذرون من التجاري اللي عند البناشر (الياباني) والحين هم يبيعونة !!!! مش معؤووول ..

فلذلك ... اذا لقيت الاصلي اللي نعرفة Usa خذة وخذ منة درزن لك وللزمن ...

مشكورين يعطيكم العافية ,,,,,

اقتباس:

---

المشاركة الأصلية كتبت بواسطة فقير الحظ

طـيب فيه عند البناشر فلاتر ميد ان جابان.. يابانيه وفلتر الوكاله ميد ان Usa

وش رآيكـم ..

---

انا ومصعب كنا سوا وشرينا فلترين من الوكالة كلها يابانية مثل اللي عند البناشر
وسألنا عند النعماني وقالنا ما عاد فيه امريكي

أهم شئ ماترتفع درجة الحرارة في الخطوط الطويلة >>>>>> اكره هالنوع من السيارات !

^^^

عندي احساس انك تبي تسولف بس !!

اذا ما عندك اي مشكلة ان شاء الله ما ترتفع الحرارة
وش تحسبها انت ؟ فورد ؟!

هههههههههههههههههههههههه عصب بي يونك

يحق له

الرجال نشب حلقه هو والشباب وردود طول وعرض ثم تجي تشطح بهيك اسئله

ج1

انا معي اكورد 1998 ما شاء الله تقول وكاله

والاجيال غير

اقتباس:

---

المشاركة الأصلية كتبت بواسطة b Unique

^^^
عندي احساس انك تبي تسولف بس !!
اذا ما عندك اي مشكلة ان شاء الله ما ترتفع الحرارة
وش تحسبها انت ؟ فورد ؟!

---

صدقني .. الشماتة نهايتها بشعة !!! ;)

قل ميركوري .. قل لينكولن ... الا تقول فورد !!!