عرض للطباعة
السلام عليكم
شباب عندي مشكلة بالأكورد حقتي 2005
منفذ الولاعة الكهربائي .. والمنفذ الثاني اللي داخل الدرج الأوسط .. صارت ما تشتغل ..
وأساس خرابها إني شبكت سلك مكينة تعبئة الهواء في منفذ الولاعة .. وبعد ما فصلته .. ما عاد المنفذ يشتغل .. لا مع شاحن الجوال ولا مع الكشاف ولا مع المبخرة ولا مع مكينة الهواء ( تعداد الأجهزة حتى لا يقول لي واحد يمكن المكينة انحرقت لأنها اشتغلت في سيارة أخوي الفورد )
إيش المشكلة ووين الحل ؟؟
يعطيكم العافية .
اخوي انسان
شيك على الفيوز .... يمكن تكون المشكلة منها .
طيب أخوي اتش
إيدي في زنارك
وين علبة الفيوز
ووين فيوز الولاعة
تراني ما أعرف إلا إن الفيوز اللي منقطع من النص هذا يبغاله تغيير :d
يا ليت لو تقدر تحدد لي وين علبة الفيوز ووين الفيوز تحديدا ما عليك أمر
لأني لو رحت ورشة
قال أووووووووووووووه بابا
مسكلة كبير
خلي سيارة وبكره انا في يشوف
الله يعطيك العافية
يعطيك العافيه اخوي اتش :cool:
اخوي انسان علبة الفيوز عند دعاسات البنزين و الفرامل على اليسار
فك الغطاء و شف فيوز الولاعه رقم 9 << شفها من قائمة الفيوز على الغطاء
غيره بواحد 15 امبير و ان شاء الله بتشتغل الولاعه
أخوي accord 06
الله يعطيك العافية وجاري العمل على إصلاحها ..
دمتم بخير
لاتنسى ;)
علمنا وش صار معاك :d
والله مريت على أقرب محل قطع غيار
طلبت علبة فيوز
قالي في تايواني بـ 4 ريال ( أخبرها زماااااااااان بـريالين )
وفي أصلي أمريكي بعشرة
أخذنا الأصلي الأمريكي مع إني مقاطع المنتجات الأمريكية :d
لكن التايواني خايس حتى علبته تسد النفس ..
أما التركيب فربك يحلها
يبغالها فضاوة
أحسها مشروع أقولب راسي عند الدعاسات .. وما دامت الدعوة فيوز الله لا يهينها تنتظر حتى يروق الراس
هذي تفاصيل حكايتي
صارتلي هالمشكلة قبل كم يوم
ورحت لكهربائي وبدلي الفيوز بربع دينار .. يعني ((ثلاث ريالات)) :d
ومثل ماقالولك الاخوان مكان الفيوز عند دواسة البانزين
واحترق لأني ركبة على الطفاية شاشة وجهاز ديفيدي وجهاز صوتي ((زين ماانفجرة السيارة )) ههههههههههههههه
أبشركم يا شباب
حلينا مشكلة الفيوز
ورجعت السيارة مثل العروسة
يعطيكم العافية شباب
----------------------
أخوي S c O r P i O n
تصدق إني حولك ..
شاحن الجوال ما ينفصل من الولاعة .. وإن فصلته عشان أركب المبخرة ..
تصدق يمكن احتراقه من الجهد اللي عليها ..
يسلم مرورك أخوي