اخواني ما ابي أطول عليكم. . بسألكم عن4 سلندرفل
1_كم مدة ضمان السيارة؟
اعتقد لين 60 الف و ان شاء الله الشباب يفيدوك اكثر
2_هل الوكالة تركب زينون للفل 4سلندر؟؟
لا ........و حتى اذا تبي تركب زينون الـ 6 سلندر عندهم ما راح يركبوه
3_كم تفليلها بالبنزين91؟ وكم تمشي
مدري والله ,, اهل الأكورد يفيدوك ,, لكن انصحك تفللها بـ بنزين 95
4_وش المقصود بالمكيف الاكتروني؟؟ ياليت أحد يعطيني فكرة عنه<<قروي جاي من اكسنت هونداي
ابو الفرارات هذا الي مثل الأكسنت هذي يقولوا عنه مكيف عادي للأنه التحكم فـيه عن طريق الدوائر ولا يوجد فيه شاشة للمكيف
و المكيف الإلكتروني هو الي يكون في التحكم عن طريق الأرقام و تكون فيه شاشة خاصة للمكيف ( لا تاخذ مفهوم الشاشة بالشكل الكبير )
و هذا مكيف اكتروني
5_وش رايكم أشريها وكالة ولا من المعارض؟؟وهل هناك فرق؟؟
والله بصراحة الي تشوفه انت دربك خضر اخذه ,, :cool:
6_أنا ما راح آخذ عرض الصيانة فوش رايكم كل كم أسوي لها صيانة عندهم وبكم سعر الصيانة للمرة الواحدة؟؟
اممم عندك الـ 20 ألف و 40 الف هذول بالنسبة لـي اعتبرهم ضروريه و اما عن الباقي مدري والله للأن بعده موتري ما كمل فوق 50 الف ولا تنسى تغير الزيت و السيفيون
7_تغيير الزيت بغيره عندهم عند 1000 كيلو بس. . . وهمن بشري زيت هوندا وسيفونات وغيره من برى حلو كذا؟؟
أحلى من الحلو و أرخص من الوكالة بعد ,,, و انا دائما اغيره في الورشة و ما قد رحت الوكالة عـلى شأن اغير سيفيون و زيت :)
8_بالنسبة للوحة هل أقدر احصل على لوحة شبة مميزة من عندهم؟؟
ما اظن ,, لكن انت و حظك احتمال 0.11%
وأخيرا هل تتوقعون يكون فيه تغيير بشكل الهيكل2011؟؟
الله اعلم
ولكم كل الشكر والتقدير
