تم اصلاح طرمبه الدركسون

السلام عليكم

تم اصلاح طرمبه الدركسون اليوم .في صناعيه الخبر .لدى ورشه .. (هنود) وهذا اهم شي انه مب بويمن :mad: ..
الورشه لوحتها honda اسمه االماجد تقريبا .. وتخصص في الهوندا ..
المهم شريت الأصلاح ب 75 ريال من محل في الثقبه ..
الوكاله ماعندها الأصلاح ناقص seal عندهم .. وكذا محل نفس الشي .. بس هذا قالي بجيب لك وصدق وجاب لي بعد يوم عشان زبون عندهم انا .. :) :d,,
وشريت البواجي من الوكاله عشان غيرتهم مره وحده ب 290 اخذتهم .. تقريبا ..

المهم عطاني ضمان 3 شهور ... حطيت السياره عنده الساعه 11 ..واخذتها 2 ..

والسعر 150 ريال ..
وشغله نظيف ...

وشباب احيانا الطرمبه تطلع صوت .. احيانا يكون فيها هوا ..مب تروس تحك :d للفايده يعني اقولها لكم

وبس :d

ماشالله
مبروك ولله

ماشاء الله مبروووك خيو

ان شاء الله اخر الاعطال

وشباب احيانا الطرمبه تطلع صوت .. احيانا يكون فيها هوا ..مب تروس تحك :d للفايده يعني اقولها لكم
فعلا انا سويت اصلاح دوده دركسون علما اني قبل فتره سويت اصلاح للطرمبه ولاكن بعد اصلاح الدوده لما الف الطاره يطلع صوت فلما رحت للورشه قالي لازم تغير الطربمه فله هذي مضره ؟ وشكرا لك اخوي ومبروك على الاصلاح :)

اخوي الله لايهينك هل الصوت الي يطلع من طرمبة الدركسون اركب لها اصلاح يعني

لأني سويت اصلاح للدوده ونفس الشي الصوت موجود ؟؟

الي ابي اعرفه هل الصوت راح بعد ماركبت اصلاح طرمبة

شوف هالموضوع فديتك ؟؟

http://www.hondaarabia.com/club/t44376/

ربي يبارك فيكم شباب

بأختصار شباب الي عنده الطرمبه تطلع صوت هي وحده من ثنتين .. (واحد عندهم ورشه قالي ..احيانا يكون فيها هوا داخل على النظام .. ولازم اذا بتسوي اصلاح تطلعه .. والثانيه, الصوت يطلع بسبب احتكاك التروس وهذي لازم تغير كامل طبعا ..

بيض الله وجهك حبيبي مشكوور

خطأ

انا غيرتها بنفسي والصوت اللي يطلع مثل الاحتكاك هي صوت الرمان اذا ما ركبه صح او ركبه غلط او حتى اذا ما استبدل لانه المفروض يستبدل

والاصلاحات عشر قطع باعطيكم ارقامها ونوعها كلها باذن الله


التغيير لابد يكون كامل الاصلاحات العشر

بالنسبة لطرد الهواء سهل فقط عبي زيت وفك واحد من الليات وخلي الزيت يمشي في النظام ويطلع الزيت كامل من جهة اخرى وكانك تسوي تنسيم للفرامل وكذا انت طردت الهواء الا اذا فيه خلل اصلا في دودة الدركسون

اخوي بلال انا ضبطت اصلاح للدوده

بس ايضا الصوت احسه يطلع من الطرمبه الي فوق مو الي تحت

واذا شغلت السياره احس بصوت غريب كنه يطلع من جهة الطرمبة

بالله رايك اغير الطرمبه كامله او بس اصلاح او فحمات ولا ايش ؟؟

وبعد اللفه يسار عندي صارت قصيره هل يوجد وزينه خاصه للدوده ولا كيف ؟؟

بالله افدني بحكم خبرتك ماشاء الله عليك وربي يسعدك ويوفقك دنيا واخره

كم عدد قطع الاصلاح اللي شريتها ؟؟؟

انا اشتريتهم وهم عشر قطع مع الرمان


بالنسبة للصوت يطلع اذا ما غيرت الرمان او تم تركيبه بشكل خاطيء


بالنسبة للفة لليسار قصيرة بسبب وزنية الاذرعة تحت وروح ميزان العضيب وقول له

مقدار اللفة لليسار هي 2.15 في موديلات الـ 2008

ولليمين كذلك هي 2.15 يعني لفتين وربع لموديلات 2008

يعني من المنتصف المفروض لفتين وربع لليمين ولفتين وربع لليسار هذه هي وزنية الاذرعة المضبوطة اما الدودة ما لها علاقة بالموضوع هذا الان

بخصوص الطرمبة اخبرني كم قطع الاصلاح اللي شريتها وايش وصف الصوت اللي تسمعه؟؟

بيض الله وجهك

انا الدوده عندي كان تنسيم فيها وخلاص ضبطت

الطرمبة لحد الآن ماغيرت فيها لا اصلاح ولا شي

انت تنصحني اغير القطع العشر الي قلت يابعدي صح ..؟؟

انت تقصد القطع العشر تكون بالطرمبة الي فوق صح ؟؟

اقتباس:

---

المشاركة الأصلية كتبت بواسطة عمري الأكورد

بيض الله وجهك

انا الدوده عندي كان تنسيم فيها وخلاص ضبطت

الطرمبة لحد الآن ماغيرت فيها لا اصلاح ولا شي

انت تنصحني اغير القطع العشر الي قلت يابعدي صح ..؟؟

انت تقصد القطع العشر تكون بالطرمبة الي فوق صح ؟؟

---

ايه نعم اخوي القطع ربلات بلاستيكية ورمان

اقتباس:

---

المشاركة الأصلية كتبت بواسطة بلال العلمي

ايه نعم اخوي القطع ربلات بلاستيكية ورمان

---

بيض الله وجهك وعساك ع القوة ياخوي

مشكور والله يكثر من امثالك

موضوع ممتاز ونستفيد منه

حبيت اسال اخوي بلال كم سعر الاصلاح حق الطرمبة بالرمان

وين مكان ورشة الماجد اللي بالثقبه ؟؟