مشكلة تعليق النور

سلام عليكم
المشكله عندي في تعليق النور العالي وسبق غيرت علبة الفيوزات من التشليح 700 ريال الان رجعت المشكله ابي الحل :(

وعليكم السلام

شف موضوعي تقدر تصلح التعليق بـ 50 ريال ... وأنسى شيء أسمه " تعليق "

أنا سيارتي كان العالي ( يعلق ولا يطفى إلا اذا شلت فيوز النور العالي ) يمكن لأني مركب شمعات نور قويه 100watt بالعالي و 70watt بالواطي

وأظطريت أشيل فيوز العالي وصرت ما أستخدم العالي لأني شلت الفيوز حقه.. ومليت وقلت لازم ألقى حل للعالي مهب حاله قاعد بدون عالي وكل شوي واحد يلف عليك ولا تقدر تكبس عليه .. واذا جيت اكبس على احد اطفي النور الواطي و اشغله ولا نفع ما ينتبهون

والحمد لله بعد البحث الطويل والتجارب لقيت حل للمشكله
و الحين استخدم العالي كثير ولا عمره علّق ومن احلى ما يكون

أقرأ الموضوع كله
تجربتي نجحت بحمد الله ( حل مشكلة تعليق النور العالي بـ 50 ريال )


1) ركّب كتاوت وظفيره صفراء تايوانيه عند محلات الزينه .. سعرها يتراوح بين 40 إلى 45 ريال .. والتركيب بـ 10 ريال

مكتوب عليها MADE IN TAIWAN مصنوعه في تايوان .. انتبه من الصيني لا يقربك .. التايواني أحسن وأفضل من الصيني

http://store2.up-00.com/June12/yuD66561.jpg

http://store2.up-00.com/2013-11/1384301158441.jpg

http://store2.up-00.com/June12/UZ367192.jpg

2) أفياش النور الواطي والعالي جهة اليمين ( الراكب الأمامي ) ما نحتاجها .. لفها بشطرطون كبير أصلي .. لحمايتها من الغبار والأوساخ و الماء والإلتماس لا سمح الله ؛ وثبّتها بشداد عشان تكون ثابته ومحميه ما تجي حول السير أو البكرات وتنقطع
http://store2.up-00.com/June12/qW570145.jpg

http://store2.up-00.com/June12/qPL67653.jpg

3) شل فيوز النور الواطي والعالي جهة اليمين ( جهة الراكب الأمامي ) ؛ عشان يضبط ويروح التعليق وعشان ما يوصل كهرباء لأفياش النور الواطي والعالي جهة اليمين (( لأننا ما نحتاجها ولا راح نستخدمها .. واذا شلت الفيوز ما راح يوصلها كهرباء وبالتالي ما راح يصير إلتماس لو جاها ماء أو الخ... ))

الفيوز هذي تبع ( النور الواطي + النور العالي ) جهة اليمين اللي هي جهة الراكب الأمامي

http://store3.up-00.com/Nov12/SZM54441.jpg

ملاحظه مهمه :

اذا ركبت كتاوت وظفيرة صفراء بدون ما تشيل الفيوز اللي قلتلك عليها = ما راح تنحل مشكلة التعليق

واذا ركبت كتاوت وظفيره خارجيه صفراء + ازالة الفيوز اللي قلتلك عليها = بتنحل مشكلة التعليق


# الكتاوت هذي تسحب الكهرباء من البطاريه وليس من ظفيرة السياره .. وتستخدم أفياش النور الواطي والعالي ( جهة السائق ) لإعطاء إشاره للكتاوت الإضافي بأنه يشغل النور أو يطفيه
# الكتاوت والظفيره هذي بدون تجريح أسلاك .. مجرد أفياش تركبها وتقدر تفكها بأي وقت ولا كأن شيء صار
# الكتاوت هذي تريح فاصل النور وكتاوت النور الشد بلد
# انصح أي واحد مركب أو يبي يركب شمعات نور قويه أو زينون .. بالكتاوت والظفيره الإضافيه

الزينون له كتاوت وظفيره اتوقع لونها أسود
والنور الأصفر العادي له الكتاوت والظفيره الصفراء التايوانيه

فائدة الكتاوت والظفيره الإضافيه .. يصير سحب الكهرباء والضغط على البطاريه وليس على ( ظفيرة السياره + فاصل النور + كتاوت الشد بلد )

طبعا أنا دورت على كتاوت وظفيره جاهزه أمريكيه أو يابانيه .. لكن مالقيت
مافيه إلا صيني وتايواني ..
والتايواني أفضل وأحسن من الصيني

سو كل اللي قلت لك عليه .. وإن شاء الله راح يظبط النور عندك

ولا تنسى تدعيلي : )


اذا سيارتك على الضمان = أنشب للوكاله واذا ما نفع أرسل شكوى لإيميل هوندا باليابان .. ترى اليابانيين ما شاء الله عليهم ردهم سريع ويخلون الوكاله غصب عليهم يدقون عليك ويتفاهمون معك ويحلون مشكلتك

اذا سيارتك منتهي ضمانها = انسى مستحيل يغيرون لك علبة الفيوزات .. عندك حل واحد تركب كتاوت وظفيره تايوانيه بـ 50 ريال .. وشل الفيوز اللي قلتلك عليه فوق

مشكور اخوي بس عندي اسفسار اقدار ارجع اشبك النور جهة الايمن او اخليه مفصوله

اقتباس:

---

المشاركة الأصلية كتبت بواسطة nnnmm

مشكور اخوي بس عندي اسفسار اقدار ارجع اشبك النور جهة الايمن او اخليه مفصوله

---

عفوا

إذا فكيت الكتاوت والظفيره الصفراء .. تقدر تشبك وترجع كل شيء مثل ما كان

اذا ركبت كتاوت وظفيره صفراء ما راح تحتاج أفياش النور الشد بلد ( جهة اليمين .. جهة الراكب الأمامي )

الظفيره لها أفياش تشبك بأفياش النور الشد بلد ( جهة اليسار اللي هي جهة السائق ) واحد للواطي و الثاني للعالي عشان تعطي إشاره للكتاوت الإضافي .. أنه يشغل أو يطفي النور

لكن سحب الكهرباء من البطاريه

ويشتغل النور طبيعي جدا مثل أول بس بدون تعليق

يعني اذا شغلت النور الواطي .. بيشتغل اليمين واليسار

وإذا شغلت أو كبست العالي .. بيشتغل العالي يمين ويسار


ركب كتاوت وظفيره تايوانيه ولا تشيل هم .. أقرب محل زينه يركبها لك بدون جرح أسلاك لأنها أفياش فقط فك وركب .. وتقدر تشيلها بأي وقت

لكن اللي عليك انت أنك تشيل الفيوزين اللي قلتلك + تلف بشطرطون كبير أفياش النور ( جهة الراكب ) لأن ما راح نستخدمها ولا نقدر أصلا نستخدمها

و يفضل تسوي مثلي :

- تركب جرجور " عازل " صغير حق الأسلاك .. أنا شريته من ساكو ؛ يبيعون بالأمتار .. أنا أخذت 3 أو 4 متر بحدود تقريبا 30 ريال
فائدته انه يعزل ويحمي الأسلاك عن حراره المكينه

- وأخذت كيسه صغيره شدادات صغيره للأسلاك تقريبا بـ 10 أو 15 ريال

السلام عليكم
اذا ممشى سيارتك اقل من 120 الف
راجع الوكاله ويغيرونها لك مجانا
انا غيروها لي قبل شهرين تقريبا مجانا