عرض للطباعة
السلام عليكم ورحمه الله وبركاته .
شحالكم يالغاليين ؟ عساكم طيبين
اخواني عندي هوندا اكورد كوبيه 4 سلندر , وحاب يعني اني اغير شكلها
إن كان جنوط او كتات او اكسسوارات
خاصه الجزء الخلفي من السياره مضايقني مااعرف ليش !
الي عنده اشياء يبيعها تعدل شكل السياره او يعرف احد يبيع او عنده صور للسيارات المعدله واوديها للمحلات يظبطونها لي يقولي جزاه الله خير
لان بصراحه حاب اتميز واغير شكلها من ورا لانه مو مريحني وخاصه الليتات !
وشكراَ , بالانتظار
هلا بك اخوي
اذا كانت سيارتك 2008 وفوق .. فعلا اتفق معاك ان شكل ال 4 سلندر ماهو حلو
اقتراح .. لو تركب جناح مثل ال 6 سلندر راح يتغير شكلها
ممكن تركب كنداسة - شكمان ثاني
ولو تحمست اكثر :) ركب جنوط عراض وتطلع سيارتك حلوة
سيارتي 2010 كوبيه 6 سلندر ..
الاضافات الي عملتها
- جناح خلفي ع الزجاجة الخلفية ( لسه ما ركبته انتظر اشتري لاصق قوي من الجهتين ولا حصلت )
- نسافات ( غيرت شكل السيارة وصارت كانها منزله شوي )
الالكترونيات
- حساسات خلفية
- كاميرا خلفية مع شاشة ستيل كول
- كاميرا امامية تتركب في علامة الهوندا الي في الشبك ( بس لسه ماركبتها .. انتظر تخف زحمه العمل واتفرغ لها )