عرض للطباعة
السلام عليكم والرحمه
يآخوان هذا واحد من الشباب قبل شهر مطلع اكورد 09
وقدر الله امس صار عليه حادث وراح جنبها اللي يمين
الرفارف قدام ووراء مافيها شي . بس بيبان يمين انعدمت
رحنا للوكاله قالوا نعطيك البيبان وانت ترشها :mad:
لييش !!
لكن السؤال
وش افضل ورشة للرش واللون الؤلؤي خصوصا
خبركم قهر الموتر ماتعدى 1000 :( ونبي شغل احسن من الوكاله
واذا احد يخبر تشليح الاقي عنده بيبان يمين ياليت يعلمني
انا من القصيم ., ومو مشكله لو التشليح بالرياض
مع العلم تشاليح القصيم مافيها شي كلها اكوردات متقلبه
وبس
في الرياض فيه تشليح حاير محل تشليح خاص بالهوندات
والله شووف يالغاالي انا صاار لي حاادث وصلحتها بالفرااج الون عندهم ضاابطينه بس الباب عندي فيه تهرريب خفيف للهواء
انصحه يشتري الابواب من التشليح
ويفك الي عنده المتضرره ويركب الي اخذهم من التشليح
وصلى الله على محمد
:)
لاهنتو حبآيب قلبي
وان شاء الله بوصي احد يمر تشليح حاير اللي بالرياض يشوف
a.e.a ماتهمني السمكره لأني لو بروح بركب كل شي وكاله
اهم شي الرشه واللمعه ., مضبووطه !!؟
اقتباس:
المشاركة الأصلية كتبت بواسطة كوكو شآنيل
اخوووووووي انا كل شي بدلته وكااله مسمكرتها بس يهررب خفيف مرره ولا الوون ماعليه كلاااام
وانا من رايي تشووف تشااليح الريااض افضل لك
لاهنت يالغآلي وبمرهم ان شاء الله واشوف
ماقصرت
اذا هي اللي شفتها .. حادث على طريق الجامعة .. الظهر .. كورد شبشل لؤلؤي .. الظاهر كان صادمك هلي 2006 << منقهر قاعد يناظر ..
عمووما اللي يعووضك ..
شف يالغالي .. عندك تشليح ابو عبدالله العجلان ..
قبل فتره شفت عندك كورد جاية وجه .. لونة لؤلؤي .. يعني نفس موتر خويك .
شف عنهم .. وان شاء الله تلقى .. ومعووض يالغالي ..
اللهـ يعوضهـ واخر المصايب يارب
اذا بتغير البابين من التشليح غااااالي مرره لانه يبيعه لك كامل مع القزازه والديكورات ومكينه القزاز
تبي رائي رح اشتر الابواب من الوكاله (حديد) ورشهم عند ورشه محترمه
* شف فرق السعر باب التشليح عن شراء جديد ورشه
* اذا تبي ورشه محترمه بالرياض ارسلي ع الخاص
زي ما قال اخوي خذلك باب (حديد) ورشهم وابي اوصفلك ورشة بتشكرني على شغلهم افضل من الوكاله واخوي مطلع سيارته وما قعدت الا اسبوع فقط لاغير وصدم فيها نسيبي وصلحها في ورشة الوفاء في الصناعية القديمة وهم عارضيلك السيارات الي مصلحينها اول ما تدخل عندهم وبالعربي شغلهم تمام التمام وما عليه كلام وانت براحتك وأولا واخيرا الحمدلله على السلامه
التشليح يبيعلك الباب الواحد كامل من غير ماينقص منه شي ..
والاسعار من 4500 وفوق ..
احس ان ورشة الوفاء متعلمين بمصانع المرسيدس
الف الحمدالله على السلامه أخوي
يااخواني انا اشوف التشليح افضل اذا الشركه مابترش .
واذا الشركه تقولك مانرشها فالغير من باب أولى.
*لاتستعجل ياكوكو وعليك بالتمشايه عصريه ع التشاليح لو باب واحد تلقاه وكويس صاغ سليم خذه شهر ماطابلك رده.
*طيب الوكاله ترش السياره كاامل ولاا ؟؟
*طيب فرووع ثانيه نفس الهرجه ؟
اخوي ورشة الكرامة انا جربت عندهم صراحه تمام والعمالة فلبينة وراعي البوية تركي له خبرة وهو قديم بالورشة وانصحك فيها من اخوك مجرب الموقع الرياض الصناعية القديمة الرقم الورشة (014466504)
ايه هذا هو الحادث ., السياره ماتعدت 1000 تخيلاقتباس:
المشاركة الأصلية كتبت بواسطة aen alshqa
وانا مريت ابو عبدالله وحصلت اللي تقول جايها وجه بس
بس قالي انه يقيمها بس وبيبيعها كامله :( الله يسلمك خيو ماتقصر
لاهنتوا كلكم حبايب قلبي
انا حاولت اقنع راعي الموتر بأني انا اخذ موتره للرياض اصلحه هناك
بحكم اني فاضي :$ .. بس قال ليش القروشه . وطلب بيبان من الوكاله ودخلها بورشه محترمه عندنا
خصوصا اني ماحصلت بيبان بالتشليح ., لاهنتم جميعا ., مانستغني :)