عرض للطباعة
السلام عليكم ورحمة الله وبركاته
اخواني في اعضاء عنده اكورد2013 من فئة الجلد كيف يكون في الصيف لان انا اوقف السيارة في الشمس والسيارة مخمل ويحرق ظهري حرق
وعندي اسئلة
انا اقول ليش شركة هوندا ماتضيف ميزة التبريد ؟؟؟(حتى الاكورا مافيها ومتاكد ميه بالميه)
كيف يكون الجلد لمن تكون في الصيف ؟؟؟(هل يحرق ولا اركب ميزة التبريد من محل تنجيد
وسؤال هل فيه اكورد مخمل 6 سلندر مثل سابقاتها
وانا مقبل على الاكورد انشاء الله بعد كم شهر وانشاء الله من فئة 6 سلندر العادية
إذا كان المخمل يحرق ظهرك فالجلد يشويه على فحم :d
انا اللي معي فئة الجلد واوقفها عند بيتنا وعند العمل في الشمس ولا تحرق ظهري انا مضلل تضليل عازل ب 200 ريال
يعني اخوي افضل حل التضليل العازل للحرارة بس انت تقول سعره 200 ممكن تقول وين المحل
هلا بك اخوي
سيارتي .. جلد أسود ..
أكيد في حرارة من الشمس .. بس بالنسبة لي عادية ..
نفس الاخ الي قبل مضلل عازل وحافظ دائما على وضع المظلة ع الزجاج الامامي لانها بالفعل تخفف حرارة الطبلون والدركوس وايضا الكراسي
الا لو كانت المشس من الجوانب طبعا :d
ركب تظليله عازل كوري 01 سوداء ؛ تكلف تقريبا 80 ريال ( اذا سيارتك حاليا بدون تظليله )
أما اذا فيها تظليل بياخذون فلوس على فك التظليله وتنظيف بقايا التظليله القديمه .. أصلا ميزة العازل أن فكه سهل ولا يترك آثار إلا في بعض الأحيان ( أنا الجوانب فكيتها بنفسي ؛ والتظليله حقت الزجاجه الخلفيه لازم هم يفكونها ويقشرونها لأنها رايحه فيها من الشمس )
وبالأمام اشتر شماسه على ذوقك .. لكن خذ كبيره عشان تغطي كل القزازه الأماميه
وإن شاء الله تحس بفرق
طبعا الجوانب من الداخل .. والقزازه الخلفيه من الخارج < شيء معروف بكل السيارات
لأن القزازه الخلفيه فيها من جهة داخل السياره زي الأسلاك الرقيقه والصغيره .. واذا ركبت عليها تظليله تخرب
فيه ناس يمدحون تظليله النيكل يقولون أنها تعكس الحرارة وأشعة الشمس .. أفضل من السوداء
لكن ما عمري جربت أي تظليله إلا السوداء 01 شكلها حلو و رايق و رسمي ؛ وبنفس الوقت المرور ما ينتبهون لها وهي أصلا خفيفه ما تبين 01
لكن تظليلة النيكل اتوقع تلفت إنتباه المرور
سيارات الشرق الأوسط وخاصة السعودية المفروض كلها تكون مجهزة بمراتب فيها خاصية تبريد
لأن السعوديه معروفه بحرارة الجو والصيف الحارق
وتسخين المراتب ما نحتاجها .. يكفي المكيف اذا شغلناه على الحار ؛ على طول يدفي السياره