جناح اكورد 09 .. فيبر ولا بلاستيك + كشافات أصليه + أسعار الليد ..
السلام عليكم ورحمة الله وبركاته ...
اخواني الكرام في منتدى هوندا .. عساكم عالقوة ..
لي كم يوم وأنا في شوارع الزينة للفرفرة فقط والوقوف على التسعيرة ..
طبعا اختلافات ونصب وشغل مغشوش من هنا وهناك والبعض يحلف والاخر يقسم وحاااااالة ,,
طبعا انا ناوي على الجناح الخلفي للأكورد + إسطبات ليد مكحلة احمر وأسود + كشافات اصلي مع العصا ..
الكشافات في الوكالة 1500 ريال !!!!!!!! سعر غالي جدا جدا ولسه هذا بدون تركيب , ويجبروك تركبها عندهم في الوكالة حتى ماتسقط الضمان ؟! ولا ادري عن سعر التركيب ولا سألت اصلاً لأني شلت الفكرة من راسي ,, < قهروني .
وسؤالي / هل اجد الكشافات الاصلية في محلات قطع الغيار المعتمده في الصناعية ؟ وإذا وجدتها هل اقدر اركبها في الوكالة عشان الضمان ولا لازم اكون مشتريها من الوكالة .. ( مستحيل اركبها خارج الوكالة ولو ببلاش ) يعني كم سعر التركيب في الوكالة فقط .
اما بالنسبة للجناح .. فما ادري شو الافضل ؟ الفيبر ( وطني 100 ريال أو تايلاندي 140 ريال ) كلها بدون لون وتحتاج لصنفرة ومعجون أساس ولون يعني تقريبا حسب كلامهم 70 ريال مو اكثر ..
*لاحظت فيه تعرجات وقالي مع الصنفرة تختفي .. وفتحات المسامير تعبانة وغير متوازنه*
او آخذ بلاستيك ثقيل مقوى ( صيني 150 ريال ) وحسب كلام العامل في محلات بن مرضاح انه هذا الجناح متوفر عندهم فقط وهو بلاستيك مثل الوكالة ( هل الجناح من الوكالة بلاستيك؟ ) وطبعا يحتاج لمعجون و رش لون بتكلفة 70 ريال .
*مخرمة بالمقاس وموجود في نفس الخرم صامولة مثبته جاهزة للشد* وهذه ميزة عجبتني.
المصيبة / اليماني صاحب الفيبر يقولي البلاستيك مايمسك البوية وبعد فترة تتقشر ويختلف اللون عن السيارة ؟
وبن مرضاح يقول الهوندا من بلدها بلاستيك وهو الافضل .. والفيبر موجود عنده بس نصحني بالبلاستيك ؟
ثالثا اسطبات الليد المعروفه .. كلها تايواني ؟ والاسعار لقيتها 600 - 650 - 700 .. ومافي بينها فرق في اي شي فهل السعر مناسب بالنسبة للشباب اللي ركبوها ؟ وهل تركيبها يعيّب في الصدام الخلفي ( يعني مايطبق تمام او فيه كسر مشقبيات وكلبسات ) ....
ارجو الافادة والمعذرة على الاطالة .. ولكني دخت ومالي غنى عن ارائكم وتجاربكم ونصائحكم ..
