عرض للطباعة
اشوف في ناس تعرض سيارات موديل من 2007 وطالع ولمن يعرض السيارة يقول انه الأسبير او الكفر الأحتياط جديد حق بلدها يعني موجود من يوم اشتراها :confused:
هل ركن وعدم استخدام الكفر الأحتياط كل هذه السنوات مايضر الكفر صراحه الي اعرفه انه تاريخ التصنيع مهم وانه مايزيد على سنه في التخزين
ايش رأيكم ياشباب في الموضوع
على فكره انا عندي موديل 2009 والحمد لله ماقد استخدمت الأسبير
لا أحد يعرف بالتحديد متى تنتهي صلاحية الإطارات غير المستخدمة.
صلاحية الإطارات قيد الاستخدام قد تكون 4، 6 أو 8 سنوات في أحسن الأحوال، ويتأثر عمر الإطار بنوعية الاستخدام والمسافة المقطوعة والعوامل البيئية، وتظهر عوامل التهالك واضحةً على الإطار من خلال تآكل المسارات أو تشقق الجدران.
بالنسبة للإطارات المخزنة فقد تكون صالحة بين 6-10 سنوات (من تاريخ التصنيع، يعني يمكن يكون عمر الإطار عن شراءه 6 أشهر فانتبه) بس لا تتوقع أن 10 سنوات مضمونة لأنها العمر الافتراضي عند التخزين النموذجي فالإطار مصمم لكي يستخدم وتخزينه قد يضره فيتأثر بأشعة الشمس والرطوبة والأشعة فوق البنفسجية ووضعية التخزين، المشكلة أن شكل الإطار قد يبدو جديداً ولكن الزيت الذي فيه قد يكون فسد فيصبح جافاً أو أن أحد جوانبه اهترأت من الداخل.
تدوير الإطار الاحتياطي مع باقي الإطارات قد يسهم في إطالة عمره ويساعد الإطار في الحفاظ على مرونته.
لن يتضرر و حتى لو استخدمته ( لا سمح الله ) فلن تستخدمة اكثر من ساعة ( يعني مسافة الطريق حتى تبدلة :) )
كان عندي سيارة موديل 2000 والسبير مانفك لعام 2004
كل مافي الامر انه مشى مايقارب 5-7 كيلو متر وبعدها انتهى ..
يختلف الامر من بلد لاخر والسبب الرئيسي في ذلك عمر الكفر ومدة استخدامه والحرارة المتعرض لها
الحمدلله للحين الكفر الاحتياط موجود وغير مستخدم جديد من وكالته :d
لكن الأهم عند أستخدامه هو أنك ماتسرع عليه لأنه ممكن يجيب العيد بسبب التخزين الطويل ، وحاجته بس تركبه بدل التالف ويرجع لمكانه بعد تركيب اطار جديد
نصيحة نصيحة نصيحة
وضع قطعه فرشة او اسفنج تحت الكفر ( الاسبير ) ويفضل تفريغ الهواء واستبداله بهواء نيتروجين .
يجي واحد يقول ليش : اقوله اول شيء النيتروجين بارد + اللي تحت الكفر حديد ومع الحرارة يحتمي الكفر وممكن بأي لحظه ينفجر الاطار مع ضغط الحرارة و الحديد . ولا تنسى انه ليس مثل الكفر اللي راكب على السيارة مكان مفتوح والهواء الخارجي يلعب فيه يمين يسار
اللي مهب مصدق كيفه وأنـــــا أقول إذا سويت اللي قلتلك ليس ضار لك و الاحتياط واجب
اقتباس:
المشاركة الأصلية كتبت بواسطة k363k
استبداله الهوا اوكيه
لاكن موضوع القطعه القماش ما اقتنعت فيه
لان لو الكفر ما راح يستحمل الحراره الي هي داخل الشنطه
كان ما استحمل الحراره على الزفلت بعز الضهر وانت تمشي 200 :d*
8
888
88888888
خلاص جرب امش حافي القدمين بالشمس أو وقف على قطعة حديد حارة وتشوف الفرق هههههههههه
العطر وهو العطر شف كيف يتغير وهو بدرج السيارة فما بالك بالشنطة وعلى الحديد مباشرة
^^^
يعني تبي تقنعني ان الكفر ما راح يستحمل الحراره اللي في الشنطه
و طيب الحراره اللي براا أكيد يتحملونها الكفرات الباقيه :d
يعني أنا مع هاوي الأكورد استبدال الهواء أوكـ لكن القماش ما دخلت راسي:o
ياااااااااجماعه : افهمو قصدي
أولاً: ما قلت قماش ؟ قلت اسفنج أو فرشة ...
والقصد منها ( عدم انفجار الاطار مع الحرارة ) وعشان كذا بينت لكم بالدليل تعبئة الكفر نيتروجين لأنه بارد
..........................................
انا ما قلت يعيش اكثر اذا سويت كذا
أهاا الحين فهمت قصدكـ بس إلى الأن مو مقتنع بالإسفنج :d>>> عساكـ ما قتنعت :p
ما اتوقع انه ميزه تفرق :d
لانه لو ياصل للسماء ويرجع يبقى كفر :p:d
يرجال انت وش دراكاقتباس:
المشاركة الأصلية كتبت بواسطة alkasr777
الاربع كفارات الي تمشي على الزفلت هذول عيال السعوديه والكفر الي في الشنطه ولد اللبنانيه <<< اخر مرة ما اعيدها
يا جماعه انا شفت سيارات موديل 99 و 98 الين الحين كفر الاسبير في الشنطه وكاله
ولا انفجر ولا شي
ههههههههههه
سبحان الله
كأني قايلكم اي واحد فيكم يبي ينفجر الاستبنه ؟؟؟
..............................
انا اقول : احتياط احتياط احتياط
لأنه حصل لشخص وانفجر بالشنطه مع الحرارة في عز الصيف . فقط لا غير يمكن مزود الهواء بعد عشانه استبنه ماااا ادري
................................................
وبعدين وش بيضرك لو حطيت قطعه فرشة تحت الاستبنه على شكل دائري ؟؟؟
خليتوها قضيه
-------------------------------
ويااا اخوي / هااوي الاكورد
انا اخوي معه 2001 الى الان الاستبنه بمكانه ولا انفجرت بس لقيناه مبنشر
مرحبا شباب أنا عندي كفر لكابرس موديل 87 وللحين موجود عندي أصلي والخطوط الملونة موجودة للحين عليه ويشهد الله أني للحين ما أستخدمته محتفظ فيه للذكرى وصالح للأستخدام .
عااادي
روح للوزارات وبعض الدوائر الحكومية فيه موديلات اقدم من سيارتك وموجوده الى الان وشششش المشكله يعني؟
اما صالح للأستخدام هذي ؟؟
...............................................
الحين بعض اللي يشترون من الغرابي مركبين كفرات جديده يطلع من عندهم يا يطلع صوت او يحبل بسرعه او يضرب عليه وهذا من (سوء التخزين ) او كلامي غلط بعد ؟؟؟
انا اشوف انه اي شي يركن ومايستعمل راح يخرب وهذا معروف في كل شي
وماأظن انه الكفر احسن منهم
وبعدين شنطة السياره ماهي المكان المناسب للتخزين على مااعتقد لأن السيارة دايم في الشمس وتتعرض للحرارة سواء من الشمس او حرارة السياره نفسها ويمكن قرب التانكي حق البنزين له دور في تلف الكفر
كلها احتمالات بس يمكن كلامي صحيح