موضوع خاص باليايات الرياضيه

السلام عليكم ورحمه الله وبركاته
ملاحظ في المنتدى من بعض الاعضاء كثره الاسئله على اليايات الرياضيه فحبيت انزل موضوع بخصوص الاعضاء الي بيستفسرو عنها وانشالله اقدر اخدمهم بالموضوع دا ويكون فيه اجابات لجميع اسألتهم:confused: واستفساراتهم طبعا اول شي احب اقلكم ايش هيا اليايات الرياضيه هيا يايات تختلف عن يايات الوكاله من ناحيه الحجم والون والاداء والنوعيه وميزه اليايات الرياضيه انه تعطي السياره اداء حلو على المنعطفات الحاده والمنعطفات الضيقه ورساوه للسياره :cool:بحيث انو لو اخد صاحب السياره الفه بسرعه 100 بالياي العادي يقدر بالياي الرياضي ياخد الفه على 120 والسياره مرتاحه:eek: واليايات الرياضيه تجي طبعا ملونه منها الاحمر والاصفر والازرق وافضل نوعيه الي هي مجربه ومن ضمن المجربين انا بصراحه يايات حلوه وماعليها كلام وصناعه امريكيه وتتراوح اسعرها من 700 الى 800 تقريبا وفيه الياي الي بالون الاحمر وصناعه تايوانيه وسعره تقريبا 400 ريال وهاذا الي مانصح فيه لانو راح تلاحظ تنقيز في السياره وممكن لا قدر لله تنفرط وحده من الحلزونات وفيه نوعيه والي هي معروفها عند بعض الشباب الي هي الايباخ وبصراحه يايات مره نوعيتها جيده والكثير يمدحها وعند تركيبها راح تلاحظ نزول بسيط في مستوى السياره لكنها مريحه وتعطي السياره اداء حلو في المنعطفات ومريحه في الخط طبعا اليايات الي ذكرتها الي بالون الاحمر والاصفر فيها ميزه التحكم بأرتفاع ونزول السياره يعني قدر تهبط وترفع السياره زي ماتبغا
وانشالله حبايبي اكون افدتكم بهاذا الموضوع والي حاب يستفسر بأي سؤال انا حاضر وماراح اقصر مع احد :rolleyes:

اقتباس:

---

المشاركة الأصلية كتبت بواسطة HONDA BOY

تنفرط وحده من الحلزونات

---

ترجم اخوي هالكلام ههههههه

:d

الحلزونه الي بيها تقدر تتحكم بأرتفاع ونزول السياره الي لمن تلفها لفوق تترفع السياره وتلفها لتحت تنزل السياره وفيه يايات من سوء النوعيه ممكن مع مطب قوي تنفرط الحلزونه وتنزل للاخير وبكذا راح تفك الياي وترميه وتلعن ابو الساعه الي ركبت فيها يايات رياضيه ههههههههههههه وانشالله تكون المعلومه وصلت :confused:

مشكور اخوي Honda Boy على الموضوع

بس بالنسبه للأيباخ كم سعرها و هل هي متوفره اقصد ممكن احد الاعضاء يوفرها لنا و شكرا

و المشكله انه الحمراء اللي بتتكلم عنها الوحيده اللي متوفره و بكثره في الاسواق طبعا اقصد عندنا في المدينه المنوره

يمكن عشان سعرها :confused:

مع انه صاحب المحل جالس يمدح فيها ساعه <<< يبغى يلبسني فيها شكله

و يقولي كثير ركبوها و ما اشتكو منها

جزاك الله خير على النصيحه

مشكو على الموضوع أخي Honda Boy
بس عندي سؤال:
اليايات ممكن تنباع بالحبة ولا تنباع بالطقم بس؟؟؟؟؟؟؟؟؟؟؟
لأني مركب ساوند سستم ولاحظت انخفاض في السيارة من ورا مع وزن اللستم

ولو خليت
اليايات الخلفية رياضية
و اليايات الأمامية حقة الوكالة
هل راح يكون هناك ضرر؟؟؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة اتحادي

مشكور اخوي Honda Boy على الموضوع

بس بالنسبه للأيباخ كم سعرها و هل هي متوفره اقصد ممكن احد الاعضاء يوفرها لنا و شكرا

---

سعر اليايات إيباخ حوالي 1500 ريال ويمكن أكثر
حسب كلام كوكو كورد

مشكور اخوي Zero Cold

بس غاليه والله على كدا يبغالي اليايات الرياضيه الصفرا

ابو اكرم تنباع بالطقم اليايات ودام انك تبغا تركب الخلفيه ركب الاماميه مره وحده وهاذا رأي:d
وبانسبه لاخوي اتحادي دام انو صاحب المحل بيمدح فيها خلاص خدها وامرك لله مالك غير كذا او انك تتبع الطريقه التقليديه في التهبيط الي هي تشتري يايات تجاريه وتقصها لاكن مهي طيبه على السياره ومع الزمن تبدأ تنزل السياره اكثر :p

اخوي HONDA BOY

اكيد اي صاحب محل حيروج للبضاعه اللي عنده و دي صورتين للشركه اللي عنده و كلها حمرا و تايوانيه الاثنين

الشركه الاولى :

http://www6.0zz0.com/thumbs/2008/10/08/03/103186033.jpg

الشركه الثانيه :

http://www6.0zz0.com/thumbs/2008/10/08/03/662703223.jpg

والله انا بصراحه بعد نصيحتك من البدايه و قلتلي فيها مشاكل

شلت فكرة التايواني الاحمر مره وحده

و مادري اذا وحده فيهم عدله من الشركتين اللي فوق

أهلا بـ براء :) :
بصراحة أحب أهنيك في البداية على الموضوع الحلو و المفيد , و هو موضوع مهم و انت ما قصرت ماشالله شرحته للأعضاء بالتفصيل :cool: .

اقتباس:

---

تعطي السياره اداء حلو على المنعطفات الحاده والمنعطفات الضيقه ورساوه للسياره :cool:بحيث انو لو اخد صاحب السياره الفه بسرعه 100 بالياي العادي يقدر بالياي الرياضي ياخد الفه على 120 والسياره مرتاحه:eek:

---

كلامك صحيح و الدليل في سيارة القحطاني , ما شالله ياخذ اللفات و هو واثق ;) .
حتى أحمد أيام كان مركب اليايات الحمراء كان عندو تنقيز على خفيف ورا لكن بعد ما ركب اليايات الصفراء صارت السيارة تمام التمام :cool: .

و بالنسبة لليايات إللي سائل عنها أخونا إتحادي فهذي هي النوعية إللي كان مركبها أحمد و وقت التركيب لازم تنقص عشيان تركب :( , و إذا أنقصت فراح تشوف تنقيز من اليوم إلين تفكها :eek: .

شكرا براء على الموضوع الحلو و المفيد , و إنشالله الأعضاء يستفيدون منه .
سلمت يمناك .

طيب اخوي اليايات هذي لما تركبها


يفك يايات الوكالة ولا ايش


وانت تقول تطلع وتنزل انا ولا لازم اروح عندو عشان يرفعها وينزلها


واذا انا كيف ارفعها وانزلها

مشكور اخوي Accord 764 على النصيحه

بس المشكله اليايات الصفرا اللي بيتكلمو عنها الاخوان غير متوفره بالمدينه المنوره

و انا بصراحه بطلت اركب اليايت الحمرا تماما من كلامكم عنها و عن عيوبها

تسلم حبيبي خالد على مرورك الكريم وانا ماطرحت الموضوع دا غير للفايده وانشالله الشباب يستفيدو وكلامك عن اليايات صحيح
وبالنسبه لابو سراج ايه لازم تنفك اليايات الاصليه حقت الوكاله عشان تركب اليايات الرياضيه وطريقه تنزيل وترفيع السياره وهي انك تجيب ال العفريته حقت السياره وترفعها وتلف الحلزونه حقت الياي لفوق او لتحت وبعد ماتنتهي من المستوى الي تبيه للسياره تنزلها
ولاخوي اتحادي تمام انك بطلت من تركيبها لانو يا تركب اصلي وشي مايضر السياره او لا تركب

طيب ياخوي سمعت انـه في السيفيك ماتركب يايات رياضية الا أمامية
صح ولا لا ؟؟

والله اخوي جي تي ار لحد الان ماسمعت ان السفيك لها يايات رياضيه او احد ركب يايات رياضيه :o

طيب اخوي ولد هوندا فين تنباع اليايات الصفرا الاصلية وهل في ضرر على العضلات من حيث التهبيط علما باني ساكن في جدة وجدة مليئة بالمطبات واخيرا هل هناك ضرر على المساعدات وهل هناك حذفة من حيث التهبيط والترفيع

مشكور اخوي على موضوعك الحلو

بس حبيت اسئل

كم سعر يايات الايباخ ؟؟؟

وين مكان البيع بلشرقيه؟؟؟

وهل اليايات تترفع وتتنزل؟؟؟

والف شكرا لك؟؟؟

حياك اخوي باورد بالنسبه لليايات تنباع في محل اسمو بلاك لاين في حي النهضه وبالنسبه للاضرار مالاحظت اي اضرار مشالله في السياره ومن حيث الحذفات تلاحظ مع مرور الزمن وهاذا شي طبيعي مع شوارعنا زي ما اتفضلت

حياك اخوي باورد بالنسبه لليايات تنباع في محل اسمو بلاك لاين في حي النهضه وبالنسبه للاضرار مالاحظت اي اضرار مشالله على السياره بس برضو الواحد ينتبه من المطبات والحفر عشان يحافظ على عضلات السياره سواء مهبطه اولا والحذفات لازم منها سواء بيايات رياضيه اولا بحكم شوارعنا النظيفه:p
وبالنسبه لاخوي باسينو سعر اليايات على حسب ماسمعت 1500 ريال للطقم لكن ماتنزل ولا تطلع مستوى واحد ومكان بيعها بالشرقيه ماعندي علم عنه لاني من سكان جده وبصراحه يايات ايباخ من اليايات ذات نوعيه جيده وجوده ممتازه

مشكور يا هوندا بوي على الرد الحلو

الف شكرا من كل قلبي

تسلملي يا ياسينو وانا في خدمه الشباب

الي يعرف يايات للسيفيك تنزل وترفع في الشرقيه يعلمني :)

مشكور يا احلى اخوان على المساعده
:cool::cool::cool::cool: