مهم : مشكلة في الفرامل وهقة حقيقية للكل
السلام عليكم
كيف حالكم؟؟؟
امس غيرنا فرامل لسيارة خوينا وطبعا هو غيره قبل كذا في ورشة عادية ولما فكيت الفحمات لقيت طريقتهم البشعة في تركيب الفحمات وسوء عمل بعض الورش
يكفي انهم يستخدمون العنف في اعمالهم وكلها شلة عمال مالهم في الميكانيكا وتعلموا على سياراتنا
المهم غيرت فحمات الفرامل الامامية وملاحظ اثار عنف وتخريب لاجل بس يركبون فحمة لانهم كانوا يرجعون البساتم او المكبس بطريقة الضرب وهذا اكبر غلط
لكن جينا للخلفي وركبنا الفحمات ونمشي بالسيارة ووقفنا عند اشارة وشوي يطلع دخان من السيارة
انا ظنيت انها السيارة اللي جنبنا فقلت الله يعينه على التبويش
بس شوي زاد الدخان وافتح الشباك واشوف الدخان من عند السيارة حقت خويي
وقفنا على جانب بعد الاشارة وشميت ريحة الكفر صارت حريقة ورفعت السيارة من الجهة نفسها ولقيت الكفر ماسك تماما يعني كانك داعس فرامل بس على كفر واحد
اللي صار اني فكيت الكليبر وخليته يمسك في حديدة في السيارة لاجل ما يطلع البستم
المهم اللي صار ان الكليبر يبس ونشب خلاص ما يرجع
فقمت وفكيت الكليبر لاجل اسوي له عملية جراحية
طبعا فكيته واشتريت ربلات وتسمى اصلاح وغيرته للكليبر وزيت وشحمت البستم لاجل ما ينشب
http://store1.up-00.com/Oct10/xHJ29976.jpg
وهنا بداية العملية الجراحية وهي تبديل الاصلاح وفي الصورة ادناه الكليبر المريض
http://store1.up-00.com/Oct10/rcN30052.jpg
وهنا طلعت البستم وركبت الربل الداخلي لان البستم الشقي هذا هو اللي كان ناشب وماسك الفحمات
http://store1.up-00.com/Oct10/TrD30108.jpg
وهنا طبعا العملية بادخال الربل الداخلي في الكليبر وهي اهم ربلة واللتي قد تمسك البستم
http://store1.up-00.com/Oct10/bdi30174.jpg
طبعا هذه صورة للكليبر من الداخل لو تشوفونه بدون بستم ولا ربلات كيف جاي
http://store1.up-00.com/Oct10/sYT31024.jpg
وطبعا ركبت كل شي وتمت العملية بالكامل لكن بتجربة الكليبر على السيارة وبعد ما دعست دعسة فرامل واحدة فقط رفضت ان تترك الفحمات تماما وابت الا ان تحتضنها وبذلك توفي الكليبر وفشلت العملية
http://store1.up-00.com/Oct10/nlr30685.jpg
وطبعا لازم نسوي حل ما ينفع اننا نخلي السيارة بدون فرامل فقلنا يا راعي السيارة يا خوينا
هز جيبك شوي
وفعلا راح واشترى كليبر جديد قيمته فوق 800 ريال
وتم التركيب بحمدلله
http://store1.up-00.com/Oct10/qhg30483.jpg
الملاحظات:
1- لاتغير الفحمات الا في الوكالة لانه لو جاك لا قدر الله مشكلة مثل هذه بيغيرون لك كليبرات على حسابهم
2-دايم ابتعد عن زيوت الفرامل الرخيصة وركب زيوت فرامل جيدة مثل كاسترول او قلف
3-لا تشدون الجلنط بقوة ابدا ابدا ابدا لان هذا هو اللي خرب الكليبر من الداخل حيث لا استطيع تفكيك الكليبر وحيث يقال لك اشتري كليبر جديد تماما بسبب شدك للجلنط بقوة يعني اسحبه لاخر مداه بس شوي شوي ودايم اوزن الجلنط وخليه على 6 طقات
وشكرا لكم
