عرض للطباعة
السلام عليكم أخواني
قبل اسبوعين اشتريت أكورد 2006، وخلال فترة العيد ركنتها لمدة 3 ايام بعد ثلاث أيام أجي والسيارة مطفية تماما حتى الساعة مش شغالة، حاولت اصلح اشتراك، لمن اشبك البطارية كل شيء في السيارة يولع ولمن أحول ادور المكينة تطفي السيارة بالكامل، مش عارف فين المشكلة بالتحديد هل هي في البطارية أو في الدينامو أو في اي حاجة ثانية، وايش افضل حل. لأننا جديد على عالم السيارات. وخايف اروح اجيب ميكانيكي وانغش.
وشكرا جزيلا مقدما.
غير البطارية وركب وحده جديده, او عندك خيار آخر انك تشحن البطارية إلي عندك من عند محلات البطارية ماادري عن قيمة الشحن لكن ارخص من سعر البطارية الجديده.
لأن البطارية إذا ماتم شحنها بكل بساطة راح تكون فاضيه من الطاقة الكهربائية, وعشان كذا لازم يكون فيه دينمو للسيارة عشان يزود البطارية بالشحن المستمر مجرد ماينقطع الدينمو عن الشحن البطارية ماراح تشتغل وحتى لو اشتغلت ماراح تستمر..
نصيحة ركب اي نوع بطارية غير بطارية اي سي ديلكو السعودية (فاشلة بكل المقاييس)
شكرا جزيلا اخي على ردك
النوع الحالي للبطارية هو اي سي ديلكو، باي نوع من البطاريات تنصح، وكم يكون سعرها؟
بطارية fb صناعه يابانيه:cool:
أو بطارية yuasa ممتازة ... أهم شيء تكون نفس المقاس وقوة الأمبير .
وبطارية ( اي سي ديلكو ) ..... لا و ألف لا .
ليه ما تمدحون (اي سي ديلكو) انا اسعملها ولا فيها اي شي :confused:
طبعا السيارة مركب عليها زينون وشاشة اضافية هل هذا يؤثر على البطارية أو لا؟
إن شاء الله مافي اي ضرر بس مثل ماذكروا الشباب الامبير يكون من 65 إلى 70 الاهم هو يركب على قاعدة البطارية الموجوده بسيارتك..
حسب علمي أن الاكورد 4 سلندر لازم تكون 60 امبير؟؟؟؟ هل ال 65 وال 70 يعني اضافيه علشان الشاشة والزينون والا استنادرد
خطأ مطبعي :d
70 امبير وطالع للاكورد 2008 +
انا بطاريتي 60 امبير
ما قصرت اخي الكنج، يعني المفروض تكون 60 امبير؟
طيب عندي سؤال ثاني اذا في معك خبرة في توصيل الزينون، انا شايف في سلكين لونهم احمر موصلين للبطارية، السلك الي موصل للسالب تقريبا محروق، هل هذه الاسلاك هي تبع الزينون والا حاجة ثانية، وهل يضر اذا فصلت السالب وخليت الموجب موصل الى ان اروح لمكانيكي؟