اهلا يا شباب كيفكم
المهم اليوم رحت الوكاله بعد صلاة الظهر الي في طريق خريص عشان اغير زيت والآدمي الي تحت السياره قاعد يفك الصرة ( البرغي الذي يخرج منه الزيت عند تغييره ) وهوه قاعد يحله قلي اففففف عندك مشكله ان شاءالله ماتكون من الكارتيل
(مدخل البرغي حق تفريغ الزيت ) حق الزيت قلي اشتريلي صره من عند قطع الغيار رحت اشتريت و حده هوا المهم لما جا يجربها طلعت المشكله للأسف من الكارتيل فسألته هادي جايه طبعا من سوء الاستخدام والسياره حقتي محد غيرلها زيت من يوم مااشتريتها الى انتم و مداوم على الصيانات الدوريه كلها و عندي ملف في كل فواتير السياره من يوم ماخرجتها قلي الحق ادخل الصيانه و كلمهم كلمتهم واخذت موعد لإصلاح المشكله طبعا انا قلتلهم هادي 100% على الضمان قلي احنا نشيك ونرد عليك قلتلهم مافي مشكله اوراقي عندي و اخر واحد مسك السياره انتم في صيانة ال50000 كلم وكل شي بالفواتير و التواريخ يعني انسوا تلعبوا معايا لما رجعت آخد السياره من عند غيار الزيت لقيت الرجال الي غيرلي الزيت كان شاب في مثل عمري قلي ارجع البيت و وقف السياره و لاطلعها لين موعد الاصلاح عشان ما تعدي 56000 كلم لأنهم ممكن يسووا عليك هرجه و الضمان يقفلوه عليك .
المهم بعد ماسويتلكم قلق بقصتي الممله ( بالنسبه ليا تقطع القلب ) هل هذه مشكله شائعه في سيارات الهوندا أو انه حظي الفله .
وشكرا للي دخل و قرأ الموضوع حتى ولو مارد .
