التماس الكومبريسور اكورد 2008

السلام عليكم ورحمة الله وبركاته

امس وديت سيارتي إكورد 2008 سويت لها فحص كهرباء ومكيف
واتصلو علي اليوم وعطوني تقرير بالمشكلة في الكومبريسور بيظل شغال ويسحب كهرباء السياره واثر على الثلاجة تهريب او زي كذا
وقالو تحتاج تغير نظام المكيف كامل الكومبريسور مع الثلاجة مع كويل وبلوف تخييلو كلها ب 11 الف :(


المشكلة عندي بدأت من الثلوث الي راح المكيف خف تبريده وطلع صوت خلف درج الراكب
وايضاً طلع صوت قوي جهة الكومبريسور انا اخذت السيارهـ وابوديها برا الوكالة
المهندس حق الوكالة كلمني ولمح لي ان مداك تصلحها برا الوكالة وتصلح المشكلة
لكن انا مو مرتاح لكلامهم والتقرير حقهم يعني لا خرب شئ معين لازم اغيير القطع كاملة الي معه او متصله فيه

وبكذا ودي اّخذ رايكم رحم الله والديكم واستشيركم هل ممكن تصليح نظام التكييف بالعامية ارقـع فيه وامشي حالي
دمتم بخير

بإذن الله ... لو تروح ورشة محترمة يلقون الخراب حاجة بسيطة ما تكلف هالمبلغ الخيالي

يمكن يصلح المكيف بقيمة ما تتخيلها ... لا تستعجل وشف لك كهربائي شاطر .

أخوي خل عنك الوكالة و قطع الغيار حقهم أسعار خياليه مرررررره

أنا خربت عندي دودة الدركسون و الطرمبة و سألت الوكالة بكم كلهم قالوا لي بـ 10 آلاف

طلبتها من أمريكا أصلية كلها مع الشحن بـ 4000 ريال

وفرت 6000




شوف أخوي ،، أنا مستعد أطلبها لك لو نويت تطلبها و تغير نظام التكييف كامل بس انت رح الوكالة واطلب منهم فاتورة تسعير لكل القطع علشان اقدر اطلبها لك

ولا شوف لك اي ورشة وكهربائي ممتاز يفحصها لك

بس رح لمحلات و ورش محترمة

موجودة عندي طلبت منهم الظهر فاتورة فيها رقم القطع كاملة حقت التكييف
انا ابوديها الاول اشيك عليها ثم اتواصل معكـ اخوي اذا فعلاً الورش اثبتو المشكلة في نظام التكييف
لنك فعلاً وفرت كثير اخوي يوم طلبت من الخارج

ولاهنت ارسلي رقمك عشان اتواصل معاك لاحقاً

سعرت القطع item code في موقع اجنبي
طلع توفير كبير جداً من 11000 الى حوالي 4 الاف

الموقع https://www.partswebsite.com/hondapartswebsite
بس مدري القطع تجي وحده المقاس الحجم على موديلات الاكورد 2008 وفوق

إلا أخوي تجي وحده ونفسها تركب على طول
إذا رقم القطعه نفسه اللي بحثت عنه


على العموم تقدر تتواصل معي على الخاص إذا بغيت أي شي وأنا بالخدمة :)