استفسار عن صيانة 1000 ك م

مرحبا شباب كيف حالكم
انشاء الله انكم بخير
ابشركم شريت هواندا 2012
وعندي مشكله حبيت استشيركم فيها
انا الى الحين ما استلمت السياره المفروض اني استلمها امس بس شفت المطر قلت خلها تريح عندهم لين تركد الامور
سؤالي الاول هل المطر يضر السياره لاني بسافر عليها على طول من الوكاله لمسكت الخط ماراح امر البيت ابداُ من غير شر
هذا الاستفسار الاول اما الثاني
صيانة 1000 ك م الاولى ماراح يكون عندي وكاله ابدا لعبدالله هاشم فراح اضطر اني امشيها 500 ك م لين اوصل للوكاله يعني بأذن الله اذا وصلت الوكاله راح تكون ماشيه 1500 تقريباُ

عطوني رايكم مع اني ضروري اسافر ليها وهو السبب الي خلاني استعجل واشتريها وناشب بحلوقهم لين جابو اللوني العودي بسرعه

وشكراُ شباب :d

هلا بك اخوي والف الف مبروك ولاتنسى اول ما تتطلعها من الوكالة شغل في القران

حتى الله سبحانه وتعالى يطرح فيها البركه لك اما بخصوص المطر عادي تسافر عليها بس انتبه انك تتدخل فيها المستنقعات او البحيرات لانها تضر الموتر عليك واذا سافرت با السلامة خلي سرعتك 90 اقل شي علشان التمرين واذا وصلت غير وانت مخلص التمرين حقها انا جلست في التمرين اكثر من اسبوعين وربي كرهت نفسي اخخخ بس

هلا ابو خلود صباح الخيرات تسلم على الرد السريع
بالنسبه لتمرين ماعندي مشكله بمشوار واحد بخلصه لاني بروح بعيد وعادي امشي 80 بالعاده وانا مسافر فمابالك تمرين هههههههههههه

بس وانا اخوك المشكله ان موظف المبيعات قال لي لازم تغير الزيت بالوكاله بعد الالف كيلو وانا مشواري تقريباُ الف كيلو ولاعندي وكاله هناك فلازم ارجع 500 كيلو للرياض اقرب شي لي
يعني عادي امشيها 1500 كيلو او 1700 وبعدين اوديها للوكاله !؟

عادي حتى لو 2000 كيلو بس شكلك ناوي عليها نية :confused: المفروض تمرنها اولا وراح اقولك من الحين اتحداك تمشي بس 90 وخاصه اذا كان المشوار طويل راح تمل هذا غير بو نايف اذا كان شغال خذ ماتبي بس اترك القلب يرتاح :d عشان كذا نصيحة من المشرف هاي مستقبلا استاجر سيارة اورح مع واحد تعرفه او طيارة او روح في المترو اسف ماعندنا مترو:d وخلها في الكراج واذا رجعت مرنها نسيت حاجة بعد الوجهية راح تروح عليك وبالاخير قول امين ربي يعطيك خيرها ويبعدك عن شرها

الا هذي لا تتحداني فيها اني امشي 90 مشوار طويل ماعندي مشكله اهم شي اسدد الجوال وارفع الحد الائتماني ولا اخلي احد ما اكلمه منها صلة رحم ومنها اقطع الطريق وانبسط خخخخخخخخخخخ
المشكله انو ماعندي سياره اروح فيها
ولاعندنا وكاله عبدالله هاشم تبي يحطون عندنا مطار عشان اروح طياره ههههههههههههههه
ولاشريت السياره الا عشان اروح عليها وافتك
وبالنسبه للوجهيه الجو مطر يعني مافيه اغبار ولا شي + اني ماراح اسرع عليها

يسلموو يعطيك العافيه ع النصيحه :)

يآحبيبي دربك خضر روح والله ييسر لك امرك انا اول ماطلعتها خلصت التمرين في اقل من يومين وكنت امشي سرعه طبيبعيه جدااااااا 100 اما بخصوص الزيت ماانصحك تزوده عن 1000 لآنه خفيف والسياره بآقي جديده

الله يعطيك خيرها ويكفيك شرها.....

هلا عابر سبيل واضح من اسمك انك راعي اخطوط خخخخخخخخخخخخخخخخخ
والله ياطويل العمر طلعتها من ابو هاشم ومشيت عليها على طول
ورحت للصيانه وسئلتهم عنها وقالو ماعندك مشكله الى 1500 ك م
وبرضو اتصلت على الصيانه الفرع الرئيسي وكلمني سوداني وقال لي برضو ماعندك مشكله اهم شي لاتعديها 100 ك م بالساعه
وتوكلت على الله ومشيت
يعطيكم العافيه كلكم الي رديتو ماقصرتو

مبروك عليك السيارة 2012 الله يوفقك فيها ويكفيك شرها

أنته عارف أني عندي سيارة مثلها لكن 2011 وماشية 8000 فقط لغاية 1/12/2001

هلا فيك مستخدم جديد

مبروك السياره والله يعطيك خيرها ويكفيك شرها

بالنسبة للمشوار الطويل بعد ما تطلعها انا اقول لك تجربتي
انا طلعت السياره الاسبوع اللي فات من الخبر ودوامي في النعيريه
مشيت فيها اول 100 كيلو 120
والـ 100 كيلو الثانيه مشيت 140 وعادي

وانا راجع يوم الاربعاء جربتها على180 بس مسافه قصيره مو طويله وكانت ماشية 700 وشوي

وأمس سويت صيانة الالف كيول والحمد لله ما فيها شي

نصيحتي : اول ما تطلع السياره امش فيها 120 او 140
عشان اذا فيها مشاكل او خلل صناعي تطلع لك من بدري


كلام الوكاله أول 1000 تمرين وعلى سرعات بطيئه ما خش مخي بصراحه




وبالتوفيق لك .

هلا شباب الله يبارك فيكم ياشباب
beloved
مشكلتي ماهي بالسرعه بس مشكله ان بكتاب الصيانه يقول لك اذا تعديت 1000 ك م وماسويت الصيانه عنده الوكاله يروح عليك الضمان وكل شي يعني مع نفسك وانا بمشيها تقريباُ 1500 الى 1600 وبعدين بشيكها عندهم وقالو لي ماعندك مشكله