قصتي مع الهوندا واستفسار الله لايحرمني منكم
السلام عليكم ورحمة الله,,كيفكم ياخوان عساكم بخير يارب,,
في البداية كنت متردد اشتري كامري 06 او الاكورد 07 سبيشل..ولا عندي اي تجربة سابقة للهوندا من قبل,,ناس يمدحونها وناس تشتكي من قطعها انها غالية,,ومن ناحيتي جربت غالبية الكوامري الجديدة وحتى القديمة لي ذكريات معها بعد,بس للاسف مالقيت الكامري ذيك الفخامة والثبات والرساوة في القيادة في موديلاتها الجديدة,,والله اني جديد على الهوندا..كان واحد من الشباب الله يجزاه الخير نصحني في الهوندا عن تجربة شخصية منه مع العلم موتره اكورد 06 فل والشخص هذا من ماعرفته وسياراته كلها هوندا من موديل 98, 02 و اليوم 06فل ,وانا وقتها كان معي لومينا 04 وكنت ناوي ابيعه و وازود واخذ موتر نظيف(بالعربي ابي موتر ركادة),,قالي خلاص جرب موتري كان صلحلك ولا شف غيره وانت حر بالي بتاخذه,,والله اني عقب ماسقتها ومشيت فيها خطوط وانا مسرع و مهدي وفي المنعطفات اني لامست الثبااات في التحكم بالسيارة والرسااوة في الخط اثناء القيادة تقول مغناطيس عالارض ماشاءالله تبارك الله,,ومنها كنسلت على شي اسمه كامري وشلت الفكرة من راسي,,صحيح ان الهنادي غويلي شوي وقطعه ناار وتكوي بس يستاهل كل شي تدفعه فيه اذا كان الشي هذا لك ولراحتك وللزمن,,ويكفي انه ياباني موب استرالي ديكوراته تفكك واصوات طقطقة وتهرب زيت ..
المهم توكلت على الله انا وخويي وشدينا الرحال لمعارض النسيم احوس وافرفر في ذالمعارض 10 ايام وانا ادور على نظيف مالقي,صعب تدور مستعمل ونظيف لين صادفني واحد مار معه 07 سبشل ماشية100000 بس نظييييفة ماشاءالله تبارك الرحمن راعيها كبير شوي ابوعيال يبي يبيع ويزود عشان بيشتري يوكون,والسيارة شاريها من الوكيل هو مالكها الاول..وعلطول عالفحص والسيارة والحمدالله من حظي قير وبودي ومكينة كله سلييم..:cool:
سؤالي
بالنسبة للفحمات هل يحتاج اغيرهم؟مع اني ماسمعت اي صوت صفير لحد الان,,وياليت لو تعلموني وش الاشياء الاستهلاكية اللي يبيلها تغيير في السيارة من قطع و زيت غير زيت المكينة والقير بعد ممشى السيارة 100000 من المالك السابق؟
وسؤال اخير هل بامكاني ااعمل تشيكات في الوكالة بعد ممشى السيارة 100000 مع العلم ان مالكي السابق كان غير منتظم في تشيكاته السابقة؟؟وبكم؟؟ واسف عالاطالة يااخوان ولكم مني جزيل الشكر والتقدير:rolleyes:
