عرض للطباعة
السلام عليكم ورحمة الله وبركاته
كيفكم شباب إن شاء الله تمام
بس حبيت استشيركم بموضوع شاغلني من زمان
أنا إن شاء الله نهاية هالأسبوع بسافر للشرقية بسيارتي وشايل هم الكبوت والتنده إذا تأثرت من الغبار وسوالف الخطوط
عشان كذا سألت بعض الشباب وقالوا حط فيري بس أحس أنه يشيل البويه
وسالت غيرهم قالوا حط شامبو جونسون حق الأطفال يمدحونه ومن هالكلام :confused:
فـ أنا حبيت أستشيركم هل ينفع الجونسون وإلا لا ؟
آسف على الإطاله ..
والله ياخوي كلها ما تصلح
الفيري يبقع البوية
والبرقع يأثر على البوية
والتغبيرة جيدة
أبرشدك:
حط تغبيرة على الصدام الأمامي فقط
وأطلب من محل الزينة وقول له تغبيرة سفر لا تسويها عند محلات البناشر أبد مايصلحون
وأطلب تجليدة أبيض شفاف للشمعات الأمامية
وأنتبه يكون فيها غرى قول له شفاف بحيث أول ما توصل الشرقية تغسل السيارة
وتفك التجليدة
ونتمنى لك سفرا سعيدا
مشكور ويعطيك العافية أخوي ما قصرت برأيك ،،
أنتظر أراء البقية ..
افيه طريق تروح لمحلات التلميع يرشون على السياره ماده ..
ويضمنك ان السياره ما تشهب ولا اي شي اخر .
ونشالله راح اتاكدلك اكثر وكثر وفيدك
وذا بغيت المحل الي اقصده بتحديد ابد راسلني وبشر...
انا عن نفسي كل ماسافرت احط فيري بس بشرط انك أول ماتوصل بالسلامه انك تغسـل السياره على طول لان الفيري لو طول بتشهب الشمعات والكبوت ومره نسيت ولا غسلتها وصقعتها الشمس وغسلتها من بكره والقاها مشهبه شوي :( لكن بالنسبه للرش وما الرش فيه بخاخ انصحك فيه ولو بخيت مايبان شفاف تلقاه اتوقع بمحلات الزينه .. وبالسلامه ان شاء الله :o
وجهت نظري ادا فلوسك ممتازة روح اعمل لها تجليدة من شركة لومار ممتاز جداا وضمان 5 سنوات على ما اعتقد
بلا تغبيرة وبلا هم كلهم باثروون على السيارة
وادا فلووسك على قد حالك وسط عندك البرقع التجاري بس خلية مشدود شوية ولا تركبة فوووق الكبوت بتركبة على الصدام فقط لانة اثناء السرعة بيتحرك وبيخدش لك الكبوووت
او انك تشتري البرقع لاصلي من النت تقدر تطلبة من مشرفنا اكورداوي
في بخاخ يبيعوه في اكسترا
اسمو رش و امش سعرو 60ريال
كثير من الشباب هنا في المنتدى يمدحوه
ترتيبهم حسب الأفضلية:
1- حماية الواجهة(الترميل) من لومار مايحتاج فك وتركيب وعلى قولتهم( لك وللزمن)
2-المنتج (رش وأمش) تعمل طبقة زي النايلون على الأجزاء المرشوشة و تزال بالموية أو التقشير
3- تفصيل برقع
يارجال تبي العلم
بلا تغبيرة بلاعازل بلاهم
خل مشيك بالليل ،، لا تمشي بالنهار عشان مايعدمها لك السافي
انا كل اسبوعين أسافر ،، والحمدلله السيارة مافيها شي .
وتروح وترجع بالسلامة .
انا سافرت بسيارتي للشرقيه يمكن 5 مرات او اكثر والحمدلله مافيها شي
واذا كنت متخوف من الخط اسهل واسرع حل بخاخ رش وامش ماعمري جربته ولا ادري عن سعره ولكن يقولون انه جيد
وبتلاقيه اكيد في محلات الزينه وانا لقيته في ساكو لكن مادري عن سعره كم
^^^^
سعر المنتج 50-60 ريال
اللي لون سيارته فاتح غير
أنا سيارتي سودا وما أسافر عليها كتير يعني 6مرات من يوم ما طلعتها
ومرة نسيت أحط البرقع
السيارة سار فيها نقط مقشرة
بس الحمدلله سويتها بقلم التنقيط وما سارت باينة
مشكورين وربي يعطيكم ألف عافية ما قصرتوا والله