صيانة الوكاله !!...كلام فاضي...!!

السلام عليكم


كل برد وإنتم طيبين . . . :)


قبل يومين سيارتي كانت في صيانة 20.000 كيلو في الوكاله


والكشفيه سعرها بـ 350 ريال ...


المهم ... حطيتها عندهم للصيانه ... وكان قي طقة خفيفة جداً في فتحة السقف كأنه مسمار


يتحرك قلتلهم يصلحونها ... هذا الكلام كان في الصباح ... الظهر يوم أبستلمها


قالي الأشياء اللي سووها في السياره وهي معدوده ... مثل تشحيم عمود خلفي في السياره


أعتقد إنه عمود الكردان و تغيير زيت المكينه و تبديل أماكن الكفرات ...


يعني سرقو مني 350 عيني عينك على تغيير الزيت وتشحيم العود ... حتى صوت فتحة السقف


ماراح ...حتى كفرات السيارة صارت مرة مزعجة ... خاصة في الطرق الناعمة ... ماني عارف أوصف


الصوت زي هن هن هن هن :mad:... رغم إن الصوت ماكان موجود في صباح اليوم اللي وديت


السيارة للوكاله ... أنا أعتقد ان السبب في تبديلهم للكفرات ...


آسف على الإطاله بس أرجوا من الخبراء


في هذه الأشياء إفادتي في إيجاد حل لمشكلة فتحة السقف و صوت الكفرات ضرووووووري ...... في الإنتظار

وعليكم السلام ورحمة الله وبركاته

بالنسبة للكفرات اتوقع الصوت موجود عندك من اول لكن ما كنت حاس به لان الكفرات المزعجة كانت ورا
اذا كانت كفرات سيارتك من نوع ميشلان فالصوت هذا طبيعي في الاكورد

بسبب الفشخة في الكفرات الخلفية بيصير التآكل من داخل اكثر من الخارج
وبسبب نقشة كفرات الميشلان بيطلع لك الصوت اللي انت متضايق منه اللحين

الله يعينك

:)

وعليكم السلام
وأنت بخير وسلامه
صراحة ماعندك احد انا كان عندي صوت في الفرامل سويتلها صيانه وانا ماشى 10000 وقتلهم في صوت في الفرامل قالولي طيب واستلمتها والصوت في
بعد كم يوم رجعتلهم وقتلهم سويت صيانه للسيارة وما سوتولي الصوت حق الفرامل
قالولي طيب
وسوها لي بس بعد أيش


والين اللحين أعاني من الصوت ناس يقولي لاتمشى في المويه هي السبب
علما ان سيارتى أكورد 2007

حي الله B Unique ...


والله يااخوي كلامك صحيح ... الكفرات ميشلان من يوم اشتريتها ... وعلى حسب كلامك شكله



مايروح إلا بتغيير الكفرات ... فأرجوا منك أن تقول لي أهدأ وأنعم كفرات على الإطلاق<< :p


-- الصوت مره مزعج تقول راكب ددسن--

حياك الله أكورد 2007 وبس ...


إذا كنت تقصد الصوت المشابه يوم تطلع السيارة من المغسله اللي إذا رفعت رجلك عن الفرامل


(في لحظة رفع رجلك عن الفرامل يعني لساع مازلت كابس فرامل بس على خفيف ) ...


فهذا الصوت عندي في السيارة و أحيانا يختفي ... ماأدري وش حله إن شاء الله الشباب يفيدونا .

اقتباس:

---

المشاركة الأصلية كتبت بواسطة The Accord V6

حي الله B Unique ...


والله يااخوي كلامك صحيح ... الكفرات ميشلان من يوم اشتريتها ... وعلى حسب كلامك شكله



مايروح إلا بتغيير الكفرات ... فأرجوا منك أن تقول لي أهدأ وأنعم كفرات على الإطلاق<< :p


-- الصوت مره مزعج تقول راكب ددسن--

---

بأقول لك عن كفرات جربتها انا شخصياً على المرحومة

كفرات بريدجيستون تورانزا GR80
هدوووووووووء ولا احلى

:cool:

شكرا لمشرفنا وإنشاء الله أغير الكفرات بأقرب فرصه


بس الله لا يهينك السعر ماقلته ....


آسف للإزعاج وإطالة الموضوع :o

اقتباس:

---

المشاركة الأصلية كتبت بواسطة The Accord V6

شكرا لمشرفنا وإنشاء الله أغير الكفرات بأقرب فرصه


بس الله لا يهينك السعر ماقلته ....


آسف للإزعاج وإطالة الموضوع :o

---

السعر اللي عندي لمقاس 16/55/215 << انصحك به وبشدة !!
قيمة الكفر الواحد بـ 480 ريال مع الترصيص (من الوكيل)

وحنا في الخدمة بأي وقت طال عمرك

اقتباس:

---

المشاركة الأصلية كتبت بواسطة B Unique

بأقول لك عن كفرات جربتها انا شخصياً على المرحومة

كفرات بريدجيستون تورانزا GR80
هدوووووووووء ولا احلى

:cool:

---

انا اضم صوتي الى بي يونيك بي يور سيلف :d

بس عيبها سعرها ... ممكن الواحد يركبها اقساط مثلا :eek:

صوت الكفرات الميشلان هذا طلع معي يوم مشيت 30 الف كيلو :p

الحين السيارة ماشيه 58 الف كيلو وقبل اسبوعين سافرت الشرقيه واللي راكب معي ورا يقول احس اني راكب طيارة من صوت ازعاج الكفرات :eek:

خلاص الظاهر وجبت التغييره >>> قصدك من زمان وجبت التغييره لكن العجز وما يسوي :p

من يعطينا موقع وكيل بريدجستون بالرياض ؟؟؟ وسؤال اخر اذا ركبت مقاس ارتفاع 55 وكفرات الوكالة اصلا ارتفاعها 60 مابتصير السيارة كانها مرفعه او فيه مسافه زيادة بين الرفرف والكفر :confused:

--------------------
بالنسبة لطقطقة فتحة السقف طلعت معي وكانت مسويه قلق وكل يوم تزيد وبالاخير دخلت السيارة صيانة 40 الف كيلو وطلعت السيارة ولا احلى لاصوت طقطقه ولا يحزنون

ارجع الوكالة وخلهم يصلحونها غصبا عنهم

للمعلوميه انا دخلت السيارة فرع طريق خريص بالرياض

B Unique شكرا جزيلا لك ...


والله إني أدعيلك إنك تحصل أكورد 2007 -- 8 سلندر :d

السلام عليكم...

بالنسبه للكفرات انا من فتره قريبه ( 3 اسابيع) كنت ادور على كفرات نصحنا فيها المشرف العزيز B Unique وهي ادرينالين بوتينزا...
ورحت لوكالة بريجستون وسالتهم عنه بمقاس 215 /55 /16 قالي السعر 480 للواحد و 2000 كامله مع التركيب والميزان وكلش...
لكن الناس تقول ان الاسعار زادة بنسبة 10 % يعني الكفر اصبح سعره 528 <== توقع

واما بالنسبه لكفر تورينزا GR80 فسألتهم عنه وقالي خلاص وقفنا الانتاج :eek:

وعليكم السلام أخوي ...


طيب الأدرينال بوتينزا هادئ وناعم زي التورينزا GR80


وهل إذا ركبت كفرات 16/55/215 تأثر على عمر المكينة ( زيادة إحتكاك


الكفر ومن هذا الكلام)...


لأن السيارة المفروض يتركب عليها 16/60/205 فإيش رايكم ....

ايه والله صيانة الوكالة كلام فاضي
أنا سيارتي أكورد 2007 V6
قبل أيام بس سويت صيانة 30 ألف وكانت السيارة زي اللوز ، المهم طلعو لي فاتورة صلخ (861 ريال)

قالو لقينا الاقمشة يبيلها تغيير وغيرناها مع الزيت والفلتر كله ب 511 وشغل اليد ب 350 صراحة شي اتفاجئت منه وكانت أول مرة أروح للوكالة أسويلها صيانة في جدة فرع طريق الميناء
(قبلها كنت أسوي الصيانة في فرع صغير عندنا بمدينة ينبع وكان كل شي تمام)

تخاصمت معاهم الين قلت بس اخر شي دفعت واشتريت نفسي لاني ابي افتك وارجع ينبع

واللي أسوء من هذا كله بعد ما أخذتها وجيت ماسك خط صرت أسمع طقطقة وأنا ماشي كذا جهة السائق فقط لما أعدي من فوق مطبات صغيرة أو عيون قطط

الصوت هذا كأنه شي يبغاله تربيط أو تثبيت زيادة (في الكفر ، في جهة المكينة، في جهة الطبلون،الله أعلم!) ياليت تفتونا لأنه الى الآن ما عرفت وش المشكلة

بالنسبة للاستفسار عن الكفرات أحب أسئل مع الأخ اللي رد قبلي هل اذا غيرت الكفرات لبوتينزا سواء قياس 16/55/215 أو قياس 16/60/205 بيسوون لك مشكلة الصيانة ؟

ومتى تنصحون بتغيير كفرات بعد كم كيلو ؟

سامحوني يا اخوان على الرد المتأخر جداً
لكن حبيت افيدكم باللي اعرفه وان شاء الله ما يكون الاوان قد فات

:rolleyes:


الاخطبوط

هذا عنوان الفرع الرئيسي لمؤسسة الطلائع (وكيل بريدجستون) في الرياض :

طريق خريص
مخرج 30
مقابل بغلف للمقاولات
012094477
012329425


The Accord V6

مشكور على الدعوة والله يسمع منك يالغالي

البوتينزا والتورانزا كفرين مختلفين تماماً وما تقدر تقارن بينهم لان كل واحد فيهم مصمم لهدف
التورانزا للهدوء والبوتينزا للاداء الرياضي

ومن ناحية النعومة والهدوء اكيد مالك الا التورانزا


كاشت بالحووش

العمر الافتراضي للكفرات سنتين
لكن التغيير حسب ممشاك

ممكن تستهلك الكفرات في سنة وممكن تستهلكها في 6 شهور
اول ما تشوف النقشة بدت تختفي فهذا دليل على ان الكفرات يبيلها تغيير لان النقشة هي سر الثبات ومدى تحمل الكفر


بالنسبة لاستفساراتكم عن المقاس ..

مقاس 16/55/215 ما يضر بالسيارة ابداً ولا احد في الوكالة بيكلمك عليه
وكثير من الشباب نصحتهم به والحمدلله محد اشتكى منه وكلهم يمدحونه

واتمنى يجون بأنفسهم ويفيدونكم بتجاربهم

بالعكس المقاس هذا مناسب جداً للاكورد ويعطي سيارتك رساوة اكثر ومنظر احلى (كأنها مهبطه بشي بسيط)

^^^^^

مشكور يالشاويش فريد خلاص ركبت كفرات ميشلان من فترة وطلعت الوكالتين بريدجستون وميشلان كلهم قريبات لبعض :)

وطبعا الصوت المزعج اختفى تماما >>> لكن اكيد بعد الاستهلاك لفترة يعني نقول 35 ألف كيلو بيرجع مثل أول

بالنسبة لمسألة الكفرات أنا مركب كفرات تويو الدعسة الرياضية
مقاس 16/55/225 ( عريض و رياضي ) و ماشالله السيارة فيها رساوة أحسن من أول .
قيمة الكفر الواحد 290 ريال شامل التركيب والترصيص .

اقتباس:

---

تشحيم عمود خلفي في السياره


أعتقد إنه عمود الكردان و تغيير زيت المكينه و تبديل أماكن الكفرات

---

الاكورد مافيها عمود كردان :001:
وانصحك بكفرات كونتنيتال 2 الالمانيه سعرها غالي لكن مريحه وخصوصا في اوقات المطر

اقتباس:

---

المشاركة الأصلية كتبت بواسطة الاخطبوط

^^^^^

---

اقتباس:

---

المشاركة الأصلية كتبت بواسطة الاخطبوط

مشكور يالشاويش فريد خلاص ركبت كفرات ميشلان من فترة وطلعت الوكالتين بريدجستون وميشلان كلهم قريبات لبعض :)

وطبعا الصوت المزعج اختفى تماما >>> لكن اكيد بعد الاستهلاك لفترة يعني نقول 35 ألف كيلو بيرجع مثل أول

---

عالبركه يا حسام

كم كلفتك ؟

و وش صناعتها ؟ فرنسي نفس الشد بلد و لا الماني

اقتباس:

---

المشاركة الأصلية كتبت بواسطة accord 06

عالبركه يا حسام


كم كلفتك ؟



و وش صناعتها ؟ فرنسي نفس الشد بلد و لا الماني

---

وكالة ميشلان ما عندهم الا الماني :d
واتوقع ان الكفر الواحد بـ 500 ريال :rolleyes: صح وللا لا يااخطبوطي العزييييييييز ;)


الميشلان صحيح انه مزعج شوووي ..... بس والله كفرات :cool:
عمومآ الله يعطيك خيرها ويكفيك شرها :)

اقتباس:

---

المشاركة الأصلية كتبت بواسطة accord 06

كم كلفتك ؟

---

اخبر الكفر الواحد مع الترصيص بـ 530 من الوكيل (الجفالي)
الا اذا زاد سعره مع الرز فهذا شي ثاني ..