السلام عليكم يااكوس اعضاء:d
المهم انا شريت اكورد لؤلؤي امس
والاستلام يوم الاربعاء
وابغاكم تنصحوني عشان احافظ عليها والاشياء المهمه خصوصاً انها اول سياره املكها
في حفظ الرحمن ورعايته :cool:
عرض للطباعة
السلام عليكم يااكوس اعضاء:d
المهم انا شريت اكورد لؤلؤي امس
والاستلام يوم الاربعاء
وابغاكم تنصحوني عشان احافظ عليها والاشياء المهمه خصوصاً انها اول سياره املكها
في حفظ الرحمن ورعايته :cool:
مبروك
والله يعطيك خيرها ويكفيك شرها
بما ان الموتر جديد
حاول تمرنها بالمعقول اول 1000 كيلو .
واذا بتحافظ عليها حاول تعود نفسك على السياقه الراكدها يعني زي سواقة ابو العيال .
وابتعد عن المقاومات وطلوع الارصفه وضرب الحفر .
ونصيحه مني حاول تلبس الارضيه بلاستيك علشان اذا انكب شي ما يعفن وتطلع له ريحه . وخاصه للي عنده اسره .
واهم شي استمر على صيانة الوكاله اذا مجانية اذا بفلوس لا يهمونك غير زيوت الموتر في محل محترم .
هذا اللي اقدر افيدك فيه .
وتقبل مروري
اخوك ابو عبدالرحمن
مبروك والله يعطيك خيرها ويكفيك شرها
عازل حرارة حتى الدركسون والقير والديكورات ماتتمسح معك
عدم طلوع المدخنين وعدم التدخين في السيارة لانه يبعثر الرماد ويحرق تنجيد الوكالة
وضع شماسة عشان الشمس ....الشركة يعطوك اياها في شنطة
تغيير زيت هوندا الاصلي نوعه 15 w 40 تغيره في قلف او شركة هوندا
تلبيس الشنطة وارضية السيارة نايلون والحفاظ على كيس الوكالة
يستحسن اذا تسوي كراش للسيارة لانه بعد فترة لا قدر الله تحصل حكات وخدوش على البوية من اشخاص مجهولة وحاقدة ....وشكرا
الله يعطيك خيرها وكيفيك شرهاا
اخووي ابي انصحك لاتهملها لانها ملكه والملكه لازم تحاافض عليها
وعلى العموم الله يوفقك ياارب
بس قبل 1000 كيلو لاتسرع عليها اووك حبيبي
والله يكتب فيه الخير والصاالح
اخوووك الهنااادي
اكوووورد عاااالم من اختياااري
^^^^^^^^^^^^^^^^^^
الله يعطيهم العافيه الشباب مقصروو
اول شي ممبروك عليك السيارة تقطعه بالعافـــيه..
ثاني شي ماقصرو الاخوان.. ولاتنسى كفرات السياره ع 35
تقبل مروري..
نصيحة مني أول ما تستلمها من الوكالة مباشرة شغل فيها سيدي سورة البقرة لأي قاريء يعجبك صوته. . عشان يتبارك الموتر إن شاء الله. . .وان حصل ما تشغل فيها اغاني افضلك
أنا والله العضيم شريت أكورد 2004 وكالة وقعدت حوالي ثلاث أو اربع شهور ما شغلت فيها أغاني <<طبعا هذا أيام الصبا والطيش:) ورحت ذاك اليوم وشريت راشد الماجد وشغلته . . والله العضيم شغلت الموتر وشغلت السيدي على طول وحركت أول ما مشيت يمكن متر واحد بس وأثر قدامي شجرة مقصوصة ولا شفتها واطاها مع الاسف وانزل أشوف يا الله اللي تحت الصدام انشق شق بسيط وتأثرت البوية وخليتها ما صلحتها لين بعتها . . شف كيف راحت البركة في الموتر بسبب هالاغاني
عاد ذيك السيارة ما قعدت معي يمكن الاثمان اشهر وبعتها جتني نفس منها وكرهتها كره ما يعلم بها الا رب العالمين مع انها كانت حلوه وشريتها عن قناعة لكن كم مرة بغيت اصدم فيها صدمات قوية لما كرهتها وبعتها . . والحمد الله على كل حال
أول شئ مبروك السيارة الله يعطيك من خيرها ويكفيك شرها أنت وكل واحد معاه سيارة
ثاني شئ عندك ( 10 ) نصائح 100% اهداء مني لكم :
1 - اذكر الله عليها
2 - ركب تظليل وتلبيس الارضية والوطايات
3 - لاتسرع والمشي بركآآآآآده
4 - لاتزين السيارة أكثر من اللازم ======= (( زينون + جنوط + تهبيط + ..... الخ ))
5- غير الزيت اذا وصلت 1000 أو اكثر يعني بعد انتهاء فترة التمرين
6 - حط عطر تعليقه بالمرايه الداخلية ===== (( ابوسفينه ;) )) هههههه
7 - ضغط الكفرات 35 أول أقل الى 29
8 - عادي تشغيل المكيف في فترة التمرين
9 - لاتفلل البنزين الى الآخر ... "عشان الحرارة والضغط" ولاتخليه ينقص عن الربع " عشان الطرمبه أوالصفايه حقت البنزين "
10 - لاتتردد في طرح أي سؤال في منتدنا المميز :cool:
مبروك الف
والنصايح ما قصروا معك الاخوااان