عرض للطباعة
السلام عليكم ورحمة الله وبركاته
لاهل الخبره
انا توني شاري سيفيك 2009 فل كامل
بس ابي استفسر عن شيئين
1- وش احسن بنزين للسياره 95 او 91
2- بالنسبه للقير اقدر احول السياره وانا امشي من تماتك الى عادي والعكس او لازم اوقف السياره
واشكركم على التغطيه الكامله للسيفك
وعليكم السلام هلا اخوي
والله شوف 95 افيد للسياره من ناحيه العزم وترى مافي فرق في السعر انا معايا سيفيك 2008 اعبي الفل 95 ب 24 ريال وواحد صاحبي معاه سيفيك 2007 يعبي الفل 91 ب 18 ريال فرق 6 ريال ...
وبالنسبه للقير نصيحه لا تلعب فيه مره ولاتستخدم الدبلات d1وd2وd3 خليك ماشي ع dاحسن عشان لايخرب عليك الجربكس
^^^^
الرجال تبترونك يحط القير بالـ s ويحول من الدركسون :)
اولآ الف مبروك والله يعطيك خيرها ويكفيك شرها
ثانيا الافضل انك توقف وتحط القير بالـ s وتتوكل على الله :cool:
انا اشوف 95 احسن
لاني حسبتها
الفرق 6 ريال في التانكي الواحد
تانكي 91 يمشيك 340 كيلو داخل المدينة
تانكي 95 يمشيك 380 كيلو داخل المدينة
يعني نفسها ال95 راح يمشيك اكثر
^^^
شي طبيعي يمشيك اكثر لانه اغلى والاوكتين 95 اكثر كثافه من 91
لكن نبي نعرف مين الافضل للسياره من ناحية اداء ومن ناحية راحه للمكينه :)
ونا نفس الكلام أبي أعرف شنو الأفضل لأني من شريت السياره من الوكاله مامره جربت بنزين 95
كل الشكر لكم اخواني على تفاعلكم للموضوع
والله يبارك فيكم
ومثل كلام اخوي
meshoo
نبي نعرف
وش الافضل لراحه المكينه
لان عندي مكتوب على باب التانكي (خالي من الرصاص)
السؤال هنا
95 خال من الرصاص او لا
^^^
95 و 91 كلها خاليه من الرصاص :cool:
انا اقول بعد عبيها 95 .. رغم ان انا اعبيها 91 بس ماشيه ويايي عادي ..
وجربت 95 يقولو ان الصرفيه اتقل بس ماشفتها قلت ولا شي ..
من جذي رجعت الى 91 ..
وبالنسبه الى القير ... انا أفضّل انك اتوقف السيارة اول وتالي اتحولها على القير العادي ..
اول شي مبروك السياره يعطيك خيرها ويكفيك شرها ثاني شي انا اقول 95 افضل ثالث شي بكم اخذت السياره انا افكر اطق لي وحده فل كامل بعد تنصحني فيها ولا ؟
95 احسنوانا مع ابو زكي بتوقيف السياره وتحويلها على القير عادي..
راجع الكتلوج اللي يجي مع السيارة، لا أتوقع أن السيارة تحتاج أكثر من 91 لتحصل على أداء المحرك كاملاً.
النوعيتين جيدتين للسيارة
ولكن اوكتين عالي زي الـ 95 احسن لمكاين الضغط العالي نفس السيفيك اللي الضغط فيها 10,5:1
انا جربت الاثنين فترة ، والـ 95 عزمه اقوى من الـ 91
بالنسبة للقير اذا كان قصدك التبترونيك فانت تقدر تعشقه حتى والسيارة ماشية ما راح تضر المكينة وروح دليل السيارة وراح تحصل نفس الكلام ، غالبية السيارات اللي قيرها تبترونيك ما توقف وتعشق ، تقدر تعشق وانت ماشي بالسيارة
لان السيارة مثلا تكون معشقة على الرابع ، لحطيته على التبترونيك راح تضل على الرابع بس تفرق انك بعصى التعشيق اللي ورا الطارة تقدر تنزله للثالث او تزيده للخامس :)
والله يعطيك خيرها ويكفيك شرها :)
بالنسبة للنزين .. انا اعبي 95 دايماً ..
و بالعادة التانكي يكفي اسبوع ..
لكن جيت مرهـ للمحطة قال مافيه الا 91 .. عبيت منه و بصراحة اشوف 95 احسن .. 91 صح ارخص بس يخلص على طول ..
اما القير .. ما اعرف عنه شي ..
السلام عليكم ورحمة الله وبركاته..................................
يعني الافضل 95 .بس ليا سنة كاملة اعبي 91 .
فاايش رايكم اغير ولا لا؟؟؟؟؟؟
بالتوفيق يالغالي
أوافق الأخ "السهم الأسود" في رجوعك للكتيب أو إرشادات مهندس الصيانة في الوكالة وخبرنا بالمعلومة الصحيحة بعد إذنك
ثانيا أنصحك بالبنزين الأعلى لأنه أكثر نقاء وبذلك يعطيك كفاءة أعلى التي تترجم لمسافة سير أكبر للخزان الواحد
وشكرا على مشاركاتك :cool:
أخي السائل فاتح الموضوع
لقد قمت بعمل بحث مبسط في مسألة البنزين المناسب للسيارة لأجلك ولكل أعضاء المنتدى الكرام لعموم الفائدة
أولا نريد أن نفهم هذا الرقم الذي هو 91 أو 95 أو 98 كما في مصر مثلا
هذا الرقم هو مقياس يدل على نسبة الخلط بين المادة سريعة الاحتراق قبل الإشعال والمادة التي تحترق عند توقيت الإشعال الصحيح
دعنا نقول أن البنزين الذي نضعه في السيارة عبارة عن خليط من مادتين أحدهما يشتعل بفعل الضغط والحرارة والآخر يشتعل بفعل بادئ الإشعال وهو شمعة الاحتراق أو "البوجيهات"
أي أن البنزبن مثلا 91 به نسبة المادة التي تحترق بالإشعال الصحيح 91 بالمئة والمادة التي تشتعل بالضغط 9 بالمئة فقط وهو الإشعال غير الصحيح
وإذا علمنا أن دورة الاحتراق تتم في أربع مراحل كالتالي
سحب الوقود
الضغط
الإشعال
إخراج العادم
فإننا نلاحظ أن نسبة 9 بالمئة التي تحترق بالضغط تبدأ بالاحتراق قبل وقتها المحدد (طبعا نتكلم عن فارق في الوقت محسوب بأجزاء الثانية ولكنه طبعا يؤثر في الأداء العام للمحرك)
أبقى لك استنتاج عواقب ذلك
وبالتالي إدراك أهمية خفض نسبة المادة التي تحترق في غير الوقت المطلوب وهي نسبة 9 بالمئة في البنزين 91 ونسبة 5 بالمئة في البنزبن 95 ونسبة 2 بالمئة في البنزين 98
شكرا لكم وآسف على الإطالة
:cool:
بالنسبة للبنزين ارى ان 95 افضل واجود للمكينه من ناحية العزم والمحافظه.
اما القير فاوالله لااعرف وللكن الاحتياط وتوخي الحذر والتأني خير وبركه وآمن بإذن الله تعالى
والله الموفق