الي ببدل كفراته اليوم يخش

السلام عليكم ورحمة الله وبركاتة

امس رحت بابدل كفراتي الى دنلوب ولاكن كان مسكر

ودخلت بريللي
عندهم عرض الي هو

اشتري 8 كفرات ونحصل خصم 50%

سالت عن كفرات الاكورد مقاس الوكالة اربع كفرات قال لي تقريبا ب 2150ريال
قلت له طيب لو بشتري 4 اضافية قال تحسب بنصف السعر يعني رايج يكون 1075ريال
المجموع الكلي 3225
لو قسمنه المجموع على 2
بيطلع لكل اربعه كفرات ب 1612

لاسعار تقريبيه ( بس لما حسبهم لنا العامل طلع السعر يطلع في لاخير لكل شخص ب 1680 ريال)

بس سنه التصنيع 2012

فمحتار بين ابدل دنلوب او برييلي بس احتاج احد من المنتدى يبدل كفراته معي :d انا استفيد وهو يستفيد مين ببدل كفراته ونبدلهم مع بعض ( الموقع الخبر بجانب البريد UPS)

http://www.hondaarabia.com/club/t60783/

شف رابط موضوعي

انصحك لا تشتري من هذا الي مسوي عرض يبي يمشي الكفرات عليك 2012 له تقريبا 8 شهور وشوي يعني مخزن

شف لك واحد من هذي الكفرات الي بموضوعي

واذا كنت تبي سعر كويس شف هانكوك بـ 450 ريال وعادة تلقاه جديد بالتاريخ 2013 المجموع 1800 ريال

120 ريال زيادة واكسب راحة بالك + الكفر خذه من بن شيهون فقط فقط


اهم شيء بالكفرات التاريخ يكون جديد وبحد اقصى ما يتعدى 6 شهور عشان تضمن انه جديد وما تأثر بالتخزين

انصحك انك تشتري الكفرات من الوكيل وليس الموزع او المحلات لان تخزينهم سيء جدا والكفرات معرضة للرطوبة والحرارة والهواء والضوء + مصدر الكفرات يمكن يغشك فيه وبعضها تكون فيها عيوب مصنعية

ركب كفرات هانكوك كوريه لينه و كويسه وسعرها جيد

205\60\r16 سعر طقم مقاس الوكاله على ما أظن 1200 ريال أو أقل

وأنا ركبت قبل 11 شهر تقريبا كفرات هانكوك كوريه وتاريخها جديد

215\60\r16 بـ 1400 ريال مع التركيب والترصيص .. من محل كفرات ابو يمن

ما أمداني أروح لوكيل هانكوك بن شيهون لأني كنت مستعجل ومظطر

ولا لقيت عند أبو يمن إلا مقاس أعرض شوي من الوكاله

هذي ثاني مره أركب طقم كفرات هانكوك
وأخوي بعد هذي ثانيه مره يركب طقم كفرات هانكوك


أهم شيء :

1) خذ كفرات أصليه و تاريخها جديد والحراره A والتراكشن A

2) حاول تاخذها من وكيل هانكوك بن شيهون

3) البعض ينصح بأنك تاخذ دعسه عاديه وليست دعسه رياضيه .. لأن العاديه اتوقع اقل ازعاج وأقل قساوه

http://www.alargam.com/sorts/64/tires.jpg

http://www.saso.org.sa/Arabic/Publis...ages/tires.jpg

http://4.bp.blogspot.com/_Ozuftx4p9T...00/tires13.bmp

الكفرات وماادراك مالكفرات والله يالغالي هذا الموضوع الي مستحيل تحصل اثنين يتفقون عليه كل واحد عنده ويشوفه افضل نوع شوف انا بالنسبة لي جربت نوعين بس ميشلان وبرجيستون طبعا كل النوعين زينة بس عندك ميشلان عيبه يصلب ويطلع صوت عشان كذا جلست على برجيستون وماشاء الله ماشية معاي تمام عاد تصدق نا وي اغير هاليومين