مساعدتكم يا شباب اكورد 2004

مرحبا شباب
ارجو الافاده من اصحاب الخبره
اشتريت اكورد 2004 السياره حلوه مررره
لكن فيها بعض المشاك التاليه
1- زيت الدركسيون نقص علما ان راعيه الاول عامللها قم اصلاح
2- مسجل السي دي بعد ما يدخل فيه السي دي يعاود يطلعه ( ما يقرأ)
3- الريموت شغال لكن الكفر الخارجي للريموت (البلاستيك ) مكسور
4 - الزجاج يلي جهة السايق بعض الاوقات عندما ارفعه يعاود ينزل لوحده ( ليس دائما)
5- يمكن وليس اكيد ( تحتاج الى تغير عض القطع في المجموعة الامامية مثل الاذرعة والمقصات )
ابغى نصيحه وين اصلح ومن وين ابدأ
مشكورين ، ولا تقولون اني اشتريت سيارة ما تسوى من كثر المشاكل هاهاها :o

1- زيت الدركسيون نقص علما ان راعيه الاول عامللها قم اصلاح
في فرق بين نقص وبين ترشيح أنا عندي ترشيح وكل ماغيرت زيت الماكينة زودت زيت الدركسون شوي
2- مسجل السي دي بعد ما يدخل فيه السي دي يعاود يطلعه ( ما يقرأ)
تاكد من امتداد الملفات اللي على السيدي لان مسجل الاكورد من 2003-2007 مايشغل mp3 يشغل أغاني محروقة على السيدي ويسمونه سي دي audio

3- الريموت شغال لكن الكفر الخارجي للريموت (البلاستيك ) مكسور
انا غيرته من محل مفاتيح ب 50 ريال طبعا فك الريموت منه وطلع قطعة سوداء لصقها بسوبر جلو وقص مفتاح جديد كل هذا ب 50 ريال أو عندك حل ثاني تروح تشتري مفتاح بريموت جديد من الوكالة وتروح تقصه برى وترجعه لهم يسووله برمجة وخل المفتاح المكسور بالبيت سبير
4 - الزجاج يلي جهة السايق بعض الاوقات عندما ارفعه يعاود ينزل لوحده ( ليس دائما)
انا هاذي المشكلة كانت عندي بسيارتي اللي قبل الاكورد وكانت كورولا يومها انكسر زجاج السايق وغيرته بعدها صرت ارفعه اوتو يطلع للاخير وبعدها ينزل رحت عند نفس المحل حق القزاز قالي يبغاله برمجه وقتها دفعت 70 ريال وطلع اوكيك بس انا راح اقولك الطريقة لانها سهلة مررررة بس سواها على الكورولا يعني ما اضمن لك نتيجتها على الاكورد الطريقة انه فك ديكور الباب وطلع القزاز برى وبعدها فك ماكينة الشباك نفسها وطلعها برى بعدها فك الدينمو اللي يرفع وينزل رجع بعدها ركب فيش الوكالة وركب السويتش اللي يرفع وينزل القزاز وبعدها فتح السويتش وضغط على الزر انه ينزل القزاز بعدها الدينمو قام يفر ووقف لحاله وبعدها ضغط على الزر انه يرفعه بالاوتو يعني علق على الزر انه يرفع اتوماتيك وبعدها جلس يفر الدينمو ووقف لحاله وبعدها رجع كل شي مثل ماكان والوضع تمام
5- يمكن وليس اكيد ( تحتاج الى تغير عض القطع في المجموعة الامامية مثل الاذرعة والمقصات )

بالنسبة للورش اذا انت في الرياض في ورشة اسمها ورشة الجنوب شغلهم تمام وبأسعار شبه معقولة






اتمنى اني افدتك ولو في شئ ثاني اسال وعلينا الجواب



اخوك /أبو دلع

مشاكلك حلها عندي رغم ان سيارتك مثل موديل سيارتي ومرت علي هالمشاكل
زيت الدركسون ينقص تأكد من الليات واذا زينه يبقى عندك طرمبه دركسون سو لها اصلاح ب٣٥٠والقطع تكون اصليه اسئل مجرب وانا أخوك

مشاكلك حلها عندي رغم ان سيارتك مثل موديل سيارتي ومرت علي هالمشاكل
زيت الدركسون ينقص تأكد من الليات واذا زينه يبقى عندك طرمبه دركسون سو لها اصلاح بثلاميه ريال بس أهم شي القطع تكون اصليه اسئل مجرب وانا أخوك
واذا ع السي دي يطلع رح لمحل وخله ينظفه لك بأربعين ريال
واذا زان وصارت الاغاني تقطع يبقى يبيلك تغير عدسه الي وسط المسجل بميتين ريال واذا على قزازه هذي من الازرار الي تتحكم بالدرايش الي جوا السياره رح لتشليح وخذلك ازرار وتعطيهم البديل بس تكون نظيفه وعلى الشرط تلقها بحدود اربع ميه البلا منها صارت لي هذي رح لورشه يركبها لك بثمانين ريال وان شاء الله امورك طيبه يآ الذيب الله معك
أتمنى أكون افدتك ..

اخواني ابو دلع و بقايا حب مشكورين جدا على الافاده
لكن راعي السيارة الاول غير طقم اصلاح لطرمبه الدركسيون لكن بدون فائده
ان كلمت الوكاله وخبروني انهم يبدلون ليات الدركسيون و انبوبة الهوا مجانا لجميع السيارات موديل 2003 الى 2007 بسبب عيب مصنعي
واعطوني موعد يوم الثلوث

ما ادري هي نفس الليات حق الطرميه ولا لأ ، اذا ما زبطت رح اروح ورشة الجنوب في صناعية ام الحمام انشاء الله

مشكورين

اخو ابو دلع تقد تدلني على محل المفاتيح ومحل الزجاج
مع الشكر

محل الزجاج أسمه زجاج السالم بالصناعية القديمة بس في واحد جنبه اسمه زجاج الزاهر هو اللي سويتها عنده


محل المفاتيح خلي زجاج الزاهر على يمينك وامشي سيدا كانك بتروح الملز يجيك كبري الصناعية سوي يوتيرن من تحت الكبري بتحصل محلات المفاتيح بوجهك اتوقع اسم المحل العجاجي واللي جالس بالمحل سعودي وتعامله اخلالالاق

1- زيت الدركسيون نقص علما ان راعيه الاول عامللها قم اصلاح
قم بتشييك على الدودة يمكن فيها تهريب , سيارتي حاليآ في الوكالة بسبب الدودة
2- مسجل السي دي بعد ما يدخل فيه السي دي يعاود يطلعه ( ما يقرأ)

والله يحتاج تنظيف للعدسات فقط ان شاء الله
3- الريموت شغال لكن الكفر الخارجي للريموت (البلاستيك ) مكسور

مافهمت
4 - الزجاج يلي جهة السايق بعض الاوقات عندما ارفعه يعاود ينزل لوحده ( ليس دائما)
آها شوف في أعلى الجلد اللي عند القزاز حاول تنظفها زين
انا كان عندي مثل اللي عندك , لكن لاحظت ان الجلد لافه شوي جهت القزاز
فلما ارفعه بخاصية الاوتو طبيعي يرجع , لفيت في مكانه الطبيعي وصار مثل العسل
5- يمكن وليس اكيد ( تحتاج الى تغير عض القطع في المجموعة الامامية مثل الاذرعة والمقصات )

حبيبي شوف اذا تحتاج والا سوي لها تشييك فقط

ما شاء الله الأخوان اعطوك كل الحلول الممكنة ، وأحب أضيف - كحل مؤقت - بالنسبة للزجاج جهة السائق: إذا رفعته وقبل ما يرتفع للنهاية أضغط عليه بشكل خفيف براحة يدك للأعلى وما رح ينزل إن شاء الله.

مشكورين يا شباب والله ما قصرتوا
امس كنت عند ورشة الجنوب و كانت المشكلة في الدوده فكها زبطه واعطاني كفاله شهرين واخذ 530 ريال

وقالي انه السياره بحاجة تغير مقصات وطلب 300 ريال اجور القطع واجره يده وكان الوقت متاخر اتفقنا ارجعله يوم الخميس

وقالي ان المساعد اليمين فيه تهريب زيت خفيف فاذا حبيت اغيره لازم اغير اليساره معه وسعر اليباني ( ليس الاصلي ) 175 ريال


بالنسبه الزجاج فعلا عندا اضغط عليه شوي من فوق ما بيسكر لكن انا ما ابغى كل ما اسكر الزجاج اضغط عليه

بكن عندي سؤال ايهما افضل ورشة الجنوب يلي في ام الحمام ام ورشة الجنوب يلي في الصناعية القديمة


مشكورين جدا