والله مقهورر .. يقولون توضيب قير

السلام عليكم
سبق واني نزلت موضوع قبل شهرين يمكنعن مشكلة سيارتي
هو ان عزم الموتر طايح واعلى سرعه توصله 170 وبالمسايسه بعد

المهم وبعد محاولات فاشله لكشف المشكله قررت الذهاب للرياض وادخله الوكاله

دخلته الوكاله واخذو 400 وسوو لي فحص كامل من .. الى..

طلع لي تقرير الاعطال صفحتين وجميعها تكلف 25,700ريال وبعد الخصم 25,000ريال :eek:

المهم يقولون حل مشكلة العزم تصفية مكينه و توضيب قير (تكلفة التوضيب 3000ريال فك القير من غير القطع)

ابفهم القير يرديء عزم السيارة؟؟ <<< مادخلت مخي

شكيت بهم والغريب انهم طالبين تغيير بواجي وانا مغيره قبل الفحص بخمس ايام ومن الوكاله

بعد هذا الكلام رحت لشركة شلنجر متخصصه قيوور
ساق الفني السياره ويقول تغيرات القير طبيعيه ومافيها مشاكل قيرك سليم


وشرايكم ياشباب والله ودي اصرخ من القهر طفشت من الصناعيه

وش تنصحوني فيه؟؟؟؟؟؟؟؟؟؟؟؟؟؟؟؟؟؟؟

وش موديلها

رح ورشة ثانيه وثالثه حتى تتأكد ان القير سليم

واستفيد من التقرير بتصليح الأشياء الثانيه غير التوضيب وتغيير القير !

وإذا القير خربان وراح فيها , خذ القير من التشليح والقطع الآخرى . :)

اقتباس:

---

المشاركة الأصلية كتبت بواسطة القرني07

وش موديلها

---

2004 , بناء على مشاركات العضو :)

اقتباس:

---

المشاركة الأصلية كتبت بواسطة القرني07

وش موديلها

---

2004 مثل ماقل حبيبنا كنج

اقتباس:

---

المشاركة الأصلية كتبت بواسطة King

رح ورشة ثانيه وثالثه حتى تتأكد ان القير سليم

واستفيد من التقرير بتصليح الأشياء الثانيه غير التوضيب وتغيير القير !

وإذا القير خربان وراح فيها , خذ القير من التشليح والقطع الآخرى . :)

---

اقول لك لي شهرين وانا اطامر بين هالورش

المشكله اني ماني متأكد ان القير خربان او لا اخاف احط عليه 3000 ريال وهو مو المشكله

ومشكلة التشليح انه اكثره يكون رجيع(موضب) يعني لو ابي اوضب قيري افضل

شي يقهر

الله يكون بعونكـ

بما ان القير يعشق بسلاسة وياخذ النمر كاملة الى الخامس معناته انه سليم مشكلتك اتوقع تكون في حساسات المكينة والبخاخ ومتعلقاته وافحص الكويلات وطبعاً عوارض مشاكل البخاخ تقطيع او عدم صفاوة للمحرك كتمه وبالتوفيق .

بحكم خبرتي الكثيرة في الميكانيكا القير مافيه اي شئ ابدا لكن المشكلة لابد تشيك على الاتي
1- البواجي واسلاكها والكويلات
2- تنظيف الثروتل بدي والبخاخات
3- والاهم فحص طرمبة البنزين وهذا شئ مهم لانها لوكانت ضعيفة رايح تسبب ضعف السيارة وهذا ماحصل معي لانه كان معي مرسيدس وغيرت كل شئ ومانفع
اخر شئ طلع من طرمبة البنزين السيارة تدوس تحس انها ثقيلة وبطيئة
لذلك سيارتك مشكلتها ليس بالميكانيكا بل المشكلة في الكهرباء

اقتباس:

---

المشاركة الأصلية كتبت بواسطة THE SILVER ACCORD

وعليكم السلام ورحمة الله وبركاته

مرحبا الساع :)

اتوقع يا أخوي :

----------
ملاحظة مهمة :
# لا تنسى تفصل ( قطب \ اصبع \ سلك ) البطارية ( السالب ) قبل تبدأ بالتنظيف أو تفصل البطارية كلها :d
---------
تحتاج تنظيف حساس (سنسر) الهواء ( لازم منظف خاص بحساس الهواء )
( بس رش عليه لا تلمسه أبد أبد ) وتخلية ينشف ثم (بعدين) تركبه

لا تنسى ... رج البخاخ زين قبل ترش

http://image.gmhightechperformance.c...or_cleaner.jpg


وبعد تقدر تنظف الثروتل بودي throttle body >>> لكنها تحتاج خبير وممكن تنظيفها يسبب لك مشاكل يصير الـ RPM يلعب (يعني يتحرك فوق وتحت )

وتحتاج منظف خاص بالثروتل بودي واذا ما حصلت كلش ( ابد ) تقدر تستخدم منظف الكاربيرتر

http://www.jhpusa.com/store/pc/catal...tbody-68_d.jpg

وتنظف بخاخات البنزين Fuel injector >>> تقدر تنظفها بكراج صيانة

http://image.turbomagazine.com/f/149..._injectors.jpg
... أو تصب \ تضيف محلول تنظيف البخاخات مع بنزين السيارة (يعني تضيفه بخزان البنزين)
بس لازم يكون المحلول أصلي وأمريكي وعالي الجودة

وتأكد من البواجي (البلكات ما أدري <ما أعرف > اسمها صح أو لا :d) وفلتر البنزين ... اذا تحتاج تغيير غيرها
http://www.mini-madness.com/ProductI...park-plugs.jpg

وافحص الكويلات Ignition Coil

http://www.biztrademarket.com/User/1...2230-1_p9n.jpg


وان شاء الله تنحل مشكلتك وترجع وكالة :cool:
ولا تعبي بنزين أوكتين منخفض 91 ... الأفضل 95 أوكتين

الله يعينك يارب
اذا ما فهمت شي قولي ( خبرني :d)

---

هذا رد اخونا ذا سيلفر اكورد في احد المواضيع وصراحه عجبني الرد جدا

وان شاء الله اذا سويت الخطوات اللي قال عليها الغالي يرجع العزم زي ماكان واحسن

واتمنى انه مايكون للجير علاقه

بالتوفيق

اقتباس:

---

المشاركة الأصلية كتبت بواسطة traveller

بما ان القير يعشق بسلاسة وياخذ النمر كاملة الى الخامس معناته انه سليم مشكلتك اتوقع تكون في حساسات المكينة والبخاخ ومتعلقاته وافحص الكويلات وطبعاً عوارض مشاكل البخاخ تقطيع او عدم صفاوة للمحرك كتمه وبالتوفيق .

---

انا هذا الي محيرني
بس انا ماني عارف وش اسوي

وموضوع سيلفر اتوقع هو الاقرب لحل المشكله

وطرمبة البنزين كذا واحد يقول هو السبب بس الي حيرني كلام الوكاله
قيمة الطرمبه 1500 ريال اخاف اغيره مو هي المشكله

عموما انا بحائل وماعندنا ورش متخصصه هوندا

ياليت تدلوني ع ورشة ببريده او بالرياض تشتغل الاشياء الي بموضوع سيلفر

وشاكر لكم جميعا ياشباب والله يجزاكم الف خير
لا عدمناكم

حبيبي اذا كان في صوت القير وانت تمشي صوت ونه فهاذا قير يكون رمان بس لكن من ناحية العزم

فهاذا مشكله كهرب تدورها عن طريق الفحص اوحساس بخاخ وسلامتك ....القير اذا ما كان فيه صوت تراه سليم

وشيك على كويلات بواجي اي شي فيه كهرب وتقبل مروري.....

لوتروح الرياض وتكشف على السيارة في الوكالة

كشف فقط

وتتاكد من القير

يكوون احسن

السلام
علي حسب كلامك السيارة توها تحت ا لضمان ياخي هم يصلحوها ولا اتصل على 8001241616
وهم يتفاهموا مع الوكالة فتح ياخوي
ترها جيده

اقتباس:

---

المشاركة الأصلية كتبت بواسطة اكوردتي

حبيبي اذا كان في صوت القير وانت تمشي صوت ونه فهاذا قير يكون رمان بس لكن من ناحية العزم

---

اقتباس:

---

المشاركة الأصلية كتبت بواسطة اكوردتي

فهاذا مشكله كهرب تدورها عن طريق الفحص اوحساس بخاخ وسلامتك ....القير اذا ما كان فيه صوت تراه سليم

وشيك على كويلات بواجي اي شي فيه كهرب وتقبل مروري.....

---

القير مابوهـ صوت ابداً وتغيراته عاديه( بس العزم مررره ثقييييل)

شيكت ع الكويلات ومغير البواجي وفحصت كهرب كمبيوتر يمكن 4 مرات ولا فيه اي نتيجه

:( :( :(

اقتباس:

---

المشاركة الأصلية كتبت بواسطة م ج رد حلم

لوتروح الرياض وتكشف على السيارة في الوكالة

---

اقتباس:

---

المشاركة الأصلية كتبت بواسطة م ج رد حلم

كشف فقط

وتتاكد من القير

يكوون احسن

---

المشكلة اني كشفت بالوكاله وهم الي يقولو توضيب قير والقير تغيراته عاديه ومافيه مشاكل (بس العزم ثقييييل)

اقتباس:

---

المشاركة الأصلية كتبت بواسطة النمر الاسود

السلام

---

اقتباس:

---

المشاركة الأصلية كتبت بواسطة النمر الاسود

علي حسب كلامك السيارة توها تحت ا لضمان ياخي هم يصلحوها ولا اتصل على 8001241616
وهم يتفاهموا مع الوكالة فتح ياخوي
ترها جيده

---

والله اني مادري السيارة تحت الضمان او لا؟؟ كيف اعرف؟؟ علماً بأن السيارة 2004 وماشيه فوق الـ200 الف كم

يوم كشفت عالسيارة غيرو ليات الدركسون ع الضمان مجاناً

_________________________________________

طيب دام الوكاله تقول قير
تتوقعون ان المشكة من الكلتشات ؟ ؟؟؟



..

اخوي كيف تعاشيق
يعني الضغط يوصل الى كم لين يعشق \ هل يخذ وقت لين يبدل بين التعاشيق
من كلامك السيارة توصل الى 170 ما اتوقع القير
يمكن الجنزير يبيله وزان
على العموم اذا توصلت الى حل قل لينا لاهميت الموضوع عشان الناس تستفيد
و انشاء الله خير

اقتباس:

---

المشاركة الأصلية كتبت بواسطة ابو علي

اخوي كيف تعاشيق
يعني الضغط يوصل الى كم لين يعشق \ هل يخذ وقت لين يبدل بين التعاشيق
من كلامك السيارة توصل الى 170 ما اتوقع القير
يمكن الجنزير يبيله وزان
على العموم اذا توصلت الى حل قل لينا لاهميت الموضوع عشان الناس تستفيد
و انشاء الله خير

---

التعشيق طبيعي مافيه ملاحظات

آهـــــــ بس يامن شراله من علاله حله :( ( قصدي من حلاله عله:p)

ابي اسوي حفله اذا لقيت المشكله ولا يهمك

اخوي رح لورشة اسمها عبد العزيز باصناعية الجديدة عنده مهندسين وشغلهم كله على الضمان يعني تشتري القطعة ولاتصير هي المشكلة يعطونك فلوسك فهمت

رح لهم وخبرناااااااااااا وش يصير معك

واي خدمة انا حاضر

الكل طالع في مشكلة السيارة بالرغم ان في مشكلة اكبر من مشكلة السيارة
ال25700 ريال معقول ان في صيانة بهذ المبلغ والله من جد قهر
الله يكون في عونك اخوي وأنا من رأي انك تبيع السياره

حبيبي القير ما له اي دخل بكل الي تقول

دام يعشق بأنتضام يعني متكون السياره تمشي ب3 وفجأه ترجع ل2 يعني لخبطه

القير ما له اي دخل , والمكينه كيف أشتغالها ؟ يعني فيها رجه ولا تقطيع ؟

اقتباس:

---

المشاركة الأصلية كتبت بواسطة الحايلي1

اخوي رح لورشة اسمها عبد العزيز باصناعية الجديدة عنده مهندسين وشغلهم كله على الضمان يعني تشتري القطعة ولاتصير هي المشكلة يعطونك فلوسك فهمت

رح لهم وخبرناااااااااااا وش يصير معك

واي خدمة انا حاضر

---

الله يعطيك العافيه يابعد حيي انت

لك رساله ع الخاصه

اقتباس:

---

المشاركة الأصلية كتبت بواسطة عبودي 2009

الكل طالع في مشكلة السيارة بالرغم ان في مشكلة اكبر من مشكلة السيارة
ال25700 ريال معقول ان في صيانة بهذ المبلغ والله من جد قهر
الله يكون في عونك اخوي وأنا من رأي انك تبيع السياره

---

يارجال مع هوندا كل شي جايز

وفكرة بيعة السيارة مارحت عن بالي .. دخلتها معارض النسيم بالرياض جابت لي 27 الف بعد الفحص انا شاريه قبل سنه بـ30الف تخيلو حتى الي يبي يشتريه ماحس بالمشكله (لانه مامسك خط)
بس فكرت وماحبيت اني ابيع ذمتي وابيع سيارة خربانه واستخرت

اقتباس:

---

المشاركة الأصلية كتبت بواسطة الشقاوي

حبيبي القير ما له اي دخل بكل الي تقول

دام يعشق بأنتضام يعني متكون السياره تمشي ب3 وفجأه ترجع ل2 يعني لخبطه

القير ما له اي دخل , والمكينه كيف أشتغالها ؟ يعني فيها رجه ولا تقطيع ؟

---

انا محتار من كلام الوكالة ..

عندي تقطيع خفيف احياناً او ما المس الدعسه يحس به السواق بس وقليل يطلع معي

طيب جرب توزن البلوف
والأجزاء الكهربائية ( بواجي _ كويلات _بخاخات _ طرمبة البنزين )

والله اعلم
ودمتم سالمين :)

اهم شي اذا تبي السلامة لا تروح لورشة اياد بالصناعية الجديدة لانه حاس مريري وخرب علي السيارة الله لايوفقه

اللي اسم ورشته مركز الكمبيوتر الحديث طلع اللعين ماعنده ماعند جدتي

واذا تبي رقم واحد بالرياض تخصصه قيور احنا حاضرين

متى آخر مرة غيرت زيت القير والفلتر ؟
أو شيكت على مستواه ؟

طبعا الأفضل بالوكالة

( تغيير الزيت + الفلتر الخارجي )

* تغيير الفلتر الداخلي مكلف

--------------------------------

متى آخر صيانة سويتها للسيارة ؟

(بواجي - فلتر بنزين - فحص كويلات - تنظيف بخاخات ) والخ ...

الله يعينك
ولاتنسى المكاسرة (محاولة تخفيض السعر) :)
ولا تروح الا لورشات فاهمة وممتازة :cool:
عشان ما يحوسون سيارتك