تلميع الأنوار ( الأسطبات ) الأمامية فقط ب 30 ريال
بسم الله الرحمن الرحيم
السلام عليكم ورحمة الله وبركاته
كيف حالكم جميعاً ان شاء الله بخير
انا كانت أنوار سيارتي الأمامية فيها عج خصوصا اللي على اليسار ) فيها كثير
بسبب العج والغبار والتغبير أيام المطر :d << بعض الأحيان مو دايم والصولات والجولات :d
وأيضا ( طبقة الحماية الشفافة ) قبل كنت احطها
المهم قبل كم يوم
قررت ألمعها ودورت لي محل تلميع شغله حلو وبسعر معقول التلميع ب 40 ريال وكاسرته الين قلت بس :d قال خلاص 30 حاولت انزل السعر لـ 25 :d ما قدرت
وكنت واقف على راسه وأشغلته :d ( يبغى 100 % ومافي خراب أكيد :d :confused: لأنه يبي يصنفرها :rolleyes: )
وخليته يشتغل للنهاية
وأطلع الواكس WAX ميجوايرز من داخل السيارة وقلت له ( حط منه ) ولمع النور عشان يبغى يصير كويس 100% (وانا هدفي طبقة شمع حماية للشمعات)
المهم قال كويس الحين يا محمد واطالع بالنور زين :shocking: قلت له خلاص كويس :cool:
وعطيته 30 ريال فقط لا غير
ومشيت وانا مبسوط وهو بعد مبسوط ولله الحمد ( أن الأنوار صارت نظيفة وتلمع ورجعت شبه وكالة :) )
والنور صار أقوى وانتشاره أفضل لأن الأسطبات مافيها عج وصافية وتلمع
&& شمعات سيارتي &&
ألمانية
الواطي >> 70 واط ( الوكالة 51 واط ) * المجموع : زيادة 38 واط *
والعالي >> 100 واط :eek: ( الوكالة 60 واط ) * المجموع : زيادة 80 واط *
مجموع الزيادة الكلية : 118 واط
حتى لمبات اللوحة أقوى من الوكالة 7 واط ( الوكالة 5 واط )
زيادة 120 واط :ANSmile08:
ولي أكثر من سنة
& قولو ما شاء الله لا تضرب الفيوز أو تحترق الظفيرة أو الشمعات & :d
وان شاء الله برجع كل الأنوار شد بلد :)
لأني خايف تأثر على الكهرباء
خطوات التلميع : تثقيف فقط لا تلمع بنفسك ( تعدم النور ) , لأنها تحتاج خبرة ومواد خاصة
1) يرش النور بمادة خاصة ويصنفرها بالكامل بصنفرة ناعمة (بعد تبليلها بالماء )
2) يمسح النور بقطعة نظيفة ومبلله
3) اذا دعت الحاجة يكرر الخطوة 1
--------
4) يضع ملمع خشن كمية كافية وموزعه ويلمعها بمكينة (صاروخ) التلميع
5) اذا دعت الحاجة يكرر الخطوة 4
-------
6) يضع ملمع ناعم كمية كافية وموزعه ويلمعها بمكينة (صاروخ) التلميع
7) اذا دعت الحاجة يكرر الخطوة 6
------
وبالنهاية يمسحها بقطعة مبللة ويرش سائل ويمسحها مرة ثانية
وما شاء الله تبارك الله فرق شاسع عن قبل
وشغل نظيف
اللي اسطباته تمام :cool: لا يلمعها ( صنفرة + ملمع خشن )
انا اظطريت ألمعها وصراحة كنت خايف يعدم علي النور ويتخدش بسبب الصنفرة
لكن الحمد لله الأمور كويسة :cool:
لكن فيه اذا دققت فيها :rolleyes: (بعض الحفر والخطوط الصغيرة) :mad: اتوقع من العج لأنها محفورة شوي وما تروح بالتلميع :rolleyes:
نصيحة اللي معاه موتر جديد ( يركب فلم حماية ممتاز للنور الأمامي والكشافات )
أخيرا وش رايكم بالتنسيق :d لأني تعبت عليه
* ما حبيت أسوي ~~ @@ ^^ ,< × ÷ والخ ... عشان يكون سهل قرائته *