بسم الله الرحمن الرحيم
السلام عليكم ورحمة الله وبركاته
http://www.moshreq.com/up/uploads/8dbc040d97.png
اكيد في ناس سمعت عن برنامج دريفن الي يجي في MBC اكشن
واكيد في ناس من مهتمين بسيارات مثلي شافو البرنامج
هو البرنامج جميل و الاجمل انه مهتم بسيارات وبكل شي متعلق بلسيارات
من تغطيات واخبار السيارات الى السيارات المعدلة في العالمنى العربي
لاكن برائيي انا المتواضع اشوف انه برنامج فاشل بكل المقاييس
والسبب هو تقليد برنامج الشهير توب جير
في كل شي يحاولو يقلدو توب قير من مقارنات و من اللكنه اللغة الي ينطقوها مثل الأودي بفتح الالف و فوكس وجن بضم ال" ف " و ضم "و" والكثير
وهذا غير الأستديو الي مدري انا ايش يبغى بلقوة يبو يقلدو توب قير
ولا من بعض الفقرات الي مادري ايش لها لزمة
فقرة البنت الي تجيب اغراض وتجلس تمدح فيها وفي الحقيقة كلها اشياء قديمة اكل عليها الزمن ولاحد صار يشتريها من شماسات واشياء غبية
ولافقرة السيارات المعدلة
السياره المعدله الجمس البنفسجي يلي وحدة بنت معدلتها وحقتها الاخ يحيى ماقصر تبطح معاها في السيارة ورى وجالسين يهذرون عن سيارتها بنفسجية من برى وبنفسجية من داخل وحاطة لها جنوط ومشترية لوحة مميزة بأسمها !!!
جد أم السخافة وفي نهاية تقول أنا صديقاتي يحبون هالسيارة والكل معجب فيها ومن هالخرابيط وركبت ورى وأدعس يادرايفر !!!
يعني جالسين مع بعض في سياره من غير محرم ومن غير اي حاجة وكانهم يشجعو على معصية الرب
ولافقرة قاموس الحواري
ايش الانحطاط هدا بالله هدا برنامج سيارات ولا مسخره ويعلمو الواحد يتعلم لغة الحواري بدال ماتعلمهم لغة العربية لموظيفها و لمقدمين برنامج من رائد ابوزنادة و يحيى زواوي ولا جالسين يشخبطو في الشارع والجدران تقولو في شيكاغو وملابسهم الي مدري ايش تبغا
ولا المقدمين البرنامج
الاخ الفاضل رائد أبو زنادة
والأخ الفاضل يحيى الزواوي
مدري على اي اساس جابوهم يقدمو برامج لو كانو يقدمو طلبات في كورنيش كان اصرفلهم
بلعربي مهويين ولغتهم في الكلام وحركاتهم تقهر الواحد
http://www.vb.6lal.com/images/smilies/005.gif
المفيد و زبدة الموضوع
mbc فشلت في هدا البرنامج من برنامج توب قير افضل برامج السيارات لدريفن الي مدري ايش يبي من حياته
صحيح في اشياء حلوة وفقرات وهي ممكن فقرتين فقط والباقي تعبان
وانتم ايش رائيكم
