لمن لا يغير زيت عند الوكالة

السلام عليكم


وش الزيت المناسب للكورد ( الملكة ) 2008- 2010

افضل وانسب زين لمحركات هوندا بشكل عام

زيت هوندا الاصلي

وخليك من فوكس كاسترول وغيرها ..

وإن شاء الله ماتشوف منها إلا كل خير

وين الاقيه اخوي ؟؟؟

في الوكاله الخدمه السريعه

يعني تروح وتغيره عندهم وماياخد منك وقت الا في حالة الزحمه

زيت هوندا تلقاه بمحلات غيار الزيت العادية العلبة بـ14 ريال حتى اللحين

انا جربته ماهو زين

4000 وتلقاه محترق متغير لوونه

خلك بس على كاستروول جي تي 10 دبليو 30

ولاتغير الا كل 5000 او 6000 بعد مايضر

انا سألت في الوكاله .. يقولي مهندس الاستقبال بترومين الترا 7
وانا اغير عليه كل 5 آلاف .. وكل 10 آلاف في الوكالهـ

ياجماعة وش صفينا عليه

اي الزيوت استخدم

لان الوكالة بعيده عني

أفضل زيت وشي

أفضل زيت هو زيت هوندا ينباع بمحلات الزيت عليه شعار هوندا تلقاه بكل مشحمة والعلبة بـ14 ريال يعني زيت هوندا مهب بس بالوكالة تلقاه بكل مكاااااااااااان

عندك زيت كاسترول ماجنتيك

يمدحووه وبقوة

بس يعيبه سعره غالي بس بكم مدري

وعن نفسي اغير في الوكاله

الزيوت - الكفرات - وعوازل الحراره
<<< ما حتحصل أعضاء راسين فيها على رأي واحد

أنا بنسبالي أحط زيت موبيل ون تخليقي 100% 0w40 <<< سعر العبوه 40 ريال لاكن يمشيك فوق 12 ألف
\
/
\
وأشوف الأعضاء يمدحو كاسترول ماجنتيك

وأنتبي من المحلات لايحطولك زيوت تجاريه ×_×
فـ يفضل تروح عند أماكن معروفه بأنها ماتبيع ألا الأصلي

ماودي ادوخك ياخوي أنا بصراحة مر علي سنة سميتها سنة الزيوت
كل تغييره بنوع مره كاسترول ماقنتيك ومره موبيل ومره جي تي اكس :p لاتستغربون والله اني صادق واخيرا ااااه واخيرا

مالك غير سوبر شل << لاتقولي زمان وقديم <<هذا من أقدم الزيوت ,اكبر الشركات

والحمد لله اللحين سنة كاملة أغير سوبر شل كل 5000 كيلو وأسأل البنشري اذا غيرت عن الزيت القديم ويقولي باقي كويس :cool:

................................فالأخير اتمنالك التوفيق

زيت هوندا سعر العلبة في محلات قطع الغيار 12 ريال و الفلتر15
و ما شاء الله ممتاز

فوكس سوبر جي تي (علبة بلاستيك سوداء) / أو بترومين الترا 7

لزوجة 20w50 في الصيف

وفي الشتاء تقدر تستخدم 10w30 أو 10w40

أما أنك تستخدم 10w30 في الصيف ما أنصحك أبد
لأنه اخف وما يتحمل وتنقص لزوجته مع الوقت
وويحترق أسرع من 20w50

وبالتالي / يضر المكينة

والأفضل أن الشخص يرسي على زيت معين :) موب كل تغييره ( نوع ثاني ):confused:
ويشوف ( يشيك ) على الزيت بنفسه
أحسن من البنشري :aa_hacker: <<< اللي يا إما يقولك الزيت محترق ولازم تغيره :eek: وهو جديد !
أو يقولك الزيت جديد :eek: وهو محروق ! >>> اذا كان حاقد عليك أو يحسدك
طبعا مو كلهم ( بعضهم )
والبنشري دائما ينصح بالزيت اللي يكسب منه ( أكثر من الأنواع الثانية )
أو الشركات اللي تعطيهم هدايا :d

فوكس سوبر جي تي ألماني وممتاز ..

انا من 8 سنوات ما استخدم الا هو وماقد شكيت منه ابدا ..

طبعا على اكثر من موتر منها 2003 6 سلندر والان 2007 اربعه سلندر .

فوكس سوبر جي تي مجربه على أككثر من سيارة ومن زمان وماشاء الله زي الفللللللللللل

يا جماعة بلاش نمشي وراء الاعلانات والاسماء الكبيرة
وفي النهاية اغلب الزيوت سو و زي بعض في الجودة والخدمة والمواصفات
المهم يكون زيت من شركة معروفة والانتظام في التغيير والصيانة الدورية
للسيارة ( طبعا خارج الوكالة بالنسبة لي على اقل تقدير ) لان الوكالات
ما همها الا سرقة اموال المستهلكين واغلب كلامهم كذب في كذب

افضل شي زيت سوبر جي تي ((علـــبه ســـودا)) بــ 14 ريال


قسم انه شنيع:d


ولو ماتغيره الا 7000 الف عادي

بصفه عامه اكثر زيوت الشركات العريقه اشوفها ممتازه

انا استخدم موبيل اكس اتش بي وامشي عليه مابين 5 و 7 الاف كيلو

الميزه الي عاجبتني فيه انه ماينقص مع المشي الا نسبه بسيطه ماتحتاج اني اضيف زيت + لزوجته مثل زيت هوندا

استخدم كاسترول ماجناتيك الى ١٠ الاف كيلو واحياناً الى ١٥ الف .. آخذ العلبة بسعر خاص ٢٠ ريال وتنباع في المحلات الاخرى ٣٥ ريال :cool:

انا استغرب من اللي رد يقول اغيرة كل ٥٠٠٠ واسأل البنشري عن الزيت القديم يقول لسة كويس .. طيب دامة يقول لك كويس ليش تغيرة :confused:

زيت هوندا متوفر في كل مكان وفي كل بنشري وزين مافيه شي

انا بدلت الزيت مرتين مره موبيل اكس اتش بي لزوجته مثل زيت هوندا 15w40 ولكن بما ان موتري 6 سلندر لاحظته يصرف اكثر من زيت هوندا

رجعت على زيت هوندا ولكن عيبه يتبخر اذا مشيت عليه 3500 كيلومتر وفي ناس تقول مشت عليه 7 الآف بدون مشاكل

المهم مشكلة التبخير والنقص مسويه لي قلق وقلت بجرب كاسترول ونفس المصيبه والتغيير الجاي زيت هوندا مالنا غنى عنه

وللمعلومية زيت فوكس سوبر جي تي العلبة البلاستيك السوداء ممتاز جدآ لكن يعتبر ثقيل بالصيف على محركات الهوندا وانا كنت استخدمة في سياراتي قبل منهم هوندا سيفيك - نيسان التيما - وتويوتا راف فور من طلعته من الوكالة وعلى طول فوكس سوبر جي تي - وفورد جراند ماركيز وماشفت منه مشاكل ابدآ ومااستخدمته الا من نصائح مهندسين يمدحونه

زيت الترا 7 يقولون زين لانه المصدر لكن ماجربته للامانه :)