عرض للطباعة
السلام عليكم
شكلي جيتكم متأخر بس اتمنىا اجد حل المفروض الحل قبل مو بعد ما تضررت الزجاج الامامي من الغبار
سافرت بسيارتي في الغبار وانعدمت الزجاج الامامي صار فيها مثل الحبيبات كأنها خشنه من الغبار فما ادري هل اجد حل لها اوم لا بد من تغير جديده !!
اذا يوجد حل لها فكم تكلفني ؟
واكون من الشاكرين
خذلك فره على محلات التلميع واذا ما صلحوها
خذلك فره على محلات طبيب الزجاج (دكتور الزجاج)
واذا ما نفع مالك الا تغير القزاز اذا انت من الرياض في عندك السالم للزجاج يمدحون شغله
شوف الرابط يمكن يفيدك
.
.
.
http://www.hondaarabia.com/club/showthread.php?t=21684
الحل رح لطبيب الزجاج في الصناعيه القديمه بالرياض ويحكها لك وان شاء الله تزبط النسبه 60%
اقتباس:
المشاركة الأصلية كتبت بواسطة العب العب
هل يوجد محل طبيب الزجاج بالشرقية
هلا بك اخوي ..
فيه عندك بالرياض باصناعيه القديمه ..
ورشة الشباب معروفه بالتصليح بس بنسبه للسعر مادري والله ..
بس فيه محلات اكثار بالصناعيه القديمه ..
وإنشالله المعلمومات فادتك ..
مع إحترامي وتقديري ..
anonymous ..
مساء الخير
شباب تكفون اذا احد يعرف محل بالشرقيه - الدمام- غير محلات ارمز ويقوم بكشط الزجاج الامامي المرمل يعطيني خبر
مساء الأنوار يالغالي
سلامة سيارتك من الضرر ان شاء الله انها بسيطة
في بالدمام بالخضرية خذ لك فرة عندهم اكيد بتلاقي
موفق بإذن الله
تبي النصيحه اذا سافرت بالذات معك الاهل
اذا بتسافر قبلها بيوم حاول قبلها بيوم تضلل القزاز مو كتم ضلل اخف شي واحسن شي يكون التضليله طبقه وحده مو طبقتين
كم مره ونا اسافر تتقدم علي سياره تجيني حصاة من نفس اطار السياره الي قدامي وتضرب بالفزاز بس الحمد الله من بعد الله ماسار شي لان التضليله
مثل المضاد له واكيد ينفع بالسفر اذا سار غبار من واقع تجربتي :cool:
حتااا انا مثلكك اذا لقيت لاتنسااا تقول هنا وانا لي شهر وانا ادور م لقيت من سكان الشرقيه الخبر و الدمام
اقتباس:
المشاركة الأصلية كتبت بواسطة أوريون عاشق الهنادي
هذا ما يحصل معي كل ماسافرت تطاير الاحجار من عجلات السيارات المتجاوزه لي في السفر. ما اذكر اني سلمت منها حتى سيارات اخواني نفس الشيء واكثر الربع بعد تصير معهم بسبت هالورعنه اللي يتجاوز من اطراف الطريق ويورح نص عجلاته على التراب اعزكم الله اللي على اطراف الطريق مما يؤدي الى تطاير الاحجار والتراب ,, الخ
انصح كل مسافر يسوي حماية لوجهية سيارته وللزجاج الامامي. اما بخصوص تصليح الزجاج المترمل ان صح التعبير اللي عليه اثار خدوش مااكثر احد يصلحها مالك الا تغير القزاز هذا على حسب علمي والله اعلم.