عرض للطباعة
اليوم استلمت سيارتي لاكورد من الوكالة
وبعد ماوصلت البيت لاحظ
انااا الكفرااات مصفرة مثل ضربت الشمس عليهم وفيها تشققات صغيرة جداااا في الكفر
شباااب لو اروح الوكالة
يبدلوهم لي على الضمان او هل يوجد حل؟؟؟
وماهي لاعررراض التي سوفة اجدها في السيارة من هذا التشققات؟
اخوي لازم يفحصون الكفرات اول.............................
وبعدين يقررون
بس يمكن انت تحكم من تاريخ صنع الكفرات
الدولار ممكن توضح اكثر
السيارة جديدة توها واصلة الييوم
وكيف اقدر ابدلها على الضماان
مجرد توقع <<<
ان الوكاله مالها علاقه بالكفرات
يبدلونها لك غصب عليهم اذا كانت منتهيه .. شاري منهم السيارة ما شريتها ببلاش ..
اذا رفضوا طلبك لا تسكت .. و أتصل على المدير الاقليمي و يشب لك على الوكالة .. انا ما اعرف وسيلة أتصال فيه لكن لعل الشباب يفيدونك
شكرا لكم جميع وانا يوم السبت رايح اشوف الموضوع
وانشالله ادا مابدلوهم راح ارجع ليكم
تشققات في بشرة الكفر
تأكد من تاريخ الكفر .. ومّر على بنشر كفرات قل كم تتوقع عمرها
ورح للوكـالة واسألهم عن مشكلة الكفر وليش شكله كـذا :)
من ابسط حقوقك ان الوكالة يبدلون لك الكفرات هذي بكفرات جديدة
واصلاً من ضمن الاشياء اللي من المفروض انهم يفحصونها قبل ما يسلمونك السيارة الجديدة .. الكفرات
روح وشب عليهم وان شاء الله يغيرونها لك
;)
ارجع للوكالة وتفاهم معهم
انشالله راح ارجع للوكالةاقتباس:
المشاركة الأصلية كتبت بواسطة __علاوي__
وشكرا على الكلام الجميل
- يمنع الإساءة أو التجريح بشخص أو عضو في النادي أو شركة أو منتج أو وكيل، بأي شكل كان.
مساكم الله بالخير
اخوي بالنسبة لمشكلتك ترى لها حل بسيط جدا وهو كالتالي :
1- تعال اول شي للكفر ودور في محيطه خانة مربعة يوجد بها 4 ارقام مثل ( 3407 ) هذا الرقم هو تاريخ صنع الكفر وللتوضيح اكثر الرقمين اللي على اليسار هو رقم الاسبوع اللي صنع فيه الكفر والرقمين اللي على اليمين هي رقم السنة يعني بدون كثر هرج الكفر صنع في الاسبوع الرابع والثلاثين من عام 2007 م . وانت عاد بحسبتك شف الاسبوع هذا يوافق شهر كم بالميلادي . :)
2- العمر الاستهلاكي الافضل لسلامة الكفرات هو سنتين فانت حاول قدر المستطاع كل سنتين تغير طقم الكفرات ( طبعا هذا من باب الامان واللي يبي يحافظ على سيارته ) في ناس ما يغيرونه الا اذا ضرب وهذي مشكلة .
3- اذا اكتشفت اي عيب في الكفر وانت توك مشتري السيارة لا يردك عن باب الوكالة شي يغيرونها وهم يضحكون بعد . :d
اخوي صارت له نفس المشكلة بس للمعلومية معاه جي ام سي سوبر بان 2004، يوم اخذ السيارة عطوها له بالكفرات اللي جات بيها من امريكا وما تتخيل قد ايش انصدمنا يوم لقينا الكفرات صنع 2002 يعني انتهت وهي لسه السيارة جديدة ، وشي ثاني خطير ان الشركة اللي تصنع الكفرات وقفت تصنيعها وقفلت عام 2004 ( والله ماني فاكر اسمها ) المهم اخوي اخذ السيارة وبعد فترة لاحظ انخفاض في ضغط واحد من الكفرات واخذ بين فترة والثانية يعبيه هوا الين ما جينا يوم ولقينا السيارة على الجنط ورحنا للبنشري علشان يرقعه لنا :confused:
وقتها انصدمنا صدمة ربك عليم بها ( يوم حط اليماني الصابون على الكفر يشوف من فين التنسيم ) لقينا تنسيم بسيط من 18 مكان في الكفر ، يعني لولا لطف الله كان الكفر على وشك انفجار ، المهم اخوي غير الكفر على حسابه لانه كان متوقع ان المشكلة من الطريق ولا مسامير ، لكن يوم قال لصاحبه على الحكاية ( وصاحبه عند جمس ونفس الموديل ) قال له المفروض انك تسوي زي وتكلم الوكالة اول ما تشتري السيارة يغيرونها لك مجانا لانها قديمة ، والوكالة ما تقول للناس عشان ما تكلف على عمرها تغيير الكفرات مجانا !!!! حياة الناس صارت لعبة :mad:
تحياتي واسف للاطالة والقرقرة الفاضية :d
شكرا شبااااب على الردود اليوم رحت الى الوكالة
بس قبل لا ادخل قسم الصيانة ركت الى المعرض
وطالعت في لاكورد وفي الكفراات شفت جميع السيارات لاكورد مثل كفرات سيارتي ( كفرات الفل ابشن) لانة الي مو فل ابشن كفراتها غير
وستحيت ادخل الوكالة واقوال لهم شوفوو ويظحكون علية
قمت ورجعت
هل انتم شبااب ايظن عدكم هذا التشققات؟( تشققات صغيرة )
وهل هذا التشققات عااادية؟؟
اسمـع يا أخوووي لا تستحي ولا شي هذا من أبسط حقوووقك .. وترى هم لو لقوا عليك شي ما يخلووونك .. وانت بعد لا تخليهم لا تستحي ترى اللي يستحي ما يعيش ...
وتحيـاتـي لكـ . . .
فيه مثل مصري يقول : "اللي اختشوا ماتوا"
:d
واذا بتستحي من حقك الايام هذي بياكلونه الناس
خلك ذيب وانا خوك وكشر لهم عن سنونك
:mad:
واذا ما فيك حيل تكشر خذ معك واحد ملسون وفهمه السالفة وخله يشب عليهم
وتغيير الكفرات اذا كان فيها مشكلة والسيارة جديدة تراه من ابسط حقوقك
;)
خلاص اروح معاك انا واذا بدلوا لك الكفرات تعطيني تعبتي 100 ريال :dاقتباس:
المشاركة الأصلية كتبت بواسطة B Unique
الا يرجك يا بي يونيك ذكرتني بنفسي قبل فترة وانا رايح مع واحد من الشباب الا يستحون للوكالة وشبيت عليهم وبغيت اقلب المكتب وصاحبي يقولي خلاص مالها لزمة :d
وصار الموضوع على خير وحلوا مشكلة سيارته :)
^اقتباس:
المشاركة الأصلية كتبت بواسطة الهادف
^
تعجبني !!
:cool:
من ابسط حقوقك يمك الكفر مصنوع في منتصف 2006 او في اخره تقريب السنه صارله والسياره واقفه وكلنا نعرف اذا وقف الكفر فتره عرضه لي الخراب وعلى سالفت الجمس كثيرين صارت معاهم لن الشركه ترسل السياره بكفرات تخزين ويفترض من الوكيل تبديلها عند بيع السياره بس الوكيل طنش تعش اخوي روح تكد من الكفر اذا كان مشمس حتاء لو التاريخ جديد مو ذنبك سو تخزين السياره ممكن تمشي فيه اي وقت ينفجر لنه مشموس وناشف راجع الوكاله واذا كنت برياض اجي معاك لساني طويل واقلق دينهم لا تسكت بقر فرصه رح لا تبرد السالفه
ببساطة ..
ضمان التواير على وكيل التواير نفسه ، يعني لما تروح للوكالة .. إذا كانت توايرك ميشلان مثلاً ، راح يرسلك بورقة الضمان الخاصة بالتواير إلى وكيلها و اللي هو الجفالي ، و هناك راح يفحصها فني عندهم و إذا كان فيها أي خلل سيتم استبدالها مباشرة ..
طبعاً العملية مو بالبساطة هذي ، لازم تحتاج طولة لسان شوي إذا كان الخلل مو واضح بالحيل .
و طبعاً سبق و جرب العملية هذي واحد من أصحابي عنده أوبل أوميغا 2002 بعد ما طلعها من الوكالة بأسبوع .. راجع الوكالة للتواير و أرسلوه للوكيل مع ورقة الضمان ، و فحصهم له و قال له ما فيهم شيء .. و صاحبي طويل لسان و قال له لو سويت حادث أو صار فيني حاجة و اتضح لي أن السبب هو من توايركم لأنها مشموسة .. بقدم شكوى عليكم عند الغرفة التجارية ..
فاللي صار .. رجع الموظف و عمل تشييك كامل و تأكد من التواير مرة ثانية .. و بالفعل كانت سليمة .
لذلك .. لا تسكت عن حقك أخوي ..