عرض للطباعة
السلام عليكم ورحمة الله وبركاته
كل عام وانتم بخير وعافيه
وحياكم الله وبياكم
سؤال عن صيانة هوندا في الدمام من ناحية السمكره عندي سيارة اكورد 2009 جاها واحد وصدمها وهي واقفه على الزاوية اليمنى انعدم الصدام والرفرف والكفر لف يمين فمادري عن أسعار القطع اللي هي الصدام والرفرف والشمعه وكذاك العكس أو الكمر مادري وش اللي انعدم بالضبط لاني بوديها يوم الثلاثاء اذا فتحت الصيانه بعد العيد
اتمنى أن تفيدوني عن الصيانه والتوقعات كم يكلف شغلها مع شغل اليد
دمتم في حفظ الرحمن
والسلام عليكم ورحمة الله وبركاته
قدر الله وماشا فعل
انشاالله الشباب ما يقصرو
الحمد لله وانا اخوك في الحديد ولا فيك وقدر الله وما شاء فعل ،، انا عندي لك نصيحة وانت اعرف خلاصك ... شوف لك ورشه معروفه عندكم بشغلها وبويتها وسمكرتها ،، اهم شيء الوكاله لا تقربها ألا بالقطع لو تدخلها الوكاله راح يعطونك على الأقل ٢٥ الف وهذا تقريبي بالنسبه لصدمتي لأن الوكاله ماعندهم شيء اسمه تعديل اي شيء يتعدل ومعفوط راح يغيرونه كامل وانت تدفع ولا تدري ،، ومثل ماقلت لك هذي نصيحة مجرب وانت بكيفك :o
إذا ماديتك تسمح وديها الوكالة وهم يتصرفو
أمى إذا نص ونص وديها ورشة لكن القطع كلها من الوكالة عشان تكون أصلية
إذا طفران :d وديها ورشة وجيب القطع من التشليح
وإذا على الحديدة وديها الورشة وجيب قطع تجاري!!!!!!!!!!!
الحمدلله على السلامه
بالنسبه للبوية غالية وضمان مثل وجههم
أنا عندي ضربة خفيفة من أسفل الباب الخلفي و شوي الرفرف الخلفي شوي من تحت
رحت الوكالة و شافها المهندس الكبير المصري
قالي 1900ريال و ضمان 3شهور بس على البوية
ورحت ورشه برة معروفة في الدمام و قالي 1200ريال و ضمان سنتين على البوية
و شغلهم مرة حلو ممكن أحسن من الوكاله
أنت مومأمن شامل
وديها ورشة في الخضرية أسمها باسمير أو الرابع عشر شوف أي الي أرخص و توكل على الله
أفضل باسمر معنه غالي شوي بس خذ شغل و صبغ
ماعليش على الأطالة سامحوني بس (هاذي 2009 جديدة)
باسمير بالدمام وتطلع السيارة وكلك رضا 500%