مساااااااااااعدة تكفون .. اكورد 2007

السلام عليكم ورحمة الله وبركاته

طالبكم يا راعيين الفزعة والخبرة ابي استشيركم وان شاء الله تفيدوني

ياطويلين العمر

انا اعشق الهوندا اكورد بشكل خيالي

ونفسي بموديل 2008 فما فوق لان شكلها يجنن

المسالة ان فلوسي بحدود 50-55 الف ريال

واليوم رحت المعارض لقيت اكورد 2007 v6 فل كامل لون اسود نظييف مرة وماشي 70 الف
وارد قطر وصاحبتها حرمة يعني الموتر مايحتاج فيه رشة بسيطة جدا بالرفرف يسار

السيارة قيمتها بحدود 54 الف والمشكلة اني ما احب هالشكل

وخايف من اعطالها وخراباتها وقطع الغيار لان ناس كثير خوفوني منها

ابي استشيركم .. اخذها واتوكل على الله ولا ادور وممكن القى 2008 4 سلندر وبدون مواصفات بهالقيمة ؟؟


الله يخليكم ابي احد يفيدني وله مني دعوة بنص الليل

شكرا لكم ..

لو كانت الأكورد 2007 - 4 سلندر كان اقولك خذها وانت مغمض!, مشاكل الـ v6 اكثر من الأربعة وهذا شيء معروف بالمنتدى والكل يعرف.

لكن إذا انت تبي موديل 2008 ممكن تحصل شيء نظيف لكن الممشى ماراح يقل عن 80 ألف, واهم شيء تاخذ فل كامل جلد او مخمل إلي يريحك!.

وشوف قسم البيع والشراء فيه سيارات نظيفة ممكن تصلح لك, وقبل كل شيء استخير الله (والله يسهل أمرك)

اقتباس:

---

المشاركة الأصلية كتبت بواسطة king

لو كانت الأكورد 2007 - 4 سلندر كان اقولك خذها وانت مغمض!, مشاكل الـ v6 اكثر من الأربعة وهذا شيء معروف بالمنتدى والكل يعرف.

لكن إذا انت تبي موديل 2008 ممكن تحصل شيء نظيف لكن الممشى ماراح يقل عن 80 ألف, واهم شيء تاخذ فل كامل جلد او مخمل إلي يريحك!.

وشوف قسم البيع والشراء فيه سيارات نظيفة ممكن تصلح لك, وقبل كل شيء استخير الله (والله يسهل أمرك)

---

الله يعطيك العافية ..

طيب كم اسعارها الي تقول .؟

http://www.hondaarabia.com/club/t43005/

http://www.hondaarabia.com/club/t43796/

http://www.hondaarabia.com/club/t43769/

http://www.hondaarabia.com/club/t42179/

مثل ماقال اخوي كنق

او شوف لك اسبيشل نظيف موديل 2008 في حدود الـ 60 _65

اقل من الاسبيشل لا تأخذ اقصد السياحي

لان السبيشل تقدر تركب عليها جنوط ومساكات نيكل واللي يشوفها من برى يقول فل

وهذا غير المواصفات: فتحه _ جنوط << شيئين اساسيين في السياره

وهذي المواصفات اللي في السبيشل ومااعرف بعضها او انها هي بس كذا لعدم معرفتي

بمواصفاتها

عالعموم الرأي رايك واستخر

وان شاء الله تلاقي شي نظيف بحدود الفلوس اللي معك

الله يجزاكم الخير

شفت مواضيعك ياغالي كنق بس اسعارها غالية وماستطيع عليها

الحين هذي الي قلت لكم عليها يعني ماتنصحون فيها ابد ؟؟؟

مع اني حاسس سعرها ممتاز والموتر شبه جديد

الاخوان كفو ووفوا بس ياخي الرهيب في معارضنا كل ماجابوا سيارة من برا لو من باكستان قالوا لك استخدام حرمة

انا معي هوندا اكورد 2007 ممكن لها معي 7 شهور الحمد لله ماشية معي تمام ..

موتر الصررراحه ...

والله احترت وش رايكم

ممكن القى بالخمسينات 2008 فل ابشن ؟

وانا في القصيم ايش رايكم بمعارض الرياض

و الله يالغلا أنا من رأيي أنك ما تفرط بالأكورد اللي انت لقيت بالمعارض ،، موديل 2007 و V6 بعد


أنا اقول استخر ربك و توكل و خذها بس


للمعلومية ،، من أفضل ما أنتجت هوندا عموما بأجيال الأكورد كلها لحد الآن موديل 2006-2007 :cool: حتى من ناحية الخرابات


استخر ربك و خذها بس

مع احترامي للجميع ، انا اشوف افضل سيارات هوندا مثل ماذكر اخوي كلاسيك هي اكورد 2006 - 2007

واخوي كينق يوم انك تقول اعطال الستة سلندر اكثر ، تكفى سو مقارنة بسيطة عن مواضيع الاعطال للأربعة سلندر والستة سلندر في المنتدى وشوف ايش الاكثر

الحمدلله الستة سلندر إ لم تكن خالية من العيوب فهي لا تذكر أبداً

، وكاتب الموضوع اقوله توكل على الله وخذها

انحش يارجال لاتروح دراهمك

ياخوي انا كنت في نفس وضعك بالضبط سبحان الله حتى شكيت اني انا الي كاتب الموضوع قبل سنه خخخ

انا عندي 2007 سته سلندر شاريها بـ 56 وارد الامارات فيها حساسات وبلو توث و كشافات ( طبعا فل اوبشن ) وكانت ماشيه 70 ألف و استخدام ( حرمه ) خخخ

وكنت شايف وحده اربع سلندر 2008 فل كامل

اخدت 2007 بدون تفكير حتى ماكاسرت معاه السعر السياره نظيفة وممشاها جدا جدا رائع

والي يقول خرابات السته سلندر اكثر من الاربعه يسمح لي غلطان والله هم نفس الشي جميع العيوب المصنعيه ان وجده فهي نفسها في السته والاربعه سلندر

ياخوي خد السياره وانت مغمض

وعليكم السلام ورحمه الله وبركاته

بالنسبه للسعر فهو مناسب جداً ..

ولكن تاكد من تشيكات الوكاله ..

واذا ما هي موجوده ،، تقدر تاخذ رقم الشاصيه وتتصل في وكاله قطر وتتاكد من الممشى الحقيقي ..

وكذلك تقدر تتاك من ناحيه فحص استهلاك المكينه .. وكذا راح تعرف كم ممشاها التقريبي ..

لان المعارض للاسف ،، بعضها يقلل من الممشى او يقول لك استخدام حرمه عشان تشتريها !!

والموديل ٢٠٠٨ ممكن تحصل لك سبيشل فتحه تماتيك على ٥٨ الف ..

^^^^
لبى قلبك :)
أعيد واكرر الستة سلندر إن لم تكن خالية من العيوب فهي لا تذكر أبداً مقارنة بأعطال الأربعة سلندر

وإذا تبي تتأكد بنفسك سوي إحصائية بسيطة في المنتدى عن عدد مواضيع أعطال الاكورد الأربعة سلندر وأعطال الستة سلندر وراح تشوف الفرق كبير ، عدا عن الأعطال اقولك شغلة
هدوء تام بالسيارة وانعدام صوت (حنة) المكينة حتى مع السرعات العالية ، علماً أن الضغط نادراً يوصل للـ4000 ، وغير السلامة اللي تتميز فيها فئة الستة سلندر وهو وجود عدد (8) إيرباق مقابل اثنين فقد في الأربعة سلندر

كذلك خلفية السيارة الرائعة والمتميزة بعدد (2) عادم واللي يعطي السيارة شكل رااااااااااااااااااااائع وخيالي 180 درجة

اقولك بالنسبة للأكورد الأربعة سلندر
لما تجرب ، ما حتقرب :d

خذ الستة والقلب داعي لك

اهلين اخوي و الله انصحك بالشكل 2006 - 2007 شوووف انا معي موتر 2007 ما شاء الله روعه

نصيحه واعتبرها وجهه نظر
لا تلتفت وراء يعني لا تاخذ الشكل القديم مهما كان النظافه او الحجم لو بأسم أليسا
وانت وظعك تمام يعني معك مبلغ يقدر يجيب لك اسبشل او سياحي اخوي قبل اشهر اخذ سياحي باسم صاحبها وكاله 50500
ولا تبحث بمواقع النت لانهم ناس فاضين انزل المعارض تحصل شريطيه طقطق على مخهم وراح تحصل ناس محتاجه وناويه تبيه

أخوي
أنا أخذت سيارتي بـ 55 طحت عليها من السماء وكانت ماشية 73 وتشيكات الوكالة كلها تمام الحمد الله
بس الصراحة قعدت 7 شهور وأنا أدور لدرجة إني كرهت الأكورد وقلت خلاص منب شاري
بس الحمد لله تيسر لي هالموتر
إذا فلوسك كاش والمة أنصحك تجرب طريقتي
تحط عندك بالمفضلة 3 مواقع ( مستعمل وحراج ومنتدانا هذا )
وشيك يوميا عليها إن لم يكن في اليوم مرتين
صدقني بتطيح على عروض خيااااااااااااااااااااااال
لأن بعض الناس ما يحب يقروش نفسه بالمعارض فينزل الموتر بالنت
ويلقى الجزومين على قفى من يشيل

بالنسبة للموديل 2008 ولا 2007
الصراحة مافيه مقارنة من وجهة نظري
والناس تمشي قدام ما ترجع ورى هع
وبغض النظر عن الشكل, ياخي كل ما كان الموتر جديد معك عاش معك أطول
وصدقني فلوسك تجيب لك 2008 سبيشل بالراااااااااااااااااااااحة
وأهم شيء مثل ما قالوا الشباب لا تستعجل وتاخذ سياحي لأن السياحي بدون فتحة
خذلك سبيشل أو فل وهنا الفروقات بين الفل والسبيشل والسياحي
http://www.hondaarabia.com/club/t29742/


والله يرزقك الموتر اللي يطيب خاطرك يا غالي ~

بارك الله فيكم جميعا ..

بنزل اخر الاسبوع لمعارض الرياض وان شاء الله اشوف مع اطلاعي على حراجات الانترنت

والله نصيحه واقولها لك لاتفكر ابداً بـالشكل القديم

الحين الاكورد الموديل القادم بيكون اخر موديل وعلى الـ 2013 تغيير كلي

وخذها مني والله تلقى سيارات نظيفه بس يبغى لك كل ماشفت نفسك فاضي انزل المعارض وقف الناس وشوف وسعر

اهم شيء السياره لاتستعجل ابدا ابدا فيها

انا على شهر 10 لقيت اكورد 2008 فتحه جنوط "سبشل" ماشاء الله ورده ماشيه 40 الف بس وتشيكات الوكاله كلها موجوده بـ 58 لون فيراني

ولقيت ارخص بس نظافتها مش ولابد .. يعني زي اللي فوق لؤطه على مايقولون

وان شاء الله بدور لك اليومين هذي سياره وبشوف < شريطي :)

ارسل لي رقمك بس عالخاص ولاتخاف الدلاله مجاناً ههههه

تحياتي لك

والله ونعم النصيحه

انا سالت كثير وقالولي خد شكل جديد 4 سلندر افضل لك وتلقى سبشل ب 55 بالراااااااحه بس بالرياض او جده

وان شاء الله اخر الاسبوع بسويلي مرة والله يختار الخير